تتمة لموضوع الكسرة نتاع منطقتنا مدعمة بالصور من مطبخي
عنوان الموضوع : تتمة لموضوع الكسرة نتاع منطقتنا مدعمة بالصور من مطبخي
مقدم من طرف منتديات العندليب
السلام عليكم حبيباتي إن شاء الله تكونو كامل بخير
اليوم جبتلكم صور نتاع كسرتنا واللي قلتلكم من قبل تشبه للخبز العربي الطريقة ساهلة وراهي بالتفصيل في الموضوع الأول وهاواك الرابط نتاعو
www.djelfa.info/vb/showthread.php?t=1270583
هنا كنت عجنتها وكملت ماصورتش العجين كيفاه داير لاخاطر شيخي وعجوزتي كانو قدامي وحشمت يقولو هبلت https://3andlib.xplainer.net/images/smilies/1.gif
https://im34.gulfup.com/flT6i.jpg
وممبعد نقرصها عادي وفرشها فوق منديل نتاع طبخ ونخليها تخمر مليييييييييييح وممبعد نطيبوها في الكوشة وهاياك صورتها هنا راهي واضحة خير ، هنا في بومرداس كاينين عند ليسودور ماشي كامل بصح كاينين اللي يخدموهم https://www.djelfa.info/vb/images/st.../wol_error.gifإضغط هنا لرؤية الصورة بحجمها الطبيعي.https://im34.gulfup.com/dT2ZT.jpg
نرمو بالزوج خبزات ماشي بيدنا بلوحة تجي طويلة تشبه لنتاع الخباز نسيت ماصورتهاش
https://im37.gulfup.com/aGzgY.jpg
للأسف الصور مقلوبة ماعرفتش نسقمهم https://3andlib.xplainer.net/images/smilies/biggrin.gifhttps://3andlib.xplainer.net/images/smilies/biggrin.gif
وممبعد كي يحمارو نقعدو نقلبو فيهم من كل الجوانب بواسطة مخطاف طويل حنا نقولولو هكدا ماتضحكوش https://3andlib.xplainer.net/images/smilies/1.gif، جاي على شكل حديدة رقيقة ومعوجة من القدام نحركو بيه راهو يبان شوية في الصورة ، نقلبوهم حتى يزيدو يحمارو من التحت
https://im37.gulfup.com/syGuY.jpg
وممبعد نجبدوهم كي يحمارو مليح ونكملو بنفس الطريقة حتى يخلاصو أنا درت الله يبارك 18 مالحين و3 مسوسين
وهاياك كي طابت https://im35.gulfup.com/zmSnl.jpg
https://im34.gulfup.com/Pd8Th.jpg
وشوفو من الداخل كيفاه جايا تصلح للساندويتشات وللشاورما https://im32.gulfup.com/YmLJe.jpg
ببساطة هادي هي كسرتنا من صغري نديروها انا راني نتعلمها بالشوية مرة تصلح مرة نص نص مرة تجي لاعلاقة اليوم زعمى جات مليحة نضت على ال6 عجنتها
ايا اللي يدخل يقولي رايو ويلا يعرفها ولا لالا وواش رايكم فيها
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
واو ماشا الله عليك ام محمد يوسف يا ريت ابعثيلي وحدة
صراحة حنا مانديروهاش لكن سبق وكليتها ومزال بنتها في فمي
يعطيك الصحة اختي وربي يعطيك ويقوويك
__________________________________________________ __________
>>>> الرد الثاني :
ماشاء الله رووووعه المطلوع يسخف بصحتك
__________________________________________________ __________
>>>> الرد الثالث :
الله يعطيك الصحة هايلة
نقلك على عفسى ام ماجد كيكون قدامها باباها وتحب تصور تقولو سقم روحك باش نصورك تلعبها تصور فيه وفي الوصفة هكى مايفيقش ههههههههههههههه جربي المرة الجاية وتشوفي ههههههههههههههه
__________________________________________________ __________
>>>> الرد الرابع :
الله يبارك راكي شاطرة وكسرتك تشهي ويعطيك الصحة عجنتي 18 باين عليك ربيتي لي موسكل هههههههههههههه
عجبني الفور نتاعكم اول مرة نشوف هذا النوع
__________________________________________________ __________
>>>> الرد الخامس :
موضوع هايل و راكي قلتي الصح. كي يشورفونا نصورو يستغربو و يتساؤلو. وهذا شيئ طبيعي. جاك هايل المطلوع و الفران عجبني بزاف كي نتاع بكري
