طجين بونارين من مطبخي بطريقة اختي من مطبخي
عنوان الموضوع : طجين بونارين من مطبخي بطريقة اختي من مطبخي
مقدم من طرف منتديات العندليب
السلام عليكم اخواتي
ربي يتقبل منا ومنكم صالح الاعمال
جبتلكم طجين تاع لحم هايل وبنين
وسمو بونارين
تسميتو لأنو يتقلى بالزيت ومن بعد طيبيه في الكوكوت
تأخذي قطع لحم تبليها بالموتارد فلفل اسود ملح
شوي كمون وتركيه يتشرب اقل مدة ساعة
ومن بعد حمريه في الزيت من الجهتين
رابي البصل اكرمكم الله
وحطيه في الكوكوت وديري كمون شوي زنجبيل
فلفل اسود ملعقتين سمن او مرغرين شوي ملح وجومبو
وحمسي لبصل حتى يتغير لونو حطي اللحم لقليتيه
وشونبينيو ومرقي بالما
واغلقي الكوكوت 45د حسب اللحم اذا كان
خروف ميبطاش تفتحيها تصيبي صوص
بنية ولحم تلقايه طاب يذوب في الفم
شبحيه باللوز وشهية طيبة
وهذو الخطوات بالصور
https://imagizer.imageshack.com/img661/5121/24ggRj.jpg
https://imagizer.imageshack.com/img909/6115/Y1pseQ.jpg
https://imagizer.imageshack.com/img912/5241/APO8dK.jpg
https://imagizer.imageshack.com/img913/7449/Hwv23C.jpg
https://imagizer.imageshack.com/img674/3383/8YNacL.jpg
https://imagizer.imageshack.com/img536/9355/MjQ9AF.jpg
هذا كي طاب اسمحولي مقدرتش نصورو وهو مدكوري
حبيت نوصللكم الفكرة جربوه بنتو هايلة
https://imagizer.imageshack.com/img908/4465/pMAP8n.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ممممم يشهي يعطيك الصحة مستغفرة
وصح فطوركم توحشتك بزااااف حنونة يا رب تكوني بخير انت وكل عائلتك
__________________________________________________ __________
>>>> الرد الثاني :
الحمدلله وشراكي ابتسام شكرًا فرحتيني بمرورك
العطر ربي يفرحك انا ثاني توحشتكم
__________________________________________________ __________
>>>> الرد الثالث :
بارك الله فيك وبصحتكم
مى البصل علاه اكرمكم الله ؟؟؟؟حيرتنى وماقدرتش مانفهمش علاه؟؟؟؟؟
__________________________________________________ __________
>>>> الرد الرابع :
يعطيك الصحة حنونة جاك فوووووور
__________________________________________________ __________
>>>> الرد الخامس :
رائع ماااااااااااااشاء الله
