بادنجان محشي بالفرماج طبخ جزائري
عنوان الموضوع : بادنجان محشي بالفرماج طبخ جزائري
مقدم من طرف منتديات العندليب
السلام عليكم فحلات بلادي
اليوم جربت طبق الباذنجان محشي بالفرماج الوصفة مدتهالي الاخت ام اثير بارك الله فيها
جربتها وعجبتنا بنة هايلة بصح نسيت ماصورتش الخطوات مالا راحة نكثر الهدرة شوية اسمحولي
انا استعملت ثلاث حبات باذنجان قطعنتهم دوائر وملحتهم وخليتهم يقطرو مليح ومبعد فورتهم ماطيبيهمش مليح باه يبقى الباذنجان شاد روحو
جبت كل دائرة تاع بادنجان حطيت عليها قطعة تاع فرماج وغطيتها بدائرة اخرى تاع باذنجان ودرتها في البيض ومبعد في الخبز اليابس وقليتهم وحطيهم بجيه
توجدي مرقة بيضا ولاحمرا انا درتها حمرامع طرف دجاج
نحتاج بصلة فصوص ثوم ووالتوابل اذا بيضا ديري التوابل تاع البيضا واذا حمرا ديري تاع الحمرا
كي يطيب ماتكونش المرقة بزاف وتحطي فيها البادنجان لي قليتيه وخليه يغلي زوج دقايق وطفي عليه
وتقدم
راني حاولت نختصر https://3andlib.xplainer.net/images/smilies/1.gifhttps://3andlib.xplainer.net/images/smilies/1.gif
ولي مافهمتش تسال
https://im33.gulfup.com/0b9o6.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هايلة نحب الماكلة تاعالباذنجان يعطيك الصحة
__________________________________________________ __________
>>>> الرد الثاني :
يعطيك الصحة انا الباذنجان ما نلقا واش ندير بيه عطيتيني فكرة
__________________________________________________ __________
>>>> الرد الثالث :
امممممممممممم ابعثيلي هذاك الطبسي نموت على الباذنجان
__________________________________________________ __________
>>>> الرد الرابع :
يعطيك الصحة
__________________________________________________ __________
>>>> الرد الخامس :
انا نخدمو هكا بصح نقطعو دوائر ونغطسو في البيض ونقليه مانفوروش شكرااااااااااااااا على الطرقة الجديدة
