طبق دجاج بالأرز رائــــــــع في أكياس الشواء بالتفصيل من مطبخي طبخ جزائري

عنوان الموضوع : طبق دجاج بالأرز رائــــــــع في أكياس الشواء بالتفصيل من مطبخي طبخ جزائري
مقدم من طرف منتديات العندليب

السلام عليكم غالياتي
إن شاءالله تكونوا في أحسن الأحوال
اليوم بإذن الله راح نوريلكم طريقة أو ممكن نقول عفسة إبتكرتها باش نستغل كيس الشواء في طهي الدجاج و الأرز المرافق له بنكهة الدجاج نفسه تبعوا معايا مليح .... طبعا دائما مع الصور
نحتاجوا لهذه الخلطات من ماجي ... كاين أنواع بزاف دجاج ... لحم ... حوت متعددة النكهات كاين دجاج بالأعشاب أو بالثوم أو بالليمون أوبالطماطم .... اليوم إخترت بالطماطم
طبعا الكيس تلقاي فيه من الفوق كيس الشواء و من التحت توجد التوابل أوكي

https://up.top4top.net/uploads/2015/...1553624f01.jpg

https://up.top4top.net/uploads/2015/...61f8dd8372.jpg
وضعت الدجاج بعد تنظيفه جيدا داخل كيس الشواء و نفرغ عليه التوابل المرفقة + كأس ماء و نغلق و نرجه جيدا و ندخله الفرن يطيب أنا ماداليش الوقت تقريبا 45 دقيقة لأن الدجاج صغير و زدت نزلت البلاطو لتحت في الفرن

https://up.top4top.net/uploads/2015/...61f8dd8373.jpg
من جهة أخرى غليت الأرز نصف الطياب لازم لأنه راح يكمل يطيب فيما بعد .... و خليتو بجيه
من جهة أخرى كذلك قطعت نصف بصلة مربعات و حطيتها في طنجرة مع قطعة صغيرة زبدة وحمصته فيها

https://up.top4top.net/uploads/2015/...61f8dd8374.jpg

هنا الدجاج من بعد ماطاب نحيتو من الكيس و حطيتو في بلاطو و رجعته يتحمر في الفرن و لكن تحت الشواية يعني طلعيه لفوق و شعلي عليه الفرن من فوق
و كيما راكم تشوفوبلي تحصلت على مرق دجاج خاثر لذيذ جدا بنكهة الطماطم
https://up.top4top.net/uploads/2015/...61f8dd8375.jpg
نفرغه فوق البصل ليحمصتو من قبل و نزيد عليه الأرز و عملت شوية زعفران و حركتو و غطيتو يكمل يطيب مع التحريك مرة على مرة باش ميتحرقش و إذا شفتي بلي نشف و مازال ماطابش زديلو شوية ماء قيس فنجان و هكذا عينك ميزانك

https://up.top4top.net/uploads/2015/...61f8dd8376.jpg

https://up.top4top.net/uploads/2015/...61f8dd8377.jpg

https://up.top4top.net/uploads/2015/...61f8dd8378.jpg


وهذا الدجاج تحمر الله الله

https://up.top4top.net/uploads/2015/...61f8dd8379.jpg

و هذا الأرز طاب و شرب كل بنة الدجاج ممكن تذوقيه و تشوفيه كاشما خاصو ملح أو فلفل أكحل أو حسب رغبتك أنا مازدتلوا والو مايحتاجش و في الأخير رشة زكية معدنوس مممممممم
https://up.top4top.net/uploads/2015/...1f8dd83710.jpg

و تقدميه لعائلتك بالصحة والراحة

https://up.top4top.net/uploads/2015/...82797e5ed1.jpg

https://up.top4top.net/uploads/2015/...82797e5ed2.jpg

https://up.top4top.net/uploads/2015/...82797e5ed3.jpg

https://up.top4top.net/uploads/2015/...82797e5ed4.jpg

طبق سهل و سريع و لذيذ جدا نديرو حتى لضيوفي يحمر الوجه

طبعا في الأخير دعوة خير ياسر عليا و نتمنى تجربوه و إنتظروني في وصفة أخرى في أكياس الشواء https://3andlib.xplainer.net/images/smilies/1.gifhttps://3andlib.xplainer.net/images/smilies/1.gifhttps://3andlib.xplainer.net/images/smilies/1.gif
ملاحظة :التوابل إستعملت نصف الكيس خطرش فيه بزاف ... أنتوما عينكم ميزانكم حسب كمية التوابل والدجاج
موالفة ندير مع الدجاج زيتون أخضر يطيب معاه و فيالتقديم نحطو فوق الأرز .... اليوم مانيش مغلياتو ممكن نتوما تزيدوه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة امانس شهيتيني

__________________________________________________ __________

>>>> الرد الثاني :

شكرا جزيلا

__________________________________________________ __________

>>>> الرد الثالث :

ya3tik saha

__________________________________________________ __________

>>>> الرد الرابع :

تسلم الايادي طبق راااائع

__________________________________________________ __________

>>>> الرد الخامس :

يعطيك الصحه ام انس يشهي