رفيس الملاوي وبكميات كبيرة لمن تريد الوصفة تتفضل من مطبخنا**رائع جدا طبخ جزائري

عنوان الموضوع : رفيس الملاوي وبكميات كبيرة لمن تريد الوصفة تتفضل من مطبخنا**رائع جدا طبخ جزائري
مقدم من طرف منتديات العندليب

السلام عليكم ورحمة الله وبركاته
اليوم ارتأيت الي وضع هذا الموضوع والمتمثل في طريقة الرفيس وكما يسمونه في الشرق رفيس الملاوي
ماما هي الي راهي تعمل فيه
اولا المقادير نفس الي نخدمو بيها مسمن ولكن لازم تكون مدلوكة ونخليوها العجينة شادة روحها مانطلقوهاش حتى تكون مرخية كما المسمن الي رانب حطيتو من قبل موضوع
اولا نحتاج سميد رطب وملح وماء وندلكوها
نحتاج زيت ومرغرين للخبز المتمثلة في مرغرين توريق صالحة ممجزوجة مع لابال (الاولى نحتاجها للتوريق والثانية نحتاجها للذوق ماما تحب ذوق اونا ولاكن هنا رانا نستخدمو لابال)
https://im70.gulfup.com/n20ov7.jpg
اولا بعد مانعجن العجين نخليه يرتاح 15د ثم نقرصو بنفس الوزن

https://im88.gulfup.com/INAUfI.jpg
نخبزو بالوحدة نحتاج 5 كويرات للخبزة الواحدة باش يجي مورق
https://im88.gulfup.com/1mmhKZ.jpg
ونخبز بهدا الشكل يعني عادي
https://im88.gulfup.com/CPHt0e.jpg
كويرة بعد كويرة ونحط بين كل وحدة واختها مزيج الزيت بالمرغرين ومنكثروش لانه بعدما يوجد ونفوروه ندهنوه
https://im88.gulfup.com/vwsPi8.jpg
كي نكملو 5 كويرات نتحصلو على هذا الشكل
https://im88.gulfup.com/rFkCD6.jpg
ضرك نزيد نخبزها من الاطراف وشوية من الوسط اهم شي الاطراف لانه بعد مانرفدها باش نحطها في الطاجين تتسرح من الوسط
https://im88.gulfup.com/e8KFDy.jpg

الى الطاجين مباشرة

https://im88.gulfup.com/tVC2ng.jpg
كي يدخلها الطياب نرش شوية زيت شوية برك مانكثروش

https://im88.gulfup.com/PDHy0F.jpg

بعدما نقلبوه
https://im70.gulfup.com/yP8d06.jpg
وكي يطيب من الجهتين
https://im70.gulfup.com/iDYEdw.jpg
هنا انا نقوم بهذه المهمة ......بعد ذلك نقطعو بيدي

https://im70.gulfup.com/eWbEwb.jpg

الي الروبو مباشرة سرعة 2

https://im70.gulfup.com/okJvdf.jpg

مايخدش وقت بزاف

https://im70.gulfup.com/JjgObE.jpg

مع اخوانه مباشرة

https://im70.gulfup.com/zgvMUc.jpg

وهنا الشكل النهائي

https://im70.gulfup.com/k7ZaTa.jpg
واخيرا بعد ما كملت ونظفت الحالة
https://im70.gulfup.com/vobnd7.jpg

وهكدا كي يوجد تقدميه للضيوف .اولا تفوريه وتدهنيه بمرغرين اي نوع حبيته انا نستعمل *اون*ا للدهن نكون مذوبتها ونحط معاها زبيب فاير ايضا والشباح من الفوق حلوة الترك وسكر غلاصي او عسل ويقدم مع مشروبات او قهوة كما تحبو

واخيرا ان شاء الله نكون وفقت في الشرح ودعوة خير للوالدة يحفظها ربي
ونتمنى تجربوه راهو ساهل برك انا كثرت الصور للتوضيح
في امان الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ممممممممم حبيبتي رووووووووووعة رووووووووعة
حنا بالقبايلية نسموه ''أفتسث'' سلمت يداك حبيبتي و جعلها الله في ميزان حسناتك
ربي يحفظلك الوالدة و يديمها فوق راسكم يا رب


__________________________________________________ __________

>>>> الرد الثاني :

الله يبارك أختي القبطية ويبارك في الوالدة الكريمة الله يحفظها شهيتيني ممممممممممم هايل لكن قوليلي يا أختي أنا معنديش الروبو كيفاش نرحيه ولا نقطع غير كيما درتيه

__________________________________________________ __________

>>>> الرد الثالث :

اممممممممممممممم هايل اول مرة نشوف هدي الطريقة يعطيكم الصحة

قوليلي العجين اللي داخل يطيب مليح

__________________________________________________ __________

>>>> الرد الرابع :

يعطيها الصحة الوالدة ونفس طريقتنا

بارك الله فيك

__________________________________________________ __________

>>>> الرد الخامس :

انا مانعرفوش هدا لي نعرفو الزيراوي نتاعنا نطيبو بالوحدة ونفوتوه فالسيار الخاص بيه ونديروه كيما قلتي جامي سمعت برفيس الملاوي
بصحتكم قبطية