واش راكو توجدوا لرمضان إن شاء الله؟ المطبخ الجزائري

عنوان الموضوع : واش راكو توجدوا لرمضان إن شاء الله؟ المطبخ الجزائري
مقدم من طرف منتديات العندليب

https://3andlib.xplainer.net/images/smilies/dj_17.gifيا ريت كل واحدة تقلنا واش راهي توجد لرمضان بش نفيدو و نستفادو,انا يا بديت:
- قشرت كمية كبيرة تع الثوم و كنجلتها
-كنجليت la sauce tomate واجدة للبتزاو المملحات
- la pate brisé salée et sucrée.
- شويت الفلفل قشرتو و كنجليتو
و أنتما........


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أين التفاعل...????...

__________________________________________________ __________

>>>> الرد الثاني :

يعطيك الصحة يا الفحلة
أنا والله مازال مادرت والوا
درت الميناج للكوزينة
ورحنا قضينا لرمضان شربة فريك ، التوابل ، اللحم ، الدجاج وكونجليتوا على خاطر راهو رخيس من بعد يغلى
وراني مع الخدمة
راني نخمم كيفاش ندير جاني رمضان مع الخدمة ربي يقدرني ونوفق بين الدار والخدمة
وصح رمضانكم وإن شاء الله ربي يتقبل منا ومنكم أجمعين ويجينا بالصحة والهنا

__________________________________________________ __________

>>>> الرد الثالث :

المشاركة الأصلية كتبت بواسطة souadraghad https://3andlib.xplainer.net/images/...s/viewpost.gif يعطيك الصحة يا الفحلة أنا والله مازال مادرت والوا درت الميناج للكوزينة ورحنا قضينا لرمضان شربة فريك ، التوابل ، اللحم ، الدجاج وكونجليتوا على خاطر راهو رخيس من بعد يغلى وراني مع الخدمة راني نخمم كيفاش ندير جاني رمضان مع الخدمة ربي يقدرني ونوفق بين الدار والخدمة وصح رمضانكم وإن شاء الله ربي يتقبل منا ومنكم أجمعين ويجينا بالصحة والهنا

والله يا أختي انا ثاني خدامة راني نسيي ننقص عليا الخدمة في رمضان، باش نتفرغ للعبادة . ربي يعيدو علينا بالصحة و البركة أمممين...........

__________________________________________________ __________

>>>> الرد الرابع :

الله يبارك
ربي يعاونـــــــــــــك
حنا درنا نيتواجياج للكوزينة وشرينا الفريك ثااني والباقي ما زال

__________________________________________________ __________

>>>> الرد الخامس :

راني عادا مع الميناج مادرت حتى شي