اللي تحب تتعلم أرز في الفرن لذيذ تتفضل طريقة جزائرية
عنوان الموضوع : اللي تحب تتعلم أرز في الفرن لذيذ تتفضل طريقة جزائرية
مقدم من طرف منتديات العندليب
الوصفة 16
هاذي الوصفة ماشي نتاعي ، شفت الأخت fyfy_top216 حطت تطبيقها في قسم التطبيقات وقالت أن الموضوع حذف و حطت رابط لمنتدى آخر ، صراحة شفت الوصفة البارح مساء ضربتلي في راسي حفظت الوصفة و طبقتها للعشاء مباشرة (طبعا كيما العادة والعوايد بدلت في الوصفة حسب ذوقي الخاص في الطهي) .
كي حطيت العشاء ، اللي يذوق ملعقة أو 2 يحبس ويقلي هاذي المرة راهو بنين و مختلف على العادة واش درتيلو وأنا الصراحة راني أول مرة ندير الأرز في الفرن ( راني متبهدلة بصح كيما تقول الحكمة : هناك دائما مرة أولى ) ، كي شفتو جاب سوكسي قلت نحط الصور باش تستفادو من الوصفة وتبقى في المنتدى للأخوات اللي حابين يجربوها .
المكونات :
* رطل أرز مفور وليس العادي وإذا عندك أرز بسمتي أحسن ( أنا استعملت ماركة La Belle )
* قطع لحم أو دجاج حسب أفراد الأسرة
* شوية زبدة
* شوية زيت
* 4 فصوص ثوم
* 1 حبة بصلة
* شوية جلبانة حوالي 1/2 كاس ( ما كانش في الوصفة الأصلية )
* 3 حبات جزر كبار ( ما كانش في الوصفة الأصلية )
* طماطم مصبرة ( حوالي 2 - 2.5 ملاعق كبار معمرين مليح عينك ميزانك )
* هريسة ( أعتقد ما كانش في الوصفة الأصلية )
* رند ( استعملت 3+2 ورقات )
* توابل : أفاح نتاع تونس + فلفل أسود + كسبر ( كثرت ) + حبة حلاوة ( ما كانش في الوصفة الأصلية ) + ملح والوصفة الأصلية زايد فيها كمون و زنجبيل بصح أنا ما حطيتهمش
* 1 ماجي باش الصلصة تخثار وماجيش مايهة
الطريقة :
1- نغسل الأرز ونصفيه ونحطو يفور ونغطيه بغطاء الكسكاس
https://www.up.djelfa.info/uploads/13649068163271.jpg
2- نقلي البصل و الثوم واللحم في الزيت
https://www.up.djelfa.info/uploads/136490681638232.jpg
3- نضيف الطماطم المصبرة و الهريسة والتوابل و 3 ورقات رند ونقلي شوية برك
https://www.up.djelfa.info/uploads/136490681644343.jpg
4- نضيف الجزر و الجلبانة ونقلي 5د
https://www.up.djelfa.info/uploads/136490912394911.jpg
5- نمرق 2 مرات الأولى بنص كاس ماء بين كل مرة ومرة 5د ثم المرة 3 و 4 بالكاس بين كل مرة ومرة 10د ثم بالزوج كيسان بيناتهم 15د يعني حتى يغلي المرق باش نزيد نمرق حتى نتحصل على كمية المرق المناسبة ، لازم نمرق غير بالشوية باش جي بنينة هذا من أسرار الطبخ طبعا للمبتدئات .
https://www.up.djelfa.info/uploads/136490912398922.jpg
https://www.up.djelfa.info/uploads/136490912404043.jpg
6- بعد ما تغلي نرمي 1 ماجي ونغلق الكوكوط حوالي 30-40د حتى يطيب اللحم والخضر .
7- ننزع الأرز من الكسكاس و نضيفلو قطعة زبدة مليحة ( حوالي 3 ملاعق كبار ) ونحرك حتى تذوب فيه
https://www.up.djelfa.info/uploads/136490949036931.jpg
8- نحط الأرز في إناء الفرن ونحط معاه 2 ورقات رند جدد ماشي هاذوك اللي طابو في لاصوص ( هاذي الإضافة نتاعي )
9- نسقيه بالمرق حتى يتغطى مليح ( أنا احتفظت بمقدار كاس نتاع صوص للي يحب المرق ) و نغطي الإناء ( أنا استعملت كيس شواء حليتو على 2 بالمقص ) وغطيت بيه إناء الفرن ( هاذي إضافة من عندي باش ماينشفش الأرز بسرعة )
https://www.up.djelfa.info/uploads/136490949040512.jpg
10- ندخلوه للفرن ينضج و مانغفلوش عليه، لما نذوق الأرز ونلقاه طاب ننزع الغطاء و نخليه ينشف
11- كل 2-3د نحرك الأرز من أسفل إلى أعلى باش ينشف مليح
12- كي ينشف نخرجوه من الفرن و نقدموه مع الخضر و اللحم
https://www.up.djelfa.info/uploads/13649094904413.jpg
أتمنى اللي ماجربوش يجربو راهو بنة خطيرة https://3andlib.xplainer.net/images/smilies/19.gif يجي يذرى وكل حبة مفصولة وحدها و خفيف مممممممممممم والله كليت 2 صحون ههههههههه https://www.cheesebuerger.de/images/more/bigs/c014.gifhttps://www.cheesebuerger.de/images/more/bigs/c032.gif
طلب صغير برك : دعوة في صلاة بالزوج الصالح https://www.cheesebuerger.de/images/more/bigs/c016.gif
قبلاتي https://3andlib.xplainer.net/images/smilies/mh31.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة باين بنين عن قريب نجربو شكرا
__________________________________________________ __________
>>>> الرد الثاني :
اممممممممممممممممممممممممممممممممممم راني جاية نتغدى ههههههههههههههههههه
نخلف بلاست الجراد لصفر
بصحتكم هاااااااااااااايل
__________________________________________________ __________
>>>> الرد الثالث :
شكرااااااااااااااا و سلمت يداك
الهام شهتيني نحب الروووووووووووووووز بزاف ديرتيه راكي ماش غير سخفتيني انا ضرك نجي نغدى دبر راسك عاودي ديريهولي
راهو يبان بنين نقدر مانديرش روز مفور
__________________________________________________ __________
>>>> الرد الرابع :
https://3andlib.xplainer.net/images/smilies/dj_17.gif
Wawwwwwwwwww yatahal yatthabat had mawdou3
__________________________________________________ __________
>>>> الرد الخامس :
Nsitttt rabi yorzkak b ajal hlal ta rabi w tjibi m3ah tazinaaaaa drari
