خبرة 22سنة فتيل هههههه المطبخ الجزائري
عنوان الموضوع : خبرة 22سنة فتيل هههههه المطبخ الجزائري
مقدم من طرف منتديات العندليب
هدي النصائح حبيت انضيفها لموضوع الاخت اللي حت موضوع الفتيل بصح ماحبش افوت الرد قلت نعملو موضوع لكن راه الكلافي انتاعي مايكتبش حرف التاد نتمنى تفهمو وين تلقاوه هههههههه راني زدت معلومات فق يعني نفس ريقة فتيل الاخت بالنسبة للغرابل احنا انقولو الغرابل اخرين اقولو السياير احنا السيار هو رقم واحد انتاع الاخت والله انسيت اسمها راه عندي زهايمر بصح انا نفتل بكميات كبيرة يعني 50 كلغ كي نلقى اللي يمحصلي و25كغ وحدي في النهار لانو عندي عايلة هايلة ههههههه
حبيباتيي حبيت انزيد موضوع الفتيل وانزيدكم معلومات لانها خبرة تقريب 22 سنة
اولا السميد لازم اتجربو اسع كسرة اسكو يشرب الما ولالا خار ادا مايشربش وفتلت بيه يعني كارثة حقيقية هدي الاولى واللي تسكن هنا سميد عمر بن عمر بروميي شوا هو المييور لانو بربوشتو اتجي صفرة وتجي كي البونج خفيفة
الثانية انا مانفورش نصف الشكارة انفور قيس تسع تباسة انتاع شربة كبار يعني انتاع الجماعة
ثالثا والاهم فيهم انو انهار قبل ماتفتلي حي كاسرونة انتاع الماء في المجمد لازم اتولي حجرة وغدوة من داك حيها في الما اللي راح تفتلي بيه وخليها هكاك حجرة وماتحيش بزاف الما معاها باه يبقة بارد بزاف الما
رابعا لازم حزمي لرجليك خار الما بارد ههههههه هدي نديرها لرجليا خار من بعد راح يوجعوك
البربوشة لما اتهزيها في الرفاد واتحبي تمحصيها من الاحسن واحنا عندنا ضروري نستعملو الباش الخشين اللي احوه للواكس نشرو رف كبير وانخلوه سبيسيال للفتيل ونمحصو فوقو
خامسا انا مانستعملش الفرينة في المحيص خار اتزيد تبرم البربوشة وترجع خشينة انا نستعمل النشا نستعمل 250غ في 25كغ انتاع السميد
سادسا كي تخلصي تمحصيها هزيها في غربال السماد وهو عيونو اقل بشوية من الرفاد وخشين على غربال الدقاق يعني اجي بيناتهم وانفضي مليح بربوشتك باه تهب هديك الفتلة التحت واتعاودي اتخليها مع الدقيق وتفتليها
سابعا كي تنشريها انشريها فوق درا ابيض باعدي على انتاع الالون ممكن يفسخ اللون على البربوشة وانشريها في مكان مهوي وحذاري تنشريها للشمس لانو من بعد راح اتكون فيها ريحة الشمس ويتبدل الدوق انتاعها انا ننشرها في شونبرا انحل الافة والباب للهوا ولما تنشريها اليوم الاول اليوم الثاني بدلي الدرا خار راح اكون مندي من لوفار وتبقاي اتحركي فيها حتى اتشوفيها يبست حيها في فمك وبالقواع جربي تدوقيها ادا القيتيها يابسة بزاف راهي شاحت وادا مازالها رية خليها اتزيد مع التحركات كل شوية وكي تشيح ثم صفيها من الغبار والشوائب اللي راح اجيبهم الهوا
وادا اتحبي تفرزيها يعني اتحي الخشينة والرقيقو والمسفوف
نتمنى تستفادو من الموضوع
ملاحظة اللي يسكنو في مناق الميديتي ولا اللي عندهم الميديتي في الدار حداري اديرو الملح في الما
وكي تخملوها اتخبيوها جيبو فلفل احمر حار يابس هو بزريعتو وفتوه داخلها وخلوها راه امليح خير من فلفل اسود كنت انديرو من قبل ومن بعد جربت فلفل احمر احسن واحسن
الاولى [/size]
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
دخلت نجري كي قريت العنوان ههههههه
https://www.djelfa.info/vb/images/icons/icon1.gif خبرة 22سنة قتيل
منباعد باش فهمت أنك تقصدي فتيل ماشي قتيل ههههههههههه
بارك الله فيك
__________________________________________________ __________
>>>> الرد الثاني :
ههههههههههههههههه والله ما انتبهتش زيد عندي واحد الكلافي مجنون الله غالب نتمنى يدخلو اعدلوها لا اجيوني لعشية هذي لابوليس
__________________________________________________ __________
