خبيزات aux herbes et olives طريقة جزائرية
عنوان الموضوع : خبيزات aux herbes et olives طريقة جزائرية
مقدم من طرف منتديات العندليب
خبيزات خفاف رايحين يعجبوكم بزاف ... عاودتهم من اجل عيونكم الحلوين باش نصورهم وتشوفو شحال شابين
SAM_0719.JPG
SAM_0726.JPG
SAM_0728.JPG
SAM_0729.JPG
SAM_0731.JPG
هادو المقادير وطريقة التحضير في نفس الوقت
ابداي بمقدار كاس زيتون اخضر غليه مليح مع جلوف قارص ...
نديرو 500 غ فرينة في العجان ولا ماكاش حطيهة في ليان نورمال زيدي عليها م ص ملح + م ك خميرة الخبز +2م ك حليب بودرة + م ك سكر +1 خميرة كيمائية + 6 ملاعق زيت الزيتون + 2 سنات ثوم مقطعين رقيق + م ك خليط من
( الزعيترة يابسة ولا 2 قرصات مطحونة + زعتر + لافوند + رومارا) هدي التشكيلة من الاعشاب المعروفة باسم
herbes de provence ... و في الحقيقة انا خلاصتلي ملا درت شوية زعيترة +زعتر + شوية اكليل الجبل مطحون .
المهم ... خلطي كلش و ابداي ضيفي الماء دافي بالشوية ... مقداركاس وخلطي بملعقة خشبية على الاقل 15 تور ولا بالكروشي نتاع البيترا مدة 5 دقايق ... كيتكملي زيدي هداك الزيتون مقطع دوائر ...خلطي مليح باش يدخل ... وغطيه وخليه يرتاح 20 د حتى يخمر
من بعد ديري يديك في شوية زيت وشكلي 6 او 8 كريات بالعجينة حطيهم على سينية مدهونة بشوية زيت و مرشوشة بالفرينة...ابسطيهم شوية وغطيهم وخليهم يزيدو يخمرو الوقت ليحمى الفرن على 180درجة ...ادهني سطح كل خبيزة بالبيض+ قطرات خل ورشي عليهم شوية من خليط الاعشاب ... انا حطيت شوية زعتر وشوية نتاع النعناع يابس حكيتهم بين يدي وزدت شوية سانوج و دخلتو للفرن...... شوفو شحال مثقب وخفيف و المذاق نتاعو نخليهلكم ليكم كي تجربوه
ولابغيتي بالزيتون الاسود ... خلي العجينة نورمال .. وكي تقرصيهم حطي فوق كل خبيزة زيتونة ...
اشاء الله مانكونش كثرت عليكم الشويات ...... وجربوه وردولي الخبر https://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gif
سلام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اممممممممممممممممممممممممممممممم هذا خبز ولا خلي جاء ما شاء الله راني ديت خبزة يعطيك الصحة ومزيدا من الابداع اختي
__________________________________________________ __________
>>>> الرد الثاني :
مااااااااااااشاء الله يعطيك الصحة يا اختي
__________________________________________________ __________
>>>> الرد الثالث :
روعة يعطيك الصحة اختى
__________________________________________________ __________
>>>> الرد الرابع :
بارك الله فيك اختي شكرًا
__________________________________________________ __________
>>>> الرد الخامس :
تسلم ايديكي
يعطيك الصحة
