راس الحانوت بساكرة على اصولو طبق جزائري
عنوان الموضوع : راس الحانوت بساكرة على اصولو طبق جزائري
مقدم من طرف منتديات العندليب
راس الحانوت هذه التوابل الممزوجة مع بعض واللتي تعطينا مكونا سحريا
لاغنى عنه في كل مطبخ جزائري وكل منطقة وتوابلها الخاصة
لكن راس الحانوت البسكري لم اتذوق مثله يناسب كل الوصفات الحمراء خاصة الشخشوخة لكن طعمه مميز ورائحته عبقة تشمها
من
\
\
\
\
\
\
\
\
\
\
\
\
\
\
\
100 كلم هه شميتوه
هذه طريقة والدتي الله يحفظها في اعداده
طبعا من غير شك ان راس الحانوت البيتي افضل من راس الحانوت انتاع الحانوت طعما ونظافة ما يشقاش نقلكم واش فيه الكل يعرف
من اولويات تحضير راس الحانوت
ان تختاري توابل جديدة وذلك يظهر من رائحتها تكون قوية ولونها مميز
ان تسومي التوابل لغسلها ونزع الاتربة والاوساخ سوميها فقط مثل الطعام لا تتركيها في الماء لمدة طويلة فتفقد طعمها ثم صفيها في غربال وانشريها تشيح جيدا لازم تنشف مليح من الماء ثم غربليها ونقيها حبة حبة
انا خصصت نظارة لهذه المهمة
طبعا كل تابل تسوميه وحدو
بالنسبة لمسك لجبير والكركم وجوزة الطيب الرند والقرفة امسحيهم بكتانة مبلولة
الهيل ولقرنفل او لكبابة لا يحتاجو غسل امسحيهم برك
الورد ايضا لا يغسل لكن نقيه من الشوائب او غربليه من الغبرة
امزجي التوابل مع بعض تاكدي ايكون وشايحين مليح عند الشمس
وفي الشتاء نحطوهم فوق الشوفاج ايشيحو اوتتركز النكهة
احفضيهم في بلارة او علبة وكل مرة ارحي كمية باش ما تروحش ريحتهم وكل مرة تون جديدة
المقادير
1 كغ كسبرنوعية جيدة اخضر
250 غ كروية
125 غ حبة حلاوة
100غ زريعة البسباس
50 غ كبابة
50غ زنجبيل النوع الابيض دقيه شوي بالمهراس باش يمتزج مع كل المكونات
ورقات رند حوالي 5 او 6 فتفتيهم
حبة واحدة جوزة الطيب مهرسة شوية
50غ كركم
50 غ شواشي الورد الحر
حبات قرنفل
30 غ فلفل اسود
حبات هيل 10 حبات اذا متوفر مش ضروري
تاكدي بهذه الخلطة السحرية طيابك را ايكون روووووووووعة و مميز
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة راه عندي مدة وانا نحوس على مكونات التوابل الي يتخدمو في الدار لكن ماكانش الي تعطيك سر توابلها
__________________________________________________ __________
>>>> الرد الثاني :
ليش البخل والله دعوة خير خير من الدنيا او ما فيها
اختي جربيهم وخبريني كيف جاوك
وبصحتكم
__________________________________________________ __________
>>>> الرد الثالث :
يعطيك الصحة
__________________________________________________ __________
>>>> الرد الرابع :
شكرًا لك اختي أمي ربي يخليه دير نفس المكونات لكن بدون الفلفل الأسود والقرنفله ويجي اممممممممم للطباق الحمرا
بارك الله فيك
__________________________________________________ __________
>>>> الرد الخامس :
جزاك الله خيرا...
