سباقيتي بطريقة جديدة تهبل وداعا للطريقة الكلاسيكية
عنوان الموضوع : سباقيتي بطريقة جديدة تهبل وداعا للطريقة الكلاسيكية
مقدم من طرف منتديات العندليب
السلام عليكم جميعا مشريفات عضوات وزوار منتدانا الغالي واش راكم عندي بزااااااااف محطيتش موضوع في المنتدى الله غالب راهو عندي مشكل الصور مراهمش يحبو يطلعولي في المواضيع جربت كامل الطرق بدون جدوى المشكل راهو فالمنتدى ماشي من عندي راني متاكدة إن شاء الله الإدارة تشوفلي حل .
شكرا لكل واحد تفكرني وسقسا عليا في فترة غيابي
نرجعو للموضوع نتاعنا اليوم جيتكم بحاجة جديدة كيما عودتكم دائما ولي هي السباقيتي لمتعودين نكلوها دائما بالطريقة التقليدية حمراء ولا بيضاء بصح بهذي الطريقة نأكدلكم بلي متزيدوش تستغناو عليها خلالالالالالالالالاص نبداو على بركة الله
المقادير :
- كيس سباقيتي مقطعة قطع صغيرة حوالي 3سم ونحمصوها في مقلة بلا زيت .
- 3 حبات بيض مقلين .
- حبة بصل كبيرة مقطعة قطع صغيرة نقلوها فالزيت حتى تحمار .
- كمية من اللحم المرحي مذبل في شوية زيت، ملح، فلفل .
- معدنوس مقطع قطع صغيرة .
- قطعة زبدة .
التحضير :
أولا نأخذ مقلة ندير فيها شوية سباقيتي ونحمصها بلا زبدة ولا زيت حتى تحمار نكملو كامل الكمية ثم نغلوها بالطريقة المعروفة بشوية ملح كي تطيب نصفوها وندهنوها بالزبدة ونضيفولها كامل المقادير لذكرتهملكم اللحم المرحي، البيض المقلي، بصل و المعدنوس نخلطهم مع بعض وكولوها بالصحة صدقوني عندها ذوق راااااااااائع متشبهش كامل للسباقيتي نتمنى تجربوها وتعجبكم نخليكم مع روابط الصور الله غالب كيما درت مبغاوش يخرجولي راهم في نهاية الموضوع متنساونيش بدعواتكم ربي يسرلي أموري .
قبل ما ننسى عزيزتي ام اماني هذا الموضوع نهديهولك ياخي وعدتك نهار لنقدر نحط موضوع بصح للأسف بدون صور غير بروابط هههههه انت الوحيدة لكنتي حاسة بالصعوبات لواجهتني في تحميل الصور ان شاء الله نلقا حل لمشكلتي
عزيزتي ام كوثر من فظلك ديري تعديل وقومي بإضهار الصور
ملاحظة :
نهار لتحبو تجربوها وجدو السباقيتي وحمصوها مسبقا باه متديلكمش وقت بزاف
https://im34.gulfup.com/XeBmD.jpg
https://im34.gulfup.com/kVvJL.jpg
https://im34.gulfup.com/0iHIl.jpg
https://im34.gulfup.com/KeeEu.jpg
https://im34.gulfup.com/DE7cX.jpg
https://im34.gulfup.com/hsiGS.jpg
https://im34.gulfup.com/p6oCS.jpg
https://im34.gulfup.com/VS39m.jpg
https://im34.gulfup.com/9laZP.jpg
https://im34.gulfup.com/qvO1z.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله غالب كيما درت مبغاوش يخرجولي الصور في الموضوع
هذو كيفاش بانو معلاباليش !!!!!!!!!!!!!! الله أعلم
درت تعديل وقلت نكمل بقية الصور ولكن هذي العبارة نتاع الإنجليزية تخرجلي في كل مرة راني قريب نهبل
Forbidden
You don't have permission to access /vb/newthread.php on this server.
Additionally, a 404 Not Found error was encountered while trying to use an ErrorDocument to handle the request.
__________________________________________________ __________
>>>> الرد الثاني :
ياتيك الصحه عاى الوصفه وَبَارِكْ الله فيك
__________________________________________________ __________
>>>> الرد الثالث :
يعطيك الصحة بصح ما فهمتش كيفاه تخلطي معاها البيض مقلي و لا تقليه معاها وهو عاد ماشي طايب
__________________________________________________ __________
>>>> الرد الرابع :
مواضيعك دائما هاااااااااااااااااااايلين ولدي يموت على السباقيت نجربهالو ان شاء الله
بارك الله فيك
__________________________________________________ __________
>>>> الرد الخامس :
deriha kima makaroun be tork nta3 les algerois hadik el makarouna li techbeh douida nta3 cherk wela makaroun el meselmin nta3 el bjawia wela el makarna nta3 ness el kolea
nefs la recette bark hiya tji bel douida wella mkatfa yhamsouha w ytaybouha fel ma w oumba3d ydiroulha lhem medrouss w tayeb kima nta3 el bourek w hebet baydh taybin omelettes w biensur zebda w bezef yeklouha fi ramdan yatsahrou biha maa chwi lben wela raib
ana nheb makaroun be tork bnin w khfif w lezem maah tasse lben wela raib hummmmmmmmmmmm
