طاجين الجلبانة بأعشاش القرنون المحشي من مطبخي طبخ جزائري
عنوان الموضوع : طاجين الجلبانة بأعشاش القرنون المحشي من مطبخي طبخ جزائري
مقدم من طرف منتديات العندليب
السلام عليكن اخواتي راني رجعت للمنتدى ووعدتكم بالجديد من مطبخي ليوم نقدملكم طبق بنين بزاف بزاف واكيد راح يعجب افراد عائلتكم نحليكم معاه
المقادير
للمرق او الصوص
حبة بصل كبيرة مرحية+1 سنة ثوم زيت +ملح+كسبر مرحي+فلفل اسود+ شوية دبشة +معدنوس مقطعين وجلبانة انا استعملت 1كلغ
للاعشاش
قرنون وكاين اللي يسميه خرشوف كيما مكتوب في العلبة خرشوف حسب افراد العائلة انا استعملت المجمد لاني مالقيتش الجديد في المحل لكن القرنون الطبيعي خير من المجمد ويطيب بسرعة على عكس المجمد اللي يطول في طيابو
https://sphotos-f.ak.fbcdn.net/hphot...18487915_n.jpg
https://sphotos-h.ak.fbcdn.net/hphot...19821815_n.jpg
250غ لحم مفروم وممكن اكثر حسب الكمية نتاع القرنون اللي عندك +بيضة +2سنات ثوم+شوية معدنوس مقطع+ملح وفلفل اسود
50غ فروماج نتاع ميزان نوع باربار تقطعيه الة مربعات
كمية من الزيتون الاخضر اللي تكوني نزعتي منو الملح
فروماج روج او قرويار رابي
التحضير
في كوكوط حطي الزيت والبصل والملخ والكسبر والفلف اسود وشوية دبشة او حشيش ومعدنوس مقطع
https://sphotos-b.ak.fbcdn.net/hphot...88418963_n.jpg
قليهم شوية ومرقي بالماء نحي شوية من الصوص هادي وحطيها على جنب وزيدي كمية الجلبانة وحفنة من الزيتون اغلقي الكوكوط وخليها تغلي ثم نقصي النار وخليها على نار متوسطة من ساعة ونصف حتى ساعتين لاني بصراحة نفضل الجلبانة اللي تجي ذايبة
https://sphotos-b.ak.fbcdn.net/hphot...21307933_n.jpg
في هدا الوقت خلطي اللحم المرحي مع البيضة والثوم والملح والمعدنوس والفلفل اسود
https://sphotos-c.ak.fbcdn.net/hphot...14523067_n.jpg
اعملي شوية كويرات زيديها للمرق وخليها تطيب مع الجلبانة
https://sphotos-e.ak.fbcdn.net/hphot...02201670_n.jpg
اما كمية الصوص اللي احتفضتي بيها حطي فيها كمية القرنون على نار هادئة حتى تطيب الحبات وتولي طرية
https://sphotos-h.ak.fbcdn.net/hphot...64232203_n.jpg
https://sphotos-g.ak.fbcdn.net/hphot...76110874_n.jpg
نحيها وخليها تبرد
https://sphotos-a.ak.fbcdn.net/hphot...22752200_n.jpg
جيبي الكمية المتبقية من الزيتون المغلي
https://sphotos-a.ak.fbcdn.net/hphot...76681136_n.jpg
اقسمي كل حبة زيتون على 2 من غير ماتقطعيها ولصقيها في قطعة الجبن وزيدي لصقي واحدة مقابلها بنفس الطريقة
https://sphotos-e.ak.fbcdn.net/hphot...08171208_n.jpg
ديري شوية من الفروماج روج او القرويار
https://sphotos-c.ak.fbcdn.net/hphot...50540694_n.jpg
https://sphotos-g.ak.fbcdn.net/hphot...23093925_n.jpg
وفوقو قطعة الجبن والزيتون
https://sphotos-f.ak.fbcdn.net/hphot...80724624_n.jpg
وغطي بقرصة من اللحم المفروم
https://sphotos-d.ak.fbcdn.net/hphot...52443930_n.jpg
كملي بنفس الطريقة مع باقي الحبات
في صينية الفرن حطي المرق اللي طاب فيه القرنون وحطي حبات الخرشوف ودخليها للفرن على 220 20دقيقة
https://sphotos-b.ak.fbcdn.net/hphot...46467906_n.jpg
https://sphotos-h.ak.fbcdn.net/hphot...28324200_n.jpg
كي تطيب خرجيها وغلفي وجهها بالجبن المبشور ورديها من فوق ختى يذوب ويولي لونو ذهبي
https://sphotos-a.ak.fbcdn.net/hphot...55966410_n.jpg
https://sphotos-h.ak.fbcdn.net/hphot...23164894_n.jpg
كي تطيب الجلبانة ويولي مرقها قليل وخاثر حطيها في صحن التقديم وفوقها حبات القرنون وزيني بالمعدنوس وشرائح ليمون
https://sphotos-d.ak.fbcdn.net/hphot...99615855_n.jpg
https://sphotos-f.ak.fbcdn.net/hphot...05919337_n.jpg
https://sphotos-f.ak.fbcdn.net/hphot...08857708_n.jpg
https://sphotos-g.ak.fbcdn.net/hphot...58443409_n.jpg
وهذا شكل الحبة من الداخل امممم
https://sphotos-d.ak.fbcdn.net/hphot...87796264_n.jpg
نتمنى يكون عجبكم لانو لذيييييييييييييييييييذ وراني نستنى التطبيقات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة شكله شباب و يشهي لكن عندي سؤال ماشي تقيل شوية كفيه الفرماج بزاف ؟شكراااااااااااااااا
__________________________________________________ __________
>>>> الرد الثاني :
الله يسلمك اختي العزيزة بلعكس الفروماج اللي يزيدلو في البنة وحتى انتي كولي حبة ولا زوج ماشي الطبسي كامل هههههههههه
نورتيني اختي العزيزةhttps://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gif
__________________________________________________ __________
>>>> الرد الثالث :
نقلك الصح الطبق تحفة بصح اعطيلي غير القرنون والزيتون ماناكلش الجلبان يعطيك الصحة ابدعتي يستاهل موضوعك التثبيت
__________________________________________________ __________
>>>> الرد الرابع :
ربي يحفظك اختي العزيزة كولي بصحتك اللي عجبك في الصحن كوليه تستاهلي
وشكرا جزيلا لانك اقترحتي التثبيت https://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gif
__________________________________________________ __________
>>>> الرد الخامس :
Machaa allah okhti 3andi souaal est ce que hada garnon yatba3 3andna hna f dzayer w kayan foul mjamad puisque hawast 3lih w malgitouch
