طبق فارميسال طريقة جزائرية
عنوان الموضوع : طبق فارميسال طريقة جزائرية
مقدم من طرف منتديات العندليب
السلام عليكم ورحمة الله وبركاته
عملت طبق فارميسال بزاف عجبني
تدهني حوال 500غ فارميسال بالزيت ممبعد تفوريها
كي تفور رشيها بنص كاس ماء
زيدي شوية ودهنيها بالزيت ممبعد زيدي فوريها
في كوكوت سكرفجي حبة بصل مع شوية زيت و4سنات ثوم
واطراف دجاج وزيدي حفنة حمصو زوج ورقات رند
حمسيهم مليح ممبعد ديري الملح والفلفل الأسود
بعد دقائق ارمي عليهم زوج حبات طماطيش مسكرفجين
مع ملعقة كبيرة طماطم مصبرة وراس فلفل حار والعكري
خليهم شوية يزيدو يتحمسو ممبعد فرغي عليهم لتر ماء
واغلقي الكوكوت حتى يطيب الجاج
كي يطيب ننزع الدجاج ونفرغ الفارميال فالمرق
نغلق الكوكوت مليح ونحط الصفارة بدون ما نشعل النار
يعني نخليها طافية ، نخلي الفارميسال تتشرب المرق مليح
والنار طافية وإلا رايحة تلصقلك
زيني الطبق بالدجاج
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا على الوصفة اختي هانية.
__________________________________________________ __________
>>>> الرد الثاني :
شكرا على الوصفة
__________________________________________________ __________
>>>> الرد الثالث :
شكرا على الوصفة اختى
بصح تديريلها الماء مرة برك و لا زوج مرات ما فهمتش مليح
__________________________________________________ __________
>>>> الرد الرابع :
انا درت مرة وحدة حوالي لتر
ممبعد كي نضج الدجاج بقات شوية مرقة هذيك رميت فيها الفارميسال
وعينك هي ميزانك ، يعني اذا لقيتيها نشفت تماما لازم تزيدي شوية
باش تلقى الفارميسال وين تتشرب
__________________________________________________ __________
>>>> الرد الخامس :
بارك الله
باينة تهبل
