عنوان الموضوع : احلى و اروع مطلوع في الكوشة لعيونكم+ اضافة صور من مطبخي
مقدم من طرف منتديات العندليب
السلام عليكم اخواتي
اليوم جبتلكم اروع مطلوع في الكوشة خفيف و طري ان شاء الله يعجبكم
المقادير
انا ندير عيني ميزاني بصح كاين مبتدئات يحبو كلش مظبوط
و كل وحدة تقدر تدير وصفتها المعتمدة نتاع المطلوع
2كيلات سميد (الكيلة ممكن كاس او علبة او اي حاجة تكيلي بيها )
كيلة فرينة
ملعقة اكل خميرة الخبز
ملعقة و نص اكل سكر
2ملاعق زيت
ملح
ماء دافئ للعجن
https://im33.gulfup.com/aDpI4.jpg
نخلط المكونات و نجمعهم بالماء الدافئ و نخلي العجينة ترتاح و تخمر
https://im33.gulfup.com/EtxP8.jpg
هنا بعد ما خمرت
https://im33.gulfup.com/lagZl.jpg
نعجنها مليح حتى تولي عجينة طرية و ملساء
نشعل الكوشة من تحت حتى تسخن ملييييييييح ثم نطفي و نشعل من فوق و نحط معاها الصينية تسخن
https://im40.gulfup.com/V5vrs.jpg
الي عندها الفرن خاص بالخبز و البيتزا تشعل من فوق و من تحت مع بعض
نقسم العجينة كرات و نقرصهم و نخليهم يخمرو
بعد ما يخمر الخبز نتاعنا نبدا نطيب نحط القرصة و نغلق الفرن
https://im33.gulfup.com/3pjNm.jpg
راح نلاحظ بعد قليل انها بدات تنتفخ
https://im33.gulfup.com/ODrkp.jpg
شوفو هنا كيفاه تنفخت كما الخبز العربي
https://im33.gulfup.com/pLt5P.jpg
بعد ما تتحمر نقلبها على الوجه الثاني
https://im33.gulfup.com/Rewtb.jpg
و هاهي بعد ما نخرجها ندهنها بشوية زيت يعطيها لمعان و طراوة
https://im33.gulfup.com/MPLZX.jpg
شوفو من الداخل كيفاه خفيف و طري كي القطن
https://im40.gulfup.com/PffK6.jpg
https://im40.gulfup.com/m657W.jpg
و قطعيه و قدميه مع صحن شربة و بالصحة و الهنا على قلوبكم
https://im40.gulfup.com/NpwLx.jpg
نتمنى يعجبكم و تجربوه خاصة مع السخانة كاين الي ما يقدروش على حرارة الطاجين
رمضان كريم و كل عام و انتم الى الله اقرب
دعواتكم في هذا الشهر الفضيل
الاخوات الي ما عندهمش صينية مثقوبة كما نتاع البيتزا يمكن يستعملو صينية عادية للفرن نحطها تسخن مع الفور مليييح باه تساعدنا في الطياب
https://im41.gulfup.com/uMqlE.jpg
https://im41.gulfup.com/bLKal.jpg
لما يسخن الفور مليييح نشعلو من فوق و نبدا نطيب
شوفو هنا كيفاه تنفخت
https://im41.gulfup.com/23Mix.jpg
https://im41.gulfup.com/CGt3d.jpg
وهذا هو الخبز واجد امممممممم يشهي
https://im41.gulfup.com/Y2joH.jpg
هذا هنا كنت طيبتو في مرة من المرات في الفور الكبير خاص بالبيتزا و الخبز يشعل من فوق و تحت مع بعض
https://im41.gulfup.com/YmcI1.jpg
نتمنى تكونو فهمتو و صح فطوركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا الاولى
هايل 4444444444444444444
ان شاء الله نجربه ونردلك الخبر
__________________________________________________ __________
>>>> الرد الثاني :
اكيد راح نجربو يعطيك صحيحتك
__________________________________________________ __________
>>>> الرد الثالث :
ربي يعيشك حبيبتي شكرا أنا سرقتها وخلصت :d
__________________________________________________ __________
>>>> الرد الرابع :
والله يا اختي نفس طريقتي غير انا ما ندهنهاش
يعطيك الصحة
__________________________________________________ __________
>>>> الرد الخامس :
يعطيك الصحة روعة
