المدفون بالطعام او بالكسكس ممممممم اكييييد من مطبخ lyzzabel من مطبخي

عنوان الموضوع : المدفون بالطعام او بالكسكس ممممممم اكييييد من مطبخ lyzzabel من مطبخي
مقدم من طرف منتديات العندليب

https://i1212.photobucket.com/albums...titled-1-1.gif

https://up.djelfa.info/uploads/13466273241.gif

https://www.m5zn.com/newuploads/2015...b913831e7f.jpg

تفضلو غالياتي وصفة تقليدية لذييييذة جداااا وهي في الحقيقة اصلها من المغرب الشقيق،، و نحضروه أيضاً في مناطق الغرب الجزائري و انا قدمته بطريقة عصرية ،، و هذا الطبق نحضروه في المناسبات السعيدة او للضيوف

تفضلو المقادير و الطريقة مع الصور

اولا نحضر مرقة بيضا و نحتاج الى

قطع من اللحم الغنمي يفضل انهم يكونو من الفخذ حسب عدد الأشخاص انا درت تقريبا كيلو خاطرش عائلتنا الله يبارك ههههه
بصلة كبيرة او بصلتين صغيرتين
ثلاث حبات جزر متوسطين
حمص منفخ و مغسول
شوية زيت عادي
قطعة مارغرين
ملح، فلفل اسود، عود قرفة ، نصف م ص سكنجبير
ماء
Boudin او التعمير بالكفتة تلقوا رابط الوصفة هنا

https://www.djelfa.info/vb/showthread.php?t=1648229

و للكسكس نحتاج الى

كيلو كسكس
زيت الزيتون
زبدة او مارغرين
زبيب مغسول و منقوع في ماء سخوووووون
ماء

في كوكوطة نحط الزيت و المارغرين و قطع اللحم و البصل مقطع طوليا ما يهمش الحجم و نقلي على نار هادية مع التحريك و نضيف الملح حسب الذوق و الفلفل الأسود و القرفة و السكنجبير و نزيد نقلي ثم نمرق و نزيد الجزر و الحمص بعدما نكون درته في كيس صغيرو نقي طبعا ،، نحزمه مليح و نثقبه بالفرشيطة ،، و نخلي الكل يغلي و نغلق الكوكوطة

https://www.m5zn.com/newuploads/2015...c6a68e5172.jpg

في هذاك الوقت نحط مقدار ست ملاعق ك زيت الزيتون على الكسكس بعد ما نكون حطيته في قصعة و نخلط مليح بيديا باش الزيت يدخل لكامل حبات الطعام ،، انا نستعمل عمر بن عمر متوسط كما هو موضح في الصورة

https://www.m5zn.com/newuploads/2015...863cc60f74.jpg

ثم نفرغ عليه مقدار من الماء انا لكل 1 كغ ندير لتر الا ربع من الماء و نخلط بيدي باش نشمخه مليح و مرة على مرة نحله بصباعاتي باش ما يلصقش مع بعضه حتى نشوفه شرب قاع الماء و كل حبة وحدها،، و نكون درت القدر فيه الماء يغلي على نار قاوية ثم نعمر الكسكاس بالطعام و نغطيه و نخليه يفور مليح و كل وحدة طبعا طريقتها ،، انا نفوره المرة الاولى و نعاوده مرة وحدة و نغطيه و نخليه يرتاح و نزيد نفوره مرة اخرى و ندهنه

https://www.m5zn.com/newuploads/2015...1d05c0af3f.jpg


https://www.m5zn.com/newuploads/2015...792dea65b9.jpg


https://www.m5zn.com/newuploads/2015...147cdc180e.jpg

شوفو كيفاش الطعام شرب الما كاااامل و نشف كل حبة وحدها

https://www.m5zn.com/newuploads/2015...17e9a090df.jpg


https://www.m5zn.com/newuploads/2015...78e2fa400c.jpg

لما ينضج اللحم و الجزر نصفي المرق و ننحي اللحم و نحطه في صحن و نخليه يبرد شوية ثم ننقيه مالعظم لي فيه و الشحم و نفتته الى قطع متوسطة و نغطيه الى حين الاستعمال و أيضاً ننحي الكيس تاع الحمص و نخليه بجهة ،، و ما ننساش تاني البودان او التعمير باش نحيه كذلك

https://www.m5zn.com/newuploads/2015...5795525ba5.jpg

https://www.m5zn.com/newuploads/2015...c659f7a32f.jpg

https://www.m5zn.com/newuploads/2015...9359bba900.jpg

نأتي الان الى طريقة التقديم
في صحن التقديم نحط طبقة تاع كسكس طبعا مدهون و نسقيه بشوية مرق لي كنت صفيته

https://www.m5zn.com/newuploads/2015...8ab4db59f9.jpg

من بعد نغطيه باللحم لي فتته بطريقة منظمة

https://www.m5zn.com/newuploads/2015...38e0daa74e.jpg

نزيد نغطي اللحم بطبقة تاع كسكس بعد ما خلطت معاه الزبيب و نسقيه أيضاً بشوية مرق

https://www.m5zn.com/newuploads/2015...4d727d804a.jpg

و نزين من فوق انا زينت باللوز ،، حمرته في مقلة مع شوية مارغرين،، و بيستاش او فستق حلبي في الوسط و جوز و كرز معلب او سوغيز كونفيت هههه و الحمص و البودان قطعته الى نصف دوائر كما هو موضح في الصور و كل وحدة و ذوقها في التزيين و طبعا حسب الموجود

https://www.m5zn.com/newuploads/2015...86550c32f0.jpg

https://www.m5zn.com/newuploads/2015...2485e7495a.jpg

https://www.m5zn.com/newuploads/2015...130e35a403.jpg

مين تبدو تأكلوا تلقو قطع اللحم و هووووب مفاااااجاة للضيوف بعدما حسبوه مسفوووووف هههههه

https://www.m5zn.com/newuploads/2015...6b0b423cae.jpg

و هذه صورة نهائية اخيرة مممممممم https://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gif

https://www.m5zn.com/newuploads/2015...2df3b10d3e.jpg


نتمنى تعجبكم الوصفة و طريقة الشرح حبيباتي راني كثرت الصور باش تفهمو ،، علابالي بلي كاين بزاف لي ما يعرفوهش و خاصة المبتدءات في المطبخ

و اخيراً نقوللكم دعوة خير بزاف عليا و السلاااام خير ختااااام و الحمد لله رب العالمين

https://up.djelfa.info/uploads/13466271102.png
https://up.djelfa.info/uploads/13466272841.gif
https://up.djelfa.info/uploads/13466271102.png


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممم يهبل انا الحاجة اللي نديرها نهرب بالغرفية واللي قافزة تحكمني هههههههههههه
بارك الله فيك ليزا

__________________________________________________ __________

>>>> الرد الثاني :

مممممممم هايل يعطيك الصحة والله شهيتيني
وبما لني اول رد الزلافة كلها لياههههههههه

__________________________________________________ __________

>>>> الرد الثالث :

هاااااايل يااختي تقريبا نفس طريقتنا

__________________________________________________ __________

>>>> الرد الرابع :

اممممممممممممممممممممممممممممممممممممممممم انا ناكل و نعاود...اني مازال ماشفتوش هههه نريزارفي من يديك اكيد روعة

__________________________________________________ __________

>>>> الرد الخامس :

رائع...يعطيك الصحة