طاجين الحلو لاول يوم من رمضان تفضلو معايا طبق جزائري
عنوان الموضوع : طاجين الحلو لاول يوم من رمضان تفضلو معايا طبق جزائري
مقدم من طرف منتديات العندليب
السلام عليكم أحبتي في الله
اليوم جبتلكم طريقتنا في عمل اللحم الحلو في الحقيقة الطريقو علمتهالي أخت زوجي نسائم الهدى وهي عضو معانا واليوم وجدتو مع الصباح باه نقص عليا الشغل العشية
اولا نجيبو اللحم لازم يكون بقري حنا مايحبوهش بالغنمي وتكون هبرة مافيهاش الشحم نقطعوها مكعبات صغار ونقلوها في الزيت مع مغرف قهوة معمرة قرفة وزوج مغارف زيت متوسطين وطبعا رشة ملح صغييييييييييييرة ، ونمرقوها ونخلوه يطيب
وفي نفس الوقت نجيب العينة والمشماش والزبيب يعني الفواكه المجففة اللي حبيتيها ونشمخوها في الماء سخون ، واللوز تاني باه نقشروه بالخف
كي يطيب اللحم نفوتو نديرو الزبيب والمشماش أولا لاخاطر شوية يطولو في الطياب ماشي كيما العينة والاناناسانا استخدمت المعلب ماشمختوشرميتو ديراكت
أنا درت غير مشماش وعينة وزبيب مجففين ودرت الاناناس المعلب ، واللي حب يزيد تفاح ولا الاجاص يغليهم في الماء مع شوية سكر باه تروحلهم الحموضية إذا كانو ماشي طايبين مليح
وكي يشرب يبقالو غير شوية ماءماشي بزاف قيس ماتغطى الفواكه نديرلو حوالي زوج كيسان سكر ونخليه يغلى حوالي 5 دقايق ونطفولو
نروحو لللوز نقشروه ونقلوه في شوية زبدة ونلوحوه فوق الطاجين نتاعنا بعد مانكونو طفينالو ونزيدو رشة مليحة من ماءالزهر
صدقوني يجي خفيف وبنييييييييييين حنا ياكلوه بعد الاكل كتحلية نتمنى يعجبكم وصح رمضانكم اخواتي
https://im83.gulfup.com/bEIqDZ.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكوره حبيبتي يعطيك الصحه أنا تاني درت طاجين الحلو إن شاء الله يجعل أيامنا ديما حلوه صح رمضانكم حبيباتي
__________________________________________________ __________
>>>> الرد الثاني :
الله يجازيك خير
بالصحة
__________________________________________________ __________
>>>> الرد الثالث :
بصحتك يا الشاطرة راكي سبقتينا ههههههههه بارك الله فيك و صح فطورك
__________________________________________________ __________
>>>> الرد الرابع :
يعطيك الصحّة أختي
__________________________________________________ __________
>>>> الرد الخامس :
يعطيك الصحة
