ساعدوني ربي يخليكم طريقة جزائرية
عنوان الموضوع : ساعدوني ربي يخليكم طريقة جزائرية
مقدم من طرف منتديات العندليب
سلام عليكم يا البنات
عندي مشكل نتمنى انكم تساعدوني فيه
اهل زوجي ما يكلوش الماكلة الي فيها لحم نتاع العيد يقولوا فيها ريحة الكبش
يعني في العيد الكبير يكلو غير الشواء وكي يخلاص ما يحبوش يكلوا مثلا الجواز والا المعجنات الي يطيب فيها لحم الخروف
البارح زوجي قالي علاه لحم في العرس مايريحش كي يطيب... وانا تاني استغربت قلت كيفاش الطباخ يتخلص من طعم لحم الخروف في طبخاتوا
والله غير عييت كل يوم نهندس ومعرفتش اللحم راه كل يوم نطيبوا للقطاط وحتى الماكلة نقيسها
ساعدوني يرحم والوالدين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وعليكم السسلام....
صراااحة اول مرة نسمع بريحة الكبش هادي ههههههههههـــ....وبلا عيد ماياكلوش اللحم خلاص مالا...باسكو الكبش تاع العيد هو نفسو الكبش
لي عند الجزار...انا نقلك قوليلهم منا وجاي يقطعو الكبش كامل لحم شوا وقليان وصايي ...
//
ولا اختي بعد ماطيبيه فالكوكوطة مع المعجنات ولا حاجة اخرى عاودي حمريه فالفور بعد ماتدهنيه بشوي زبدة وهريسة وملح واكيييد
راح يتبدل الطعم ويرجع ممممممممم....
__________________________________________________ __________
>>>> الرد الثاني :
ابنائي كدلك مايحبوش يكلو لحم العيد مع المعجنات
يقولو لي انه فيه ريحة الكبش.
يكلوه فقط مقلي او مشوي ...
__________________________________________________ __________
>>>> الرد الثالث :
ختي هذه الهدرة اني نسمع فيها هنا في فرنسا اغلب العائلات لي عايشين هنا يقلك ريحة الكبش عادو في العيد يتلمو ويذبحوا عجل ويقسموه وكل واحد كيفاش
كي عادوا عكذا قلهم يتلموا و يضحيو بعجل ويكونوا في 7كيما وصى الرسول صلى الله عليه وسلم وهكذا ما تخسري ما ترمي نعمة ربي .لخاطر مام كون تنصبي في الليل ويشرب لي زيبيس نتاعو تلقاي نفس الهدرى ريحة الكبش اني شايفة المودال .والله المستعان.
__________________________________________________ __________
>>>> الرد الرابع :
هدي جديدة واول مرة نسمعها
ريحة الكبش في اللحم؟؟؟
ولي تشروه من عند الجزار؟؟؟
نظن هذي حلها نفسيا مش مطبخيا
وانا شخصيا لحم العيد يجيني فيه بنة خاصة ماتجيش من اللحم تع الجزار
__________________________________________________ __________
>>>> الرد الخامس :
هذه اول مرة نسمع بها
بالعكس عندي اللحم تع العيد اجي مرقتو بنينة وقاطعة الله الله في المرقة تع الطعام واللحم تع العيد ايجني خير ملي نشروه جديد وفريشك ومتاكدة بلي يدين نقاياقطعتو
