menu رقم 2 خاص بشهر رمضان الفضيل طبق جزائري
عنوان الموضوع : menu رقم 2 خاص بشهر رمضان الفضيل طبق جزائري
مقدم من طرف منتديات العندليب
سم الله نبداو مع الموني الثاني اللي راح يكون
المدخل :بوراك بالبطاطا والجبن + بريك بالبيض
الطبق الاول :شوربة فريك بطريقتي و الخاصة بمنطقتنا
الطبق الثاني : بيتزا ايطالية + ميني بيتزا
التحلية: موس لذيذة بالفلان والشانتيي ولاكرام باتيسيار
المدخل بوراك بالبطاطا والجبن + بريك
لازملك 4 ولا خمس حبات بطاطا بالقشرة غليها في الماء حتى تطيب وخليها تبرد تماما نقيها واسكرفجيها بالفرشيطة وهدا هو السر في نجاح البوراك ولا السفيرية ولا اي حاجة بالبطاطا انك تطيبيها بالقشرة وانك تخليها تبرد مليح من بعد تمرسيها لانك ادا سكرفجتيها وهي سخونة تتعجن وتولي تلصق في اليدين وماتنجميش تتحكمي فيها
زيديلها سنة ثوم وملح ومعدنوس مقطع وهريسة وزيتون اسود واخضر مقطعين وجبن مبروش اختياري خلطي الكل مع بعض
https://fbcdn-sphotos-g-a.akamaihd.n...25222614_n.jpg
حلي ورقة البوراك وحطي كمية من الحشو بالطول ماتكثريش حتى ماتجيش الحبة مليانة واللي ياكلها مايقدرش يكملها وحطي فوقو قطع من الجبن الطري انا نستعمل جبن باربار كي العادة واغلقي الحبة كيما في الصورة
https://fbcdn-sphotos-c-a.akamaihd.n...46301861_n.jpg
https://fbcdn-sphotos-b-a.akamaihd.n...45025514_n.jpg
https://fbcdn-sphotos-g-a.akamaihd.n...12056028_n.jpg
وحطيها فوق منشفة وغطيها حتى ماتنشفش وتيبس
كي تكمليها كلها اما تدهنيها بالزبدة وتدخليها للفور ولا تقليها في زيت غزير على نار متوسطة تقطريها مليح ةتحطيها فوق ورق ماص
https://fbcdn-sphotos-h-a.akamaihd.n...95391150_n.jpg
البريك حطيتهولكم من قبل في هاد الرابط
https://www.djelfa.info/vb/showthread.php?t=1297925
https://fbcdn-sphotos-c-a.akamaihd.n...28927374_n.jpg
فقط الحشو عملت لحم مفروق مقلي مع شوية بصل وثوم ورشيتو فوق البيضة في مكان الطماطم والبصل وكملت نفس الخطوات
الطبق الاول :شوربة او جاري فريك بطريقتي
هاد الطريقة معتمدينها عندنا في ولايتنا في شهر رمضان وفي المناسبات والاعراس جربوه يجي روعة بدون مبالغة
في طنجرة حطي لحم غنمي من الاحسن نتاع لي كوت او الشطوب وادا ماكاش اعملي دجاج زيديلهم بصلة كبيرة مبروشة مالازمش تكون مرحية بزاف لانها تولي ماء وماتكونش بنينة كي نقلوها مع اللحم وزيديلهم 3 ملاعق كبيرة زيت ورشة دبشة او حشيشة مقطفة مقطعة رقيقة وقلي الكل على نار متوسطة ولا هادئة مع التحريك مرة على مرة مدة 10د
https://fbcdn-sphotos-d-a.akamaihd.n...72088522_n.jpg
زيديلو الملح وفلفل اسود وكسبر مرحي وشوية حار بودرة اختياري وزيدي قلي شوية
https://fbcdn-sphotos-b-a.akamaihd.n...08604151_n.jpg
زيدي ملعقة ونصف طماطم مصبرة ممكن اقل او اكثر حسب نوعية الطماطم وخليها تتقلى مع التحريك حتى 2 د
https://fbcdn-sphotos-a-a.akamaihd.n...07814135_n.jpg
ثم مرقي بالماء الدافي تقريبا 2 ليترات
https://fbcdn-sphotos-g-a.akamaihd.n...50180109_n.jpg
خلي الكل على النار وكي يغلي زيدي الفريك المنقي والمغسول انا عملت فنجان مليان
ونقصي في النار وخليه يطيب على مهلو على نار هادئة انا خليتو ساعتين حتى طاب مليح اللحم
خطوة مهمة كي يطيب كلشي زيدي رشة من الدبشة او الحشيشة مقطفة و ارمي 2 قرون فلفل حار خليها تغلي دقيقة لا 2 وطفي واغلقي الطنجرة حتى 2 دقايق اخرى ووقت التقديم املي من فوق رشة سخية من الدبشة جربيه راح يجيك روعة
https://fbcdn-sphotos-g-a.akamaihd.n...31753872_n.jpg
https://fbcdn-sphotos-e-a.akamaihd.n...97697255_n.jpg
ماتنسايش تقدميه مع خبز الدار ولا مع الكسرة او الخميرة
https://fbcdn-sphotos-e-a.akamaihd.n...91736922_n.jpg
الطبق الثاني بيتزا + ميني بيتزا
راني حطيتهالكم من قبل في هاد الرابط
https://www.djelfa.info/vb/showthread.php?t=1234868
فقط عملتها خبزات صغار والحشو جبن مبروش وزيتون ولحم مفروم وجات امممممممممممممم ماتتشبعش
جربوها والله روعة بدون مبالغة وراح تعجبهم كامل على ضمانتي
https://fbcdn-sphotos-c-a.akamaihd.n...63821489_n.jpg
https://fbcdn-sphotos-f-a.akamaihd.n...28452025_n.jpg
https://fbcdn-sphotos-b-a.akamaihd.n...21847234_n.jpg
https://fbcdn-sphotos-h-a.akamaihd.n...92690749_n.jpg
التحلية موس روعة روعة خاصة لمحبي الشوكولا
عملت كيس كرام باتيسيار دوق شوكولا مع نصف لتر حليب + فنجان حليب لاني حبيتها تجي خفيفة ماشي عاقدة بزاف وزدتلها 3 ملاعق كبيرة سكر وخليت الكل على نار متوسطة مع التحريك حتى ثقال شوية وخليتو يبرد
https://fbcdn-sphotos-h-a.akamaihd.n...57118903_n.jpg
في هدا الوقت عملت كاس الا ربع حليب بارد جدا وخلطتو مع ملعقة كبيرة حليب غبرة او لحضة + 2 ملاعق كبيرة من غبرة فلون ذوق شوكولا انا استعملت فلون نوارة يعني فتحت الكيس وصبيت قيس 2 ملاعق
في خلاط حطي 150غ بودرة الشانتيي اللي تتباع بالميزان زيدي فوقها هداك الحليب البارد والمخلط مع الفلان واللحضة وضربي على سرعة عالية
https://fbcdn-sphotos-d-a.akamaihd.n...31898008_n.jpg
حتى تتحصلي على كريمة ثقيلة زيديلها بالتدريج ثلاث ارباع الكرام باتيسار
https://fbcdn-sphotos-c-a.akamaihd.n...01041366_n.jpg
اللي تكون بردت وخلطي بسباتولا ولا فرشيطة من فوق لتحت حتى مايخرجش الهواء
الربع اللي بقالك من الكرام باتيسيار صبيه في ليكوب
وكملي عمريها بالموس اللي تحصلنا عليها
واخيرا دري على الوجه شوية من بودرة الكاكا بصفاية
https://fbcdn-sphotos-d-a.akamaihd.n...22893655_n.jpg
https://fbcdn-sphotos-a-a.akamaihd.n...57126037_n.jpg
ودخليها للكونجي لاتور ساعتين من بعد نزليها للثلاجة حتى وقت التقديم وراح تتحصلو على موس خفيفة وبنينة ياخي يقلك الحاجة ام الاختراع انا سخفت على حاجة خفيفة وبنينة خلطت وجلطت وجاتني كيما بغاها خاطري
وهادي لوبيا خضراء او زاليقو كيما نسموه عندنا عملتو لبابا يموت اعليه وهادي طريقتها نزولا عند رغبة اختي فلورا 06 وخواتي اللي طلبوها
بالنسبة للوبيا في كوكوط حطي 3 ملاعق زيت مع حبة بصل مرحية و2 سنات ثوم وقيس ملعقة صغيرة دبشة او حشيشة مقطفة مقطعة رقيق قلي الكل حتى حتى يتغير اللون شوية زيدي الملح وشوية فلفل اسود وشوية كروية مرحية زيدي مغرف كبيرة طماطم مصبرة زيدي قلي شوية ومرقي بكاس ماء
في صحن حطي 200غ لحم مفروم مع 2سنات ثوم مرحية وشوية معدنوس مقطع رقيق وملح خلطي الكل وشكلي كويرات ارميها في هداك المرق اللي يغلي بلاماتحركيها خليها على نار متوسكة 5دقايق ثم حطي اللوبيا فوقها واللوبيا حاولي تقطعيها صغيرة تقريبا بطول 3سم راح تجيك بنينة وماتقلقش في اكلها المهم كملي مرقي بالماء حتى تتغطى اللوبيا وادا تحبي الجزر ممكن تزيدي معاها مربعات صغيرة جزر يعطيها حلاوة اغلقي الكوكوط وخليها على نار متوسطة تقريبا ساعة ونصف انتي كي توصل ساعة افتحي شوفي ادا لقيتي مازال فيها الماء زيديلها شوية وقت
دركا نعطيك سر البنة كي تطيب اللوبيا وتبدا تعقد ارمي زوج قرون فلفل حار وقيس ملعقة حشيشة مقطفة او دبشة مقطعة خلي المزيج يغلي دقيقتين ولا 3 وطفي وخلي الطنجرة مغلوقة حتى 2 دقايق اخرى من بعد قدميها مع رشة دبشة
وراح تجيك احلى لوبيا ماشطو جربيها راح تعجبك خاصة ادا كنتي من محبيها
وراني راح نحط لوبيا ماشطو قراتان بطريقتي عما قربيب بحول الله يجي روعة
https://fbcdn-sphotos-e-a.akamaihd.n...82703067_n.jpg
نتمنى يكون نال اعجابكم الموني الثاني
وانتظروني في مونيهات اخرى الايام القادمة بحول الله
ماتنساونيش بدعواتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله الله عليك نينا ماشاء الله مازال ماشبعناش المنيو الاول زدتيلنا الثاني يعطيك الصحة عجبني كلشي رووووعة خاصة التحلية ترقبي تطبيقي في اقرب فرصة
__________________________________________________ __________
>>>> الرد الثاني :
اهلا اهلا اهلا بالغالية ام ابراهيم ديما تفرحيني بردودك حبيبتي
مالا رانا نستناو تطبيقك في القريب بحول الله
رمضان كريم حبيبتي وصحا صحوركhttps://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gif
__________________________________________________ __________
>>>> الرد الثالث :
وش نقولك يا اختي وحبيبة قلبي نينا طبخك ماشاء الله كل يوم نجرب حاجة بالصح ندرح باه نحطها البيتزا تاعك اشكري وعاودي كل يوم نديرها وجاتني كيما لي نوكلها برا وخير منهااعتمدت الوصفة وولات هذه هي العجينة تاعي وجربت الدجاج كنتاكي هايل ومقرمش مع البيري كل يوم نجرب حاجة ربي يجازيك ان شاء الله
ونزيد نقولك كل وصفاتك محملتهم في الكمبيوتر تاعي باسم طبخ نينا ربي يحفظك ولا يحرمنا منك
__________________________________________________ __________
>>>> الرد الرابع :
الله يبارك ماشاء الله بصحتكم
__________________________________________________ __________
>>>> الرد الخامس :
تبارك الله عليك حبيبتي
ربي يخليك ويعليك على من يعاديك
