-
اسهل و اروع كعك من مطبخي
عنوان الموضوع : اسهل و اروع كعك من مطبخي
مقدم من طرف منتديات العندليب
السلام عليكم واش حوالكم ؟ ان شاء الله تكونو بخير
اليوم نفحتلي نخدم كاش حاجة لفطور الصباح خممت وقلت ندير الكعك خاصة انو مقاديرو متوفرة فهي بسيطة وموجودة في كل بيت
هذا وين خلصتو وسميتو كعك نص ليل هههههه https://3andlib.xplainer.net/images/smilies/1.gif https://3andlib.xplainer.net/images/smilies/1.gif
وغير خلصتو تفكرتم يا حراير الصفحة وقلت نفيدكم بالاك تنفحلكم في كعك نص ليل كيما انا خاصة اذا كنتو سهرانين https://3andlib.xplainer.net/images/smilies/biggrin.gifhttps://3andlib.xplainer.net/images/smilies/biggrin.gifhttps://3andlib.xplainer.net/images/smilies/biggrin.gif بصح صدقوني راه يخرج بنين ياااسر خاصة مع الحليب ويحبوه ولادكم
المهم نمشيو للمقادير
نحتاجو الى
_3 بيضات
_ كاس ونص سكر انا عبرت بكاس اينوكس
_كاس زيت
_كاس حليب دافئ
_نصف كاس ماء الزهر
_3 ملاعق صغيرة خميرة الخبز
_قشور الليمون و قشور البرتقال
_زرارع (شنان-الجلجلان-بسباس-حبة حلوة ) من الاحسن مطحونين
_1 خميرة الحلوى
_ملح
_فرينة
طريقة التحضير
نخلط جميع المقادير طبعا نبداو بالسوائل انا خلطتهم بكف اليد جيدا من بعد نضيف الفرينة بشوية بشوية حتى نتحصل على عجينة طرية كوريها وحطيها في ليان وغطيها ببلاستيك وخليها ترتاح حوالى نصف ساعة ثم عجنيها بيدك مش تعجينيها يعني حركيها شوية برك
ثم شكليها الى اسوار يعني ديري حرابيش ولويها ثم ضعيها في صينية مدهونة بالزيت و بعديهم على بعضاهم لانهم رايحين يخمروا ويتضاعف حجمهم شوية
ثم ديرهم في مكان دافيء يخمروا لمدة 45 د
بعد ما يخمروا ادهنيهم بصفار البيض الممزوج بالنسكافيه و انثري عليهم الجلجلان من الفوق ثم ديريهم يطيبوا حتى يصبح لونهم احمر
وهذي صورتهم اعتذر من رداءة الصور لاني صورتهم نص ليل https://3andlib.xplainer.net/images/smilies/1.gif
https://www.up.djelfa.info/uploads/141514766340381.png
https://www.up.djelfa.info/uploads/141514680325681.png
نتمنى تجربوه وتدعولي https://3andlib.xplainer.net/images/smilies/19.gif
https://3andlib.xplainer.net/images/smilies/mh31.gif https://3andlib.xplainer.net/images/smilies/mh31.gif https://3andlib.xplainer.net/images/smilies/mh31.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
https://www.djelfa.info/vb/showthread.php?t=1660900
__________________________________________________ __________
>>>> الرد الثاني :
اختي يعطيك الصحة تعرفي انا كليتو في مستغانم وكان روووعة لكن معرفتش الشنان مم تم يقولولو الشنان وللاسف كان خلاصلها الي دارتو على هذيك معرفتوش مم العطار معرفوش
__________________________________________________ __________
>>>> الرد الثالث :
شكرا ام سهام على الرابط ويظهر ان الوصفتين متشابهتين لحد ما فهذه من وصفات جدتي ربي يحفظها
__________________________________________________ __________
>>>> الرد الرابع :
شهيتينا اختي يعطيك الصحة
ولونهم هااااااااااايل
__________________________________________________ __________
