طبق اللوبيا الخضرى بطريقتي
عنوان الموضوع : طبق اللوبيا الخضرى بطريقتي
مقدم من طرف منتديات العندليب
السلام عليكم
عندي مدة ماحطيتش طبق واليوم خيرتلكم طبق اللوبيا الخضرى او المونشتو او الزاليقو نقولكم الصح هدا مانكره وعمري لاكليتها بصح الفيتامينات فيها بزاف ومفيدة ولهدا ماتبعونيش لاني مانعرفش ناكل هههههههههههههههه المهم هدا الطبق مفضل لولادي الحمد لله اللي يحبوه وانا نطيبو بطريقة بنينة لاني نذوق المرقى برك ونبدا على بركة الله
اولا لازم بلحم العجل شخصيا جربتو بكل اللحوم البيضاء او الحمراء لقيت بالعجل ابن
المكونات لحم عجل + بصل مقطع قطع صغار + ثوم مقطع + طماطم حمراء مقطعة قطعة صغار + رند + التوابل اللي عندك + هريسة + معدنوس وملح وادا كان عندك هيل راح يزيد في البنة وادا ماعندكش معليش انا درت باللوبيا الخضرى تاع المكونجلي بنينة بزاف وهدا طبعا بشهادة اهل البيت انا خاطيني
https://up.hawahome.com/uploads/13932548771.jpg
هدي صورة الماركة اللي نشريها هايلة حتى الجلبانة هايلة
https://up.hawahome.com/uploads/13932548772.jpg
نحط في كوكوط لحم العجل مقطع وزيت مانكثرش يتقلى يطلق بنة رهيبة
https://up.hawahome.com/uploads/13932548773.jpg
بعد مايتقلى مليح ندير التوابل ونزيد نقليهم حتى يداخلو في اللحم وهدا الهيل للي ماتعرفوش انا نستعملو حب لان ذوقو قاطع بزاف 3 حبات يكفو
https://up.hawahome.com/uploads/13932548774.jpg
بعدها نرمي البصل والثوم ونزيد شوي ماء باش مايتحرقش البصل ونقلي كل مانخلي الحاجة تتقلى راح تطلق البنة والنار طبعا تكون متوسطة
https://up.hawahome.com/uploads/13932548775.jpg
وبعدها الطماطم والمعدنوس
https://up.hawahome.com/uploads/13932548776.jpg
راح تطلق الماء انتاعها وكيتذبال مليح ندير الماء ولازم سخون ونقفل على الكوكوط الما يكون حسب نوعية اللحم ادا العجل صغير راح يطيب ثم ثم اما ادا شارف كيما انا هههههههههههههه راح يطول
ومن جهة اخرى حطي مقلة على النار وفيها الزيت ومع تسخن اجبدي اللوبيا من الكونجيلاتو وارميها على الزيت واقليها
واللي تحب دير اللوبيا الجديدة ماعليها غير تنقيها وتغسلها وتقطرها وتقليها
https://up.hawahome.com/uploads/13932558101.jpg
بعد مايطيب اللحم نحي حبات الهيل انا مايحبوهمش نحيهم باش مايصيبوهمش سينو ييييييييييييييي وارمي اللوبيا اللي كنت قليتيها نص طياب طبعا واقفلي راح طيب ثم ثم ماطولش ومالازمش تكون المرقة بزاف باش تزرب تخثار وتجي بنينة وهدا هنا الطبق واجد انا قليت شوي بطاطا وارميتها كيقريب طيب اللوبيا ياخي قلتلكم مانكلهاش هههههههههههههه شفتو مانسيتش روحي تفضلو ان شاءالله تعجبكم وتجربوها
https://up.hawahome.com/uploads/13932558102.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة هايلة
__________________________________________________ __________
>>>> الرد الثاني :
ممممممم باينة بنينة انا ما ناكلهش غير سوتي مع المحمر مممم هههه شكرا على الوصفة
__________________________________________________ __________
>>>> الرد الثالث :
ممممممممم وصفة روووعة ام ياسين
يعطيك الصحة يا الغالية
__________________________________________________ __________
>>>> الرد الرابع :
الله يبارك و يعطيك الصحة و العافية باينة بنييييينة اممممممممممممممم
__________________________________________________ __________
>>>> الرد الخامس :
اممممممممم وصفة رائعة يعطيك الصحة وانا من اكثر محبي اللوبيا الخضراء لانها بصراحة قد مانوكل منها ماتسمننيييشششششششش ههههههههههههههههههه
