purée revisitée + poulet frit طبخ جزائري
عنوان الموضوع : purée revisitée + poulet frit طبخ جزائري
مقدم من طرف منتديات العندليب
السلام عليكم
https://www.up.djelfa.info/uploads/140292803521111.jpg
وصفة معروفة لكن بطريقتي ....رايحا تعجبكم بزاف وحتى اولادكم
اول حاجة نبداو بشرائح الدجاج نديرولهم الملح و 1 م ص كركم + 1 م ك خليط توابل الدجاج ... راهي متوفرة في الاسواق بكل الماركات... نخلوهم يتشربو لاماريناد ... حتى وقت القليان ..
هنا ادا ماعندكش هادي التوابل تقدري ديري 1 م ص كركم + ملح وفلفل اسود فقط او تقدري تحطي توابل الشوارما مقدار 1 م ك و الي تتكون من :
1 م ك كمون بودرة + 1 م ك كسبر بودرة + 1 م ك بودرة ثوم + 1/2 م ص قرنفل + 1/2 م ص فلفل ابيض وادا ماعندكش حطي 2 م ص فلفل اسود + 1 م ص زنجبيل + 1 م ص قرفة بودرة + 1 م ص فلفل اسود ... خلطي كامل هادي التوابل و حطيها في علبة محكمة الفلق و استعملي مقدار 2 م ك في 1 كلغ نتاع دجاج او لحم . ولي ماتبغيش التوابل حطي الملح TOUT SIMPLEMENT
ونرحو نوجدو البوريه
انا حطيت 2 كلغ بطاطة + 3 حبات من الجزر مع الملح والماء الكافي و غلقت عليهم 20 د في الكوكوت ...
كي طابو صفيت الماء نتاعهم واحتفظت بـالنصف نتاعو ... لانو يحتوي على النشاء ورايح يساعد في تكتل البوريه وما تنساوش الفيتامينات كامل راهي في الماء هادا ... (علاش خطرات تشوفو وصفات للحريرة يقولو فيها نصفي الخضر فقط بالمعنى ماتطحنيهاش ...رايحا تزيد تخترلك فقط الحريرة ... مادام البويون فيه كلش ...راني خرجت كامل من الموضوعhttps://3andlib.xplainer.net/images/smilies/biggrin.gif ) نكمل باقي الوصفة .......ظفت 1 كاس حليب دافيئ ... وزدت طحنت بالبيي و ضفت 1 بيضة كاملة + 2 قطع فرماج و قطعة صغيرة من الزبدة في الاخير ...و ماتنسايش تراجعي كمية الملح ...
و كملت طحنت كلشي ...
نرجع للدجاج نحط في مقلاة قطعة زبدة ونقلي الشرائح على نار هادية باش يطيبو مليح اقلبيهم وكملي الطياب و نحيهم و حطيهم على ورق ماص .
https://www.up.djelfa.info/uploads/14029281642731.jpg
https://www.up.djelfa.info/uploads/140292834529471.jpg
https://www.up.djelfa.info/uploads/14029282905221.jpg
https://www.up.djelfa.info/uploads/14029283840471.jpg
https://www.up.djelfa.info/uploads/140292844240021.jpg
https://www.up.djelfa.info/uploads/140292851678621.jpg
https://www.up.djelfa.info/uploads/140292856945781.jpg
https://www.up.djelfa.info/uploads/140292860227521.jpg
https://www.up.djelfa.info/uploads/14029286330791.jpg
قدمي البوريه نتاعك مرفوقة بشرائح الدجاج ... كيما تقدري تحضري هاد الطبق بالكوتلات او شرائح الديك الرومي .
انشاء الله تكون الوصفة عجبتكم وصدقوني عندها مداق اخر على البوريه العادية ورايحا تساعد خاصة لعندها مشكل مع الاولاد والجزر ....
ماتنساونيش في دعوة نتاع خير من القلب ... ورمضان مبارك ليكم انشاء الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة اختي وبارك الله فيك على اطباقك الرائعة
__________________________________________________ __________
>>>> الرد الثاني :
الله يبارك فيك حبيبتي
يشرفني زيارتك لمواضيعي
رمضان كريم انشاء الله https://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gif
__________________________________________________ __________
>>>> الرد الثالث :
الله يبارك مصارني راهم يبكو ههههههههه جوعتيني يا مصيبة
بصحتكم تشهيييييييي
__________________________________________________ __________
>>>> الرد الرابع :
كالعادة متميزة و اطباقك متميزة و رااااااااااااااائعة بارك الله فيك
__________________________________________________ __________
>>>> الرد الخامس :
و الله و الله و الله كون نقدر نبعتلك قدرة .... ماشي خصارة فيك ...هههههه
رمضان كريم انشاء الله
