الرغبات في تعلم وصفة الحقيقية لكارنتيكا من مطبخي
عنوان الموضوع : الرغبات في تعلم وصفة الحقيقية لكارنتيكا من مطبخي
مقدم من طرف منتديات العندليب
انظرا لكثرة الطلب على الوصفة اليوم نعطيلكم الطريقة لثاني مرة
وهي وصفة ناجحة 100/100 جربو ودعولي عن ظهر غيب
اليكن المقادير
كيس كارنتيكا من النوع الجديد {400غ} اذا لم تتوفر اشري عادي وفوتيها في السيار لمنع بعد ذالك الطبقة السفلية
2 لتر ماء+250 مل حليب+3 بيض+1 مص ملح+1/2 م ك لموطارد {هذا هو السر }+فنجان صغير تاع القهوة زيت
التزين"2 م ك زيت+ الكمون
نبدا على بركة الله "
سخي الفرن على درجة 200درجة
وديري سنوى النتاعك فارغة في الكوشة تسخن
وجدي الخليط انتاعك في ليان الحمص + الماء وخلطيهم مليح احسن بالميكسوغ والي معندهاش بالباتوغ ثم الملح وفي اناء اخر ديري البيض مع ربع لتر حليب وضربيهم مليح وزيدي فرغيهم+ لاموطارد +فنجان زيت ثم عاودي ميكسي الكل ثم اجبدي السنوى من الفرن لازم تكون سخونة وفرغي هذاك الخليط اعليهاوفرغي من الفوق 2 م ك زيت ومشيه بالفرشيطة اغطسيها في الخليط مثل الموجة وديريها اطيب 45 د من التحت وطفي ومن فوق حتى تحمار واذا الكوشة تشعل من فوق ومتحت احسن في 30 د تكون واجدة وغير تخرج من الفرن ذرذري اعليها الكمون {الكمون اذا درتيه في الخليط راه يعطي نكهة المرورة}
https://4.bp.blogspot.com/-qe4MdbLFq...1215973701.jpg جربوها وردولي الخبر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا اختي يارا على الوصفة انا نزيدلها كيس خمارة الحلوى واش نقلك و كي ميكونش عندي لحليب نخلط معها 5 ملاعق كبيرة حليب لحظة غبرة
يعطيك الصحةةوصفاتك دائما ناجحة خاصة كيك المحلات رائع راح نجربها ب الخردل اكيد تطلع تحفة
__________________________________________________ __________
>>>> الرد الثاني :
مممممممم كالينتي هكدا نسميه بشمال المغرب ..ان شاء الله نجرب طريقتك
__________________________________________________ __________
>>>> الرد الثالث :
44444444444444444444444
__________________________________________________ __________
>>>> الرد الرابع :
بصراحة وصفاتك نديرهم و انا مغمضة عينيا، رايحة نعتمد طريقتك ان شاء الله
__________________________________________________ __________
>>>> الرد الخامس :
المشاركة الأصلية كتبت بواسطة ام مريم اسراء https://3andlib.xplainer.net/images/...s/viewpost.gif
شكرا اختي يارا على الوصفة انا نزيدلها كيس خمارة الحلوى واش نقلك و كي ميكونش عندي لحليب نخلط معها 5 ملاعق كبيرة حليب لحظة غبرة
يعطيك الصحةةوصفاتك دائما ناجحة خاصة كيك المحلات رائع راح نجربها ب الخردل اكيد تطلع تحفة |
لالا مديريش الخمارة هذه بكري عندها10 سنين كي كنت انديرهكذا باه اجي خفيفة حربي هذه الوصفة ورحمي اعليا اجيك روعة واحسن من غيرها
