خبيزات السلق والجبن الدرس رقم 9 من مطبخي
عنوان الموضوع : خبيزات السلق والجبن الدرس رقم 9 من مطبخي
مقدم من طرف منتديات العندليب
السلام عليكن اخواتي
لحظــــات مخــــــبـــرية فــــي الفـــنـون المــطـبــــخـية
الدرس رقم 9
خبيزات السلق والجبن
مقادير الحشو
ربطة سلق
5سنينات ثوم
ملعقة صغيرة طماطم مصبرة
فلفل عكري
ملح
فلفل اسود
راس الحانوت
قصبر مطحون
كمون
2 ملاعق زيت
ماء
جبن
مقادير العجينة
2 كوب فرينة شوب تع القهوة
كاس شاي زيت
ملح
2 قرصات خميرة الحلوة
القليل من الماء لجمع العجينة
زيت للقلي
بياض بيض لتثبيت الخبيزات
طريقة التحضير
نغسل السلق جيدا ثم نقطعوه رقيق نحطوه في قددر نضيف له فنجان ماء ونغطيه ونتركه اطيب كيطيب نصفيه
في مقلاة نحضر التقلية ندرس سنينات الثوم نحط الملح الكمون راس الحانوت و فلفل اسود والعكري قصبروالزيت والطماطم مصبرة وقليل من الماء ونتركها تتقلى على نار قليلة ثم نضيف نصف كاس ماء كتغلي نضيف السلق ونخليه يتشرب التقلية حتى ينشف ويشرب كامل التقلية
نحضر العجينة بخلط الفرية والملح و2 رشات خميرة الحلوة والزيت انبسها مليح بالاصابع ونجمعها بقليل من الماء وما نعجنهاش
نحل العجين رقيقة نحطها في طابع السوفلي او نقطع دوائربكاس ثم نحط السلق لازم يكون ناشف ما فيهش الصوص باش ما يعجنش العجينة نحط قطع الجبن ندهن الحواف بالبياض ثم نغلق الدائرة ونثبت مليح باش ما تتفتحش ثم نقليها في الزيت على الجهتين مليح ونقدمها مع عصرات من الليمون مصحوبة بحساء او شربة
وممكن تعملي الخبيزات في الكوشة وتدهني الوجه بالبيض وترشي بشوية جلجلان ايضا اجي بنينة جدا
https://up.top4top.net/uploads/2016/...3dc05c8431.jpg
جربوهم اخواتي لذيذ جدا
راني ننتظر في تطبيقاتكن لمزيد من لحظات مخبرية في الفنون المطبخية
دعوة خير تكفيني
مع تحيات ام اسلام واية ويوسف
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ما شاء الله اختي من الصور تبان تشهي جازات الله كل خيرو جعل ايامك كلها حلوة
__________________________________________________ __________
>>>> الرد الثاني :
ماشاء الله روعة
يسلمووووو
__________________________________________________ __________
>>>> الرد الثالث :
خرجولك هااااااااايلين يعطيك الصحة
__________________________________________________ __________
>>>> الرد الرابع :
يبانو ي يهبلو يعطيك الف صحة حبيبتي كل وصفاتك تعجبني وتقريبا طبقتها وانستنا وصفات جديدة من يديك و ماطوليش علينا بزاف هههههههههههههه وشكرا مرة اخرى
__________________________________________________ __________
>>>> الرد الخامس :
ما شاء الله
خرجولك روعة
بارك الله فيك
