البيتزات المطبخ الجزائري

عنوان الموضوع : البيتزات المطبخ الجزائري
مقدم من طرف منتديات العندليب

و في الحقيقة ترددت كثير قبل ما نزل هاد الموضوع .... المهم اسمحولي ادا قصرت في حقكم ....
البيتزا ...............ايطالية الاصل
https://www.up.djelfa.info/uploads/14029388231481.jpg
كان للبيتزا تاريخ كبير وقصة مدهشة نوعا ما ...كي نشوفو في وقتنا الحالي انو موحال نستغناو على تحظيرها يالوكان مرة في الشهر ظرك نحكيلكم شوية شوية برك عليها ... راني والفت ندير المحاضرات في التاريخ ....هههههه.
اعتبرت البيتزافي اول عهدها "طبق الشعب الفقير " le petit peupleالتي كانت تباع في الشارع و كانت البيتزا طويلا غائبة عن لاقاسترونومي و الطبخ الإيطالي بسبب سمعتها باعتبارها نوعية من الاكل شهية ولكن مشكوك في تحصيلها....
وكانت البيتزا و لمدة طويلة تحضر على طريقة واحدة : "بيانكا" (بيضاء اللون) مغلفة مع كريم أو شحم الخنزير
(اعز الله وجوهكم)
في القرن الثامن عشر، ظهرت البيتزا "روسا" (حمراء اللون) وتضم صلصة الطماطم ....و في جوان 1889
و لتكريم الملكة مارغريت .... قرر الزعيم (رافاييل اسبوزيتو) ، تحضير بيتزا خاصة فقط ليها. راح طيب عجينة البيتزا في الفرن وستكمل تحضيرها بصلصة الطماطم وبجبن الموزاريلا
هادي المكونات كانت غير مدرجة في الوصفة الأصلية لأنها مكلفة للغاية بالنسبة للمزارعين و الفقراء ولي كانت اكلهم المفضل...
وزاد تفنن هاد الزعيم ودار الريحان الطازج (ألوان العلم الإيطالي: أخضر الأبيض والأحمر). هذه الوصفة كانت المفضلة للملكة و سميت بـ بيتزا مارغريتا وعندما مشات الشائعات أنه كان الطبق المفضل للملكة، أصبحت البيتزا أكثر شعبية بين الإيطاليين....
هادي سبتها و وهادي حكايتها
وهنا عندي
قائمة البيتزات الأكثر شعبية :
نقول أن قائمة البيتزا تختلف اختلافا كبيرا بين البلدان، وبالتالي فإنه من الصعب وضع معيار لهذه القائمة وهي في الحقيقة مأخوذة من مصادر إيطالية، يمكننا إضافة المزيد من وصفات محلية كيما حنا بلد من بلدان البحر الابيض المتوسط و بلد مسلم ....عندنا ديانة وعادات وتقاليد تتحكم في المجتمع ...

• 1- بيتزا مارينا تحتوي على الطماطم، الثوم، الزعتر، زيت الزيتون
• 2- بيتزا مارغريتا تحتوي على الطماطم، جبن موزاريلا والريحان وزيت الزيتون
• 3- بيتزا رومان تحتوي على الطماطم، جبن موزاريلا، الأنشوا (السردين المعلب) ، وتوابل وزيت الزيتون
• 4- بيتزا نابولي تحتوي على الطماطم، جبن موزاريلا، الأنشوا والزيتون الأسود، الزعتر، زيت الزيتون
• 5- بيتزا المتنوعة تحتوي على موزاريلا، صلصة الطماطم، ببروني، الفلفل الأخضر والفطر
• 6- بيتزا هاواي تحتوي على موزاريلا، صلصة الطماطم، ولحم الخنزير (اعز الله وجوهكم) ، والأناناس
• 7- بيتزاصقلية تحتوي على الطماطم، جبن موزاريلا، وريحان، والباذنجان، وزيت الزيتون
8- بيتزا كابريسيوز تحتوي على موزاريلا، والفطر، والخرشوف، ولحم الخنزير(اعز الله وجوهكم ) والزيتون و وزيت الزيتون .
9- بيتزا اربع فصول في الحقيقة نفس مكونات بيتزا كابريسيوز لكن مع ترتيب مختلف، ويفترض كل عنصر لتمثيل موسم واحد. مثال، موزاريلا بيضاء اللون وبالتالي الثلوج في فصل الشتاء و الفطر في الخريف، الخ

• 10- بيتزا أربعة اجبان تحتوي على موزاريلا وانواع اخرى من الاجبان ، على حساب التخصصات المحلية
• ا11- البيتزا البيضاء تحتوي على الموتزاريلا
12- الكالزوني و جي مليئة بالموزاريلا، ولحم الخنزير( اعز الله وجوهكم )، والفطر، و / أو غيرها من المكونات، ثم يتم سكب صلصة الطماطم و إغلاقها بالعجينة نفسها .
• 13- بيتزا الملكة تحتوي على الطماطم، ولحم الخنزير( اعز الله وجوهكم )، والفطر الباريسي، الجبن
• ( تحتوي على الطماطم، البطاطا، لحم الخنزير(اعز الله وجوهكم) المقدد، والبصل، والجبن راكليتFrioulane14-بيتزا
(اعز الله وجوهكم ) 15- بيتزا غابية تحتوي على الطماطم والفطر ولحم الخنزير
• الطماطم والخضروات المختلفة، مثل الخرشوف، البروكلي، الخ) 16- بيتزا نباتية تحتوي على

عجينات البيتزا

1- عجينة بالحليب :
هي عجينة ينصح استعمالها للبيتزات المسكرة او الحلوة

•غ الفرينة 350
• الحليب 18سل
75 غ من الزبدة الطرية .
1 م ص خميرة كيمائية .
1 م ص ملح
• في وعاء ، تخلط جميع المكونات بشوكة.
• يعجن العجين حتى يولي مرن او ايلا ستيك.

2- عجينة البيتزا الكلاسيكية

250 غ فرينة .
10 غ خميرة الخبز .
4 ملاعق كبيرة من زيت الزيتون .
20 سل من الماء .
• ملح
• في وعاء صغير، تخلط الخميرة مع الماء الدافئ و تترك لمدة 10 دقائق
• في وعاء نحط الفرينة ونظيف قرصة من الملح
• نحفر في الوسط ونظيف الخميرة. نمزج تدريجيا.
و نعجن ونظيف زيت الزيتون
• نكمل نعجن حتى تولي لينة نشكلها كرة
• نرش العجينة بـــا لفرينة و ونحطها في وعاء حتى هو مرشوش بالفرينة ، وتغطي بقطعة قماش و نخلوها تريح 2-3 ساعات في مكان دافئ. العجين ينبغي أن يتضاعف في الحجم
• ولإعداد البيتزا، ما عليك غير تحليها على طاولة مرشوشة بالفرينة.
و حاولي تخرجي كامل الهواء لي فيها ... وما تزرقيهاش برك ..ههه
ابسطيها قبل شوية بيدك ثم بالحلالو انتي دايما محافظة على الشكل الدائري
• ويبقى سمك العجين يعتمد على النمط الذي تريدين أن تعطيه للبيتزا
كيما تقدري تثري العجين وذلك بإضافة الأعشاب الطازجة أو المجففة، وحتى استبدال الفرينة بفرينة القمح الكامل .
3- عجينة البيتزا المقرمشة :
المكونات :
1 بيضة مخفوقة .
2 م ص زيت الزيتون .
• قرصة من الملح
1 م ص من السكر .
1 كاس ماء مغلي .
10غ من خميرة الخبز
560 غ فرينة .
التحضير :
في وعاء صغير، نحط الملح والسكر والبيض والزيت والماء المغلي
نحط في ليان اخر الفرينة والخميرة الفورية
. ويضاف الخليط السائل على الفرينة
تعجني حوالي 2 د وتشكيلي كرة .
ادا لصق العجين عمري يديك بالفرينة
. حتى تخمر غطيها بغلاف بلاستيكي وترك لمدة 2 ساعة في مكان دافئ
عجينة البيتزا بالبطاطا ( ما تتخلعوش كاينا وتكون انشاءا لله)
المكونات
150 غ بطاطة ... .ما يعادل 1 حبة
• 10غ خميرة الخبز
ماء دافئء.
• فرينة
• زيت الزيتون
• ملح
التحضير:
غلي البطاطا حتى تصبح طرية القلب
قشريها وامرسيها وهي سخونة
خلطي الخميرة مع 20سل من الماء الدافئ ...خليهم يرتاحو 10د
في وعاء، تخلط 300 غرام من افلرينة وقليل من الملح والبطاطس المهروسة.
ديري حفرة في الوسط و زيدي الخميرة
خلطي كلش حتى تتحصلي على عجينة ...

4- عجينة البيتزا السميكة :

400غ فرينة .
20غ خميرة الخبز .
50غ من الحليب .
1 م ك زيت الزيتون .
1 م ص ملح .
½ كاس ماء دافئ

التحضير :
• ذوبي الخميرة في نصف كوب من الماء الدافئ وزيدي 5 ملاعق كبيرة من الفرينة . تخلطي كلش وتشكلي كرة صغيرة (الخميرة او لوفان )تخليها تريح 30د .
في وعاء اخر نحط الفرينة المتبقية،و نزيد كرة الخميرة لوجدناها من قبل و نصف الكاس نتاع الماء الدافئ والحليب، وزيت الزيتون والملح
• يعجن مليح الخليط حتى مايبقاش يلصق في اليدين
شكلي كرة وحطيها في وعاء فيه الفرينة
• تغطيه بقطعة قماش و تخليه يخمر لمدة 2 ساعة
5- عجينة بفرينة الذرة او الماييس
المكونات :
205 غ من الفرينة .
10 غ من الخميرة الفورية .
20 سل من الماء الدافئ .
100 غ من دقيق الدرة ( المايزينة )
• زيت الزيتون
• ملح
التحضير :
• خلطي الخميرة مع الماء الدافئ وخليها ترتاح 10 دقائق
• في وعاء، تخلط الفرينة ودقيق الذرة والملح.
• ديري حفرة في الوسط وضيفي الخميرة
خلطي مليح حتى تشكلي كرة .
غطيها وخليها تخمر في مكان دافئ .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة

__________________________________________________ __________

>>>> الرد الثاني :

اممممممم شكرًا لك كثيراً كعادتك مخيلتي حتى حاجة ما قولتيهاش على البيت ان بارك الله فيك

__________________________________________________ __________

>>>> الرد الثالث :

المشاركة الأصلية كتبت بواسطة Maria dadi https://3andlib.xplainer.net/images/...s/viewpost.gif يعطيك الصحة

الله يسلمك حبيبتي https://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gif

__________________________________________________ __________

>>>> الرد الرابع :

المشاركة الأصلية كتبت بواسطة mina-nina16 https://3andlib.xplainer.net/images/...s/viewpost.gif اممممممم شكرًا لك كثيراً كعادتك مخيلتي حتى حاجة ما قولتيهاش على البيت ان بارك الله فيك

الله يبارك فيك
وما شفتي والو هادي غير البداية :d:d:d:d:d:d:d:d:d

__________________________________________________ __________

>>>> الرد الخامس :

يعطيك الصحة راكي استاذة تاريخ