استفسار يا لحراير من مطبخي

عنوان الموضوع : استفسار يا لحراير من مطبخي
مقدم من طرف منتديات العندليب

السلام عليكم اخواتيhttps://3andlib.xplainer.net/images/smilies/dj_17.gif
انا من فضلكم عندي طلب صغير وارجو منكن مساعدتي https://3andlib.xplainer.net/images/smilies/sdf.gif
انا ان شاء الله عندي عرس خويا بعد رمضان وحبينا نديرو شباح السفرة لكن عندي استفسار
حنا في العادة نديروها بالسكر رطب لكن قالولي بالسكر احرش تجي خير متجيش معجنة
واش رايكم يا لحرايرhttps://3andlib.xplainer.net/images/...s/confused.gif
وشكرا مسبقاhttps://3andlib.xplainer.net/images/smilies/19.gif

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جاوبوني من فضلكم

__________________________________________________ __________

>>>> الرد الثاني :

https://www.djelfa.info/vb/showthread.php?t=1209493
انشاء الله نكون فدتك شوية ...سلام و الله يعاونك

__________________________________________________ __________

>>>> الرد الثالث :

شكرا جزيلا اختي على اهتمامك https://3andlib.xplainer.net/images/smilies/mh31.gif
هذي الطريقة نفسها لي نديرو بيها في قسنطينة لكن انا محتارة بين سكر رطب وسكر cristaliséhttps://3andlib.xplainer.net/images/...s/rolleyes.gif

__________________________________________________ __________

>>>> الرد الرابع :

هذا شباح السفرة لام اماني

اليوم عملت كمية من الشباح وحطيتها في المجمد وراح نحاول نشرح كل الخطوات لان بعض الاخوات كحطوها في الصوص او السيرو تتفتح وتفقد الشكل نخليكم مع الوصفة.
المقادير:
3كيلات لوز ميكونش غبرة .
كيلة سكر خشن
بيض الصفار نبلو بيه العجينة والبياض نقلي بيه الشباح.
شوية قرفة،القليل من ماء الزهر وماء الورد.]
نخلط اللوز مع السكر والقرفة ونضيف الصفار والقليل من ماء الورد وماء الزهر حتى نتحصل على عجينة متجانسة .

بالنسبة للشكل تقدري ديري اشكال مختلفة نجمة،وردة،.....ان نفضل شكل المثلث ونعملو بطابع المقروظ وكل حبة نقسمها على اثنان هذي الطريقة عملية خاصة في الاعراس كتكون كميات كبيرة وبالنسبة للنقشة الموجودة في الطابع كطيب الشباح ماتظهرش.]
نحط الحبات على ورق الزبدة باه تحافظ على الشكل واذا كانت كمية كبيرة نزيد نحط ورق الزبدة ونحط طبقة ثانية.

نحط الحبات في بياض البيض طبعا بدون ما نحرك البياض بالشوكة ونقليهم في الزيت على نار متوسطة ونقلبهم بالخف لابد يكون اللون فاتح.

ونحطهم يقطرو في كسكاس ولما يبردو نمسحهم ونعاود نقليهم بنفس الطريقة ونخليهم يقطرو للمرة الثانية ونمسحهم ولما يبردو تماما نحطهم في علبة ونحطهم في المجمد راهم يبقاو كيما راهم لوقت الحاجة.
ممكن نعملهم وحدهم ولا نعمل الطاجين الحلو ونزين من فوق في هذه الحالة اذا كانت كمية صغيرة نحط الشباح في الصوص نتاع الطاجين غير شوية وننزعه ونزين بيه اما اذا كانت الكمية كبيرة كيما في الاعراس والمناسبات نعمل سيرو بالماء والسكر والليمون وكطيب نضيف كمية من عسل سان فرانسيسكو وماء الورد ونرمي الشباح .

__________________________________________________ __________

>>>> الرد الخامس :

شكرا اختي فايزة بارك الله فيك