قراتان ~ كُرات البطـــــــاطا بالبيشامال ~ سهل ولذيييذ المطبخ الجزائري

عنوان الموضوع : قراتان ~ كُرات البطـــــــاطا بالبيشامال ~ سهل ولذيييذ المطبخ الجزائري
مقدم من طرف منتديات العندليب

https://im42.gulfup.com/4mV4i.png

سلام جبتلكم اليوم اخواتي طبق ساهل ماهل ولذيذ في نفس الوقت ويصلح حتي كطبق ثاني في رمضان لي ميحبش يكثر واقتصادي صراحة منحتاجش بزاف مكونات وغير مكلفة
اسمحولي انا ماكنتش راح ندرجو في الموضوع مصورتش من الاول وكل الخطوات وانا عودتكم نصور كلشي لكن راهو ساهل تبعوا معايا

https://im42.gulfup.com/BtFZx.gif

-- نحتاج حبات بطاطا حسب أفراد العائلة مقشرة مغسولة وطايبة في الماء والملح عاااااااادي ، بعد ما طيب أرحيها بالباتور او امعسيها ملييح تكون ملساء ومن غير أي اضافات ونخليوها على جنب

-- الان بالنسبة للدجاج استعملي صدر أو شرائح داند متبلة (( ملح ، فلفل أسود ، فص ثوم ، م ص هريسة )) وشوي زيت
في مقلاة نطيب الدجاج مقطع مربعات صغار مع التوابل في شوي زيت مع التقليب مرة على مرة حتى يطيب

-- الان في نفس المقلاة منغسلهاش ونطيب فيها صوص البيشامال في نفس المقلاة تجي فيها ذوق الدجاج والتوابل ممممممم
صوص البيشامال (( 1 م ك زبدة ،2 م ك فرينة ، فروماج حوالي 50غ مع اضافة الحليب حتى تكون شوي سائلة ))

حطي الدجاج المتبل في المول
دوركا اقسمي البطاطا كميات متساوية أي كويرات حسب مساحة المول لي راح ديري فيه
في كف يدك حلى البطاطا حطي فيها شوي فروماج واغلقي وكوريها مليح اذا جاتك تلصق شوي ساعدي يدك بالماء أنا ملصقتليش
https://im42.gulfup.com/iDVTR.jpg

وحطيها في المول كيما تشوفي في الصورة
https://im42.gulfup.com/0VF8W.jpg
https://im42.gulfup.com/8dxlr.jpg

الان صبي صوص البيشامال فوقهم واذا تحبي ديري فوقو فروماج رابي

https://im42.gulfup.com/gKP9v.jpg
وحطيه في الفرن يكون سخووون من قبل لمدة ربع ساعة
شعلي من تحت 300° يطيب لمدة 10د في الاصل كلش طايب
ومن فوق خليه يتحمر لمدة 5د
وخرجيه من الفرن هاهو بعد ماطاب
https://im42.gulfup.com/QgRNK.jpg
https://im42.gulfup.com/GOarz.jpg

قولولي واش رايكم ماشي ساهل وميديش الوقت وزيد اقتصادي ؟؟؟؟؟؟ وزيد على هذا بنيييييين

نتمنى نكون أفدتكم بموضوعي البسيييييط
تحيــــــــــاتي




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

emmmmmmmm chahitini t3 sa7

__________________________________________________ __________

>>>> الرد الثاني :

أممممممممم أممممممممممم كلش من يديك بنين و يعجب

__________________________________________________ __________

>>>> الرد الثالث :

المشاركة الأصلية كتبت بواسطة dadou mascarienne https://3andlib.xplainer.net/images/...s/viewpost.gif أممممممممم أممممممممممم كلش من يديك بنين و يعجب

الله يحفظك صاجبتي لعزيزة تفرحيني بردودك يا شعنونة هههههههههه

المشاركة الأصلية كتبت بواسطة sousouia https://3andlib.xplainer.net/images/...s/viewpost.gif emmmmmmmm chahitini t3 sa7

كولي بصحتك حنونة

__________________________________________________ __________

>>>> الرد الرابع :

روعة
يعطيك الصحة
ماشاء الله

__________________________________________________ __________

>>>> الرد الخامس :

أمممممممممممممممممممم راه يشهي تبارك الله
يعطيك الصحة