طلب مساعدة من امشرفات والخبيرات طبق جزائري

عنوان الموضوع : طلب مساعدة من امشرفات والخبيرات طبق جزائري
مقدم من طرف منتديات العندليب

السلام عيكم ورحمة الله
عندي رجاء عندكم ونتمنى كما تعودت عليكم متخيبونيش انا عندي مدة طويلة مدمنة منتديات العندليب ونجرب بزاف طبخكم
ربي يجازيكم الخير كلكم اليوم راني جاية حابة تساعدوني راني عروسة جديدة وعندي مشكلة كبيرة في طبخ طبخي ميعجبش زوجي ومن كثر ما توسوست حاجة ماراهي تخرجلي مليحة المادلان اسهل حاجة اليوم خرج كارثة معرفت واش ندير بالاخص كي رمضان راه قريب قولولي واش ندير
ام رامي واماني ام كوثر الهام وكل لبنات ساعدوني والله في دارنا كان طبخي مليح بيني وبينكم راني كل الوقت نبكي لاني نحب الطبخ بزاف
يارب نلقى عندكم الحل ربي وحدو داري بحالتي
وشكرا مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم

حبيبتي تبانلي مشكلتك راهي في وحدة من زوج مدام تقولي عروسة جديدة : إما عين يا الحبيبة لذلك اكثري من الذكر وحصني نفسك دائما بالقرىن والاذكار

ثانيا : وهذا اكيد خاصاتك الثقة بالنفس يعني الفرق بيني ضرك وبين لمابديت نتعلم سر النجاح طبعا بعد فضل الله هو انني كنت نخاف وماعنديش ثقة في روحي ومنين تفسدلي حاجة خلاص نيأس بصح ضرك كي ندخل على تجربة مطبخية ، ندخل وكلي ثقة باللي رايحة تنجح https://3andlib.xplainer.net/images/smilies/cool.gif والاهم غذا فشلت مانياسش لالا عادي خلاص هذا هو المطبخ يوم ليك ويوم عليك https://3andlib.xplainer.net/images/smilies/biggrin.gif
بصح تبانيلي راكي معقدة من تعليقات راجلك لهذا انصحك تبداي في الاول بحاجات بسيطة جدا للمبتدئين كي طبقي وصفة وتنجحلك ترجعلك الثقة في روحك وتعاودي ترجعي كيما كنتي https://3andlib.xplainer.net/images/smilies/wink.gif

نقترح عليك أي وصفة من وصفاتي هذو الاخيرة ومازال رايحة نزيد نحط وصفة أرز ومشروب وعصير وووو ساهلين ماهلين ينجحو فيهم حتى المبتدئين والبنة مانحكيلكش راجلك يبقى يشهد بطيابك

هذو بعض الاقتراحات صدقيني على ضمانتي راجلك يدوخ فيك https://3andlib.xplainer.net/images/smilies/wink.gif
https://www.djelfa.info/vb/showthread...post1056545906
https://www.djelfa.info/vb/showthread...post1056544866
https://www.djelfa.info/vb/showthread.php?t=1592046
https://www.djelfa.info/vb/showthread.php?t=1419724
https://www.djelfa.info/vb/showthread.php?t=1461886

وكاين وصفات ملاح ومضمونين جدا نتاع الاخوات إذا تحبي راسليني ونعطيك واش تحبي مع النصائح https://3andlib.xplainer.net/images/smilies/wink.gif


تصبحي على خير رايحة نيني https://3andlib.xplainer.net/images/smilies/biggrin.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gif

__________________________________________________ __________

>>>> الرد الثاني :

راني حاسة بيك يا اختي انا نظن انه فقط ارتباك او خوف صاريلها كيما الطالب الي يكون حافض و فاهم كلش و يوم الامتحان مايخدمش و هذا لعدم الثقة في النفس
من راي اقراي الاذكار و ماتتقلقيش كي تكوني طيبي و طبقي الوصفة بحذافيرها ماتجازفيش بزاف و اذا لا قدر الله مانجحتش عاااادي جدا حاولي انك ماتبينيش الفشل قدام راجلك على اساس انك جديدة و مال ماوالفتيش la responsabilité و مع الوقت باذن الله ترجعي كيما كنتي و احسن
في انتظار جديدك اختي

__________________________________________________ __________

>>>> الرد الثالث :

اختي نظن انو نوع و بهارات الطيابات لي اطيبيهم في داركم ماشي نفسها لي والف بيها راجلك

سيي تسرقي على عجوزتك بالعين واش اطيب يعني ادا كانو قراتان و لا مرقة الخ و واش من البهارات لي تستعملها بزاف

و عن الحلويات ماتياسيش و جربي كي مايكونش راجلك فالدار ،ادا صلح اللهم بارك وادا لا ارمي و كاموفلي الحالة


الكل تصرالنا هكدا،عن نفسي ماعندهاش ثلاث ايام طيبت بسبوسة جاتني كاااااااااارثة طابت فالطروف و فالوسط ماطابتش كامل بالرغم انها احمارت ،مع العلم اني موالفة نديرها


ساعات عقلك مايكونش راكب في راسك ،تنساي ولا ,,,,,,
و لكن قبل ماتبداي اي حاجة سمي بالله و ان شاء الله مايخيبناش



اسمحولي على الجرنان

__________________________________________________ __________

>>>> الرد الرابع :

ديري دائما طبق معتاد لزوجك وزيدي كمية صغير من طبق اخر وشوفي ردة فعله
واذا كان من النوع اللي ماكلته قليلة خاصة اذا يدخن ماتقلقي روحك بتعليقاتو ماوالو طيبي اللي حبيها انت

__________________________________________________ __________

>>>> الرد الخامس :

اختي الكريمة لا تياسي راه صاريلك كما انا انا ثاني كيكن في دارنا كنت ما نخرجش من مطبخ نذل نخلط و عائلة تاعي تشكر فيا وكتزوجت عكس ذلك وسبب هو ان اهل زوجي وزوجي متعجبهمش واش نطيب ما يهمهم والو خاصةزوجي لما نعمل حاجة نقولو عجباتك يقولي نورمال تتكل ولا مرة شجعني ولا مرة شكرني وكندير حاجة ونتعب عليها خطراتش قاع مايكلهاش كون نقولك يا اختي في بداية كانو يحسو بيا بلي راني ندير سحور في ماكلة حتى ناكل انا باش ياكلو هذي هي لازم نصبر انا صح حطموني على لكونت كنت من عشاق المطبخ مجنونة بيه نبات نخلط والان رجعوني للوراء لكن يا اختي ننصحك تعملي ثقة بنفسك وتقولي قادرة نعمل قادرة وعلاش انا خلاص وليت مانحيرش فيهم و ليت كتعجبني حاجة وجي في قلبي نديرها ليا انا بغاو يا كلو مرحبة ما بغاوش الله يسهل نديرها لعمري والله لرجعتلي روح المطبخ ندير لعمري الله يسهل