-
عاونوني طريقة جزائرية
عنوان الموضوع : عاونوني طريقة جزائرية
مقدم من طرف منتديات العندليب
السلام عليكم اخواتي راه عندي عرضة العامة كيما يقولو بعني اكثر من 10 رجال وحابة اطباق ملبحة وش ندير في رايكم راني نستنا فيكم ما تخيبونيش ربي يستركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
39مشاهدة ولا ردددددددددد
__________________________________________________ __________
>>>> الرد الثاني :
a mon avis il y apas mieux que menu tar les fete je veux dire chorba couscous m'tewam ou bien chetitha dejaj bon chance
__________________________________________________ __________
>>>> الرد الثالث :
شوفي اختي السلطة ديري ماسيدوان واذا متعرفيش نقولك كيفاه
كطبق رئيسي اعتمدي حاجة تعرفي ديريها مثلا ارز مع اظرفة االدجاج او دجاج رولي
انت وش حابة قوليلي عندك لحم او دجاج
ديري طاجين الحلو او العين
ديري سوب اي حساء البصل تاع الهام او الفطر او شوربة فريك عادية
ديسار ديري تيراميسوا او مثلجات بما انو رانا في الحر واذا تعرفي طيبي تاي ديري تاي مع قراوش
نتمنى تجاوبيني وش حابة وش عندك باه نقدر ناعونك اكثر
__________________________________________________ __________
>>>> الرد الرابع :
شوفي اختي حنا فالغرب نديرو عشا شباب يعني حريرة ولا شوربة طبعا باللحم الغنمي و الطبق الرئيسي نديرو زوج : لحم محمر بلي بولات تاع الكفتة و الشومبنيون و دجاج محمر فالفرن مع الزيتون تشكتشوكة الفلفلة بالكبدة الا ذبحتو و نزيدو الحلو دروك رانا نديروه ديسار يعني الطاجين الحلو بلا لحم و نزينوه مالفوق باللوز محمر فالزبدة و الزيت و نديرو سلاطة منوعة ماسيدوان الخضر( بطاطا و زرودية مقطعين رقاااق و الجلبان ) ولا سلاطة الروز بالطون او الكروفات ديكورتيكي و الماييس و المايونيز و تزينيها بالطماطم و السلاطة الخضراء و البيض و المايونيز و الزيتون و الخيار هاذو للسلايط و الفاكهة تبغي تحطيهم عادي ولا تديريهم سلطة فواكه و يزنيها مالفوق بالكرام شانتيي و المشروبات الباردة هاذي حاجة باينة
انا عطيتك فكرة على المنيو الكلاسيكي و كل واحد و شطارته و أفكاره فالتغيير و الف مبروك و بالتوفيق حبيبتي
__________________________________________________ __________
>>>> الرد الخامس :
شكرااااا حبيباتي ربي ينور دربكم ويعطيكم ما تتمناو راني ديت فكرة
