كيفية تحضير البكبوكة أو العصبانة.....دائما من بلعباس من مطبخي
عنوان الموضوع : كيفية تحضير البكبوكة أو العصبانة.....دائما من بلعباس من مطبخي
مقدم من طرف منتديات العندليب
السلام عليكم و رحمة الله وبركاته.
كنت وعدت بكيفية تنضيف الكرشة بالصور و تحضير البكبوكة كذالك ومنها تتعرفوا على عاداتنا وأطباقنا إن شاء الله يعجبوكم و جربوهم لما لا تبقى دائما زيادة معلومة مفيدة فقط.
اولا نبدأ بتنطف الكرشة
نغسل الكرشة جيدا ثم نضعها في إناء ونفرغ عليها ماء و 2 او 3 م ك جير ونتركها نصف ساعة أو أكثر.
https://im90.gulfup.com/SjgpFT.jpg
https://im86.gulfup.com/oRyCzf.jpg
عند مرور الوقت المحدد ناخد الكرشة او قطعة منها على طاولة العمل نحاول تكريطها مثل ما في الصورة.
https://im88.gulfup.com/o1asbw.jpg
https://im90.gulfup.com/PVmn1S.jpg
أنطرو ماذا نزعنا منها هل هذا يأكل؟ أريد رايكم.
https://im81.gulfup.com/dGmq6y.jpg
ها هي نظيفة و بيضاء مثل الثلج.
https://im48.gulfup.com/gs7pOz.jpg
أنطرو من الداخل هي كذالك نظيفة حتى الشحم نزعت.
ثم وضعتها في الما ء المغلي لمدة دقيقة واحدة او إثنين وها هي واجدة للإستعمال.
https://im44.gulfup.com/TEnEok.jpg
يتبع تنظيف المصارين و تحضير البكبوكة.
ثانيا تنطيف المصارين
بعد غسل المصارين جيدا نأتي لقلبهم انظرو كيف
https://im76.gulfup.com/dnjdi1.jpg
https://im46.gulfup.com/vkCdEj.jpg
شوفو ماذا اخرجنا منه.
https://im71.gulfup.com/WaRih4.jpg
ثم نغسلهم جيدا بالماء ونضعهم في إناء مملوء بالماء و1أو2 م ك ماء جافيل ويكون من الأحسن نوع براف bref نتركم مدة معتبرة ثم نغسلهم من الجافيل ونضعهم يغلو5 دقائق أو أكثر ما يهمش. .
https://im48.gulfup.com/PoLF6R.jpg
ونتحصلو على هاذو ثم نقصوهم بمقص المطبخ بالطبع.
https://im69.gulfup.com/nq0Eq3.jpg
https://im74.gulfup.com/TFLcAg.jpg
يتبع تحضير البكبوكة
ثالثا تحضير البكبوكة
الأن نأخد الرية نغسلها ثم نقطعها أطراف و نديروها تغلي في الماء من بعد نرحيوها في الرحى تاع اللحم ( تاع بكري اليدوية )ماشي الروبو او آخر.
https://im68.gulfup.com/eYlcQh.jpg
https://im67.gulfup.com/MOCElG.jpg
هنا خلطنا المصارين مقطعين مع الرية المرحية
ثم نزيدو عليهم التوابل م ك من كل واحد الفلفل الحمر+ الفلفل السود+سكنجبير+ كركب او خرقوم+ملح+راس الحانوت ( ديالنا ما فيهش الكمون ولا الكروية).+ المعدنوس.
https://im57.gulfup.com/p1YAkl.jpg
نزيدو للخليط غرفية حمص مشمخ بليلة و فنجان روز مشمخ بساعة أو أكثر.
https://im84.gulfup.com/BXtzGg.jpg
ثم نزيدو راس ثوم مقطع رقيق أو خشين ما يهمش + بصلة كبيرة أو إثنين متوسطين مقطعين كذالك ولي يحب يزيد حفنة زبيب أنا مدرتهاش لأن أولادي ما يحبوهش ونخلط الكل مع بعض مليح و نجيب الكرشة ونبدى نحشي فيها ثم نخيطها.
https://im47.gulfup.com/Zuhmkv.jpg
https://im63.gulfup.com/sS7vrz.jpg
نحطو البكبوكة في الكوكوط + حمص مشمخ+بصلة مرابيا+طماطم مرابيا+ طماطم مصبرة+فلفل اسود+فلفل احمر+عود صغير قرفة وماء ونديروها تطيب وها هي كيفاش جات.
https://im74.gulfup.com/PHVNfM.jpg
نجيبو صحن كبير ونحطو فيه الكسكس و نسقيوه بمرق البكبوكة ثم نفتحوها ونحطوها من الفوق .
https://im61.gulfup.com/uLLVKb.jpg
بالصحة و العافية من بعد الأكل بنصف ساعة نجيبو الصينية تا ع أتاي وبسم الله
https://im84.gulfup.com/PojiZP.jpg
نتمنى تعجبكم و أستسمحكم راني طولت عليكم يا أخواتي.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارك الله فيك نفس طريقة العاصميين بصح ما نديروهاش فالجير حنا نغلو الماء ونجطوها في هداك الماء ونخرجوها تمتم ونكرطوها
راني صورت الطريقة لاكن ما كفانيش الوقت باه نحط الصور
__________________________________________________ __________
>>>> الرد الثاني :
بارك الله فيك
في انتظار الباقي
__________________________________________________ __________
>>>> الرد الثالث :
يعطيك الصحة
__________________________________________________ __________
>>>> الرد الرابع :
وفيك بركة يا أختى ام حمزة المهم تكرطوها شكرا .
__________________________________________________ __________
>>>> الرد الخامس :
شكرا جزيلا اختي على الموضوع المفيد
احنا تاني في دارنا في تلمسان نكرطو الكرشة بعد وضعها في الماء السااااااخن لكن ما نحطوهاش في الجير لكن مين تزوجت في دار زوجي ما يكرطوهاش في الاول كنت نعيفها هههه لكن الان نورمال
