طلب وصفة كسرة دشيشة البسكرية طبق جزائري
عنوان الموضوع : طلب وصفة كسرة دشيشة البسكرية طبق جزائري
مقدم من طرف منتديات العندليب
سلام الله عليكم حبيباتي
صحة رمضانكم و صحة فطوركم
حبيت نطلب منكم طلب خصوصا للبسكريات
راجلي عرضوه في بسكرة و بالتحديدي في سيدي خالد و كي حكيت معاه و سقسيتو واش طيبولو قالي كسرة دشيشة و عجباتو بزاف بزاف
حبيت تمدولي الوصفة باه نجربها
ولكن مني جزيل الشكر
سلامي للجميع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
bsahtou okhti ana beskria golili tchicha fik wala mermez
__________________________________________________ __________
>>>> الرد الثاني :
ida kenet tchicha frik taybi rogeg te3ek normal
la sauce: hoti toum et chwia bsal yat9alaw m3a djej wala lhem mb3ad hoti 2 tomates rappe wlouhi foul mranakh whomo s wmatensayech bharat malh felefl kehal ras hanout felfel ahmar wbered mwamr9i wdiri tmatam labat wkhaliha hatan tchoufiha nos tyab louhi tchicha frik kima fik te3 charba mé khchina chwia wlohi felefel wki tib louhilha debcha wbsahtek nchlh tefhmini
__________________________________________________ __________
>>>> الرد الثالث :
المشاركة الأصلية كتبت بواسطة meriem_mri https://3andlib.xplainer.net/images/...s/viewpost.gif
ida kenet tchicha frik taybi rogeg te3ek normal
la sauce: Hoti toum et chwia bsal yat9alaw m3a djej wala lhem mb3ad hoti 2 tomates rappe wlouhi foul mranakh whomo s wmatensayech bharat malh felefl kehal ras hanout felfel ahmar wbered mwamr9i wdiri tmatam labat wkhaliha hatan tchoufiha nos tyab louhi tchicha frik kima fik te3 charba mé khchina chwia wlohi felefel wki tib louhilha debcha wbsahtek nchlh tefhmini |
مشكورة حبيبتي مريم
رح نجربها و نقولك
هو والله ما قالي حتى شي غير انها عجباتو و داتلو عقلو هههههه
ذرك 3 صحابو من تم عرضوه و كل واحد يقولو ديرلي غير كسرة دشيشة هبلتوهولي هههههه
هو قالي برك جاية كيما الشخشوخة و قالي تاني من عاداتهم يقولو للحم ولا الجاج غطي و فرش ولا فرش وغطي يعني تاكلو اللحم ولا الجاج في النص
انا رح ندير طريقتك و نقولك
الف شكر ليك
__________________________________________________ __________
>>>> الرد الرابع :
سلام اختي حتى انا بسكرية
حتى عايلتي ديرهآ بزاف ثلاث مرات فالأسبوع
نقولك كيفاه حنآ نعملوها
اولآ : نحطو المآء يغلي ثم نغسلو مقدار من التشيشة ولمآ يغلي المآء نضيفولو التشيشة ونخليوه يغلي حتى تطيب التشيشة شوي
ثم نغسلو فلفل اخضر حار ونحطوه فالمهراس تاع اليد * تاع النحاس * ونهرسوه مع الثوم والملح ونخليوه شوي خشين
ثم نضيفوه للتشيشة
ثم نغسلو الطماطم حب ونهرسوها فالمهراس ونضيفوهآ للتشيشة ونضيفو شوي شحمة غاوية اي مملحة و قديمة
ونخليو الكل يغلي 10 دقايق
ثم نقطعو كمية من الدبشة ونضيفوها ونطفيو عليها النار
اما الكسرة وهي عبارة عن شخشوخة المعروفة حنا نقولولها الشواط واخرين يقولولها الرقاق ... الخ الخ
هذه اختي كسرة وتشيشة نتاعنا في بسكرة
اخرين يزيدولها خردل مسيلي او فول اخضر .
والسلآم ~*
__________________________________________________ __________
>>>> الرد الخامس :
سلآم اختي
راني نسيت
وعندنآ ثاني شخشوخة فريك
المرقة نتاعهآ نقليو اللحم ولآ الدجآج في الزيت مع كمية مليحة من البصل مرحي وثوم وراس الحانوت لما تتقلى مليح نضيف طماطم حب مرحية وطماطم باطة ثم نمرقو بالما مغلي باه يطيب اللحم ونقفلو عليه الكوكوت
لما يطيب الحم شوي نضيف الحمص منباعد نغسل كمية من الفريك اللي نديرو بيه الشوربة نحيو اللحم ونضيفو الفريك ونخليوه يطيب في الاخير نضيف الفلفل الحار قرون ونخليوه يغلي شوي ونطفيو النار.
اما الشخشوخة فهي معروفة الرقاق او الشواط.
