**الدوبارة البسكرية"الأصيلة" من مطبخي يميم**

عنوان الموضوع : **الدوبارة البسكرية"الأصيلة" من مطبخي يميم**
مقدم من طرف منتديات العندليب

https://up.djelfa.info/uploads/13466273241.gif


تعرفوا بلاك حكاية الدوبارة و كيفاش حتى سماوها هكذا
يقولوا بلي كانت واحد المرأة في القديم ماكان في "كوزينتها" إن صح التعبير والو باش تطيبو لزوجها كي يولي من العمل نتاعو

مالا كان عندها شوية فول و حمص و حوايج أخرى بسيطة دارت بيهم هاذ الأكلة و كي جا الزوج نتاعها قالها واشي هذا يا مرا قالتلو هذي الدبارة بمعنى أنها تدبرت أمورها بالحوايج البسيطة اللي بقاتلها في المطبخ و دارتلو الغدا ولا لعشا
و من هذي القصة جات كلمة دوبارة والله أعلم أنا هذا واش سمعت


اليوم و كيما كل مرة راح نقدملكم أكلة تقليدية و راااااااااااااائعة فعلا ماش لأني من بسكرة نقولكم هكذا ولكن فعلا هي رائعة و خاصة التي تباع في المحلات تجي أفضل من نتاع الدار لكن حتى نتاع الدار تجي بنينة
لذلك أنصح كل من يزور بسكرة يذوقها راح يولي لبسكرة على جالها ههههههههههههههه


وهي الدووووووووووووووبارة البسكرية على كارها


لنبدأ على بركة الله

https://i1212.photobucket.com/albums...titled-1-1.gif

الدوبارة تاع اليوم درتها بالحمص فقط لأنو الفول ما كانش عندي لكن تقدري تديريها بالحمص فقط أو بالفول فقط أو مزيج بين الإثنين

المقادير سهلة و بسيطة جدا


[IMG]https://www.up.djelfa.info/uploads/136552194728241.jpg[/IMG]

- حمص مشمخ ( كذلك الفول لازم يكون مشمخ) الكمية إختيارية لكن أنا حضرت كمية تكفي لشخصين
- حبة طماطم كبيرة تكون حمراء مرحية خشين
- حبة فلفل أخضر حار مقطعة (أنا استعملت قرن غزال لكن هي تجي بالفلفل العربي الصحراوي أفضل)
- كسبرة خضراء مقطعة
- حبة ثوم مرحية رقيق
- ملح
- 1 ملعقة صغيرة فلفل أحمر حار و أخرى حلو مرحي
- ملعقة كبيرة هريسة حارة
- نصف ملعقة كبيرة طماطم مصبرة(ما نحبش نكثر منها لأنو البنة كامل في تاع الحب)
- زيت زيتون أو زيت عادي حسب الرغبة
-2 ملعقة صغيرة كمون أخضر مرحي هذا هو المكون السحري
- 3 أنصاف دوائر ليمون

التحضير
** الحمص يطيب وحدو والفول وحدو لكن نفس الخطوات
*في الكوكوت نغلقو على الحمص يطيب في الماء الحلو بدون ملح حتان يتفتحو بعض الحبات و يخرجوا الخثارة نتاعو
*كي يطيب زيديلو الملح و خليه يغلي مدة 10د و طفي عليه، المرق نتاعو لازم يكون مغطيه بعد ما يطيب
*ضيفيلو ملعقة صغيرة كمون أخضر مرحي

[IMG]https://www.up.djelfa.info/uploads/136552193650981.jpg[/IMG]

*في صحن غميق ضعي الطماطم المرحية خشن و الثوم و الكسبرة و 2 ملاعق كبار زيت زيتون و الفلفل المقطع و الطماطم المصبرة و الهريسة الحارة والليمون و التوابل المذكورة بما فيها ملعقة صغيرة كمون أخضر مرحي و اخلطيهم مع بعض جيدا

[IMG]https://www.up.djelfa.info/uploads/136552189718521.jpg[/IMG]

[IMG]https://www.up.djelfa.info/uploads/136552193140081.jpg[/IMG]



**حذاري**

**الخطأ الشائع الأول في تحضير الدوبارة أنو يستعملو فيها البصل و لكن الدوبارة الأصلية حبيباتي ما يجيهاش البصل أبدا**
*والخطأ الشائع الثاني عند تقديم الدوبارة أنهم يخلطوا الدرسة نتاعها مع الحمص و الفول والمرق نتاعهم و من بعد يحطوه على النار يغلي و هذا خطأ لأنو لتحضير الدوبارة البسكرية عزيزاتي الدرسة نتاعها ما طيبش**


**الطريقة الصحيحة لتقديمها هي إنك تسخني جيدا الحمص و الفول نتاعك و تحطيه في صحن التقديم و من بعد تضيفيلوا الدرسة و تخلطيه جيدا و من بعد حطيلو شوية كسبرة مقطعة من فوق و ملعقة زيت زيتون وقدميه مع الخبز نتاع الخباز
و بصحتكم
السخانة نتاع الحمص والفول و المرق نتاعهم راح تذبل الدرسة بلا مبالغة في الطهي تجي اممممممممممممم
ما نحكيلكمش لازم تجربوها

[IMG]https://www.up.djelfa.info/uploads/136552194061681.jpg[/IMG]

[IMG]https://www.up.djelfa.info/uploads/136552195425621.jpg[/IMG]

أتمنى أني أفدتكم بما قدمته لكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة اختي
شهتيني في الدوبارة عندي مة ما درتهاش

__________________________________________________ __________

>>>> الرد الثاني :

mmmmmmmmmmmmmmmmmm ya3tiiiiiik essahaaaa 44444444444

__________________________________________________ __________

>>>> الرد الثالث :

يعطيك الصحه شكرا لكييييي

__________________________________________________ __________

>>>> الرد الرابع :

المشاركة الأصلية كتبت بواسطة ام محمد السوفية https://3andlib.xplainer.net/images/...s/viewpost.gif يعطيك الصحة اختي شهتيني في الدوبارة عندي مة ما درتهاش

الله يسلمك اهلين بالسوفية و ناس واد سوف مرحبا بيك جارتي لعزيزة

__________________________________________________ __________

>>>> الرد الخامس :

المشاركة الأصلية كتبت بواسطة terrou https://3andlib.xplainer.net/images/...s/viewpost.gif mmmmmmmmmmmmmmmmmm ya3tiiiiiik essahaaaa 44444444444

شكرا لك نورتي صفحتي عزيزتي

المشاركة الأصلية كتبت بواسطة omnadjem.10 https://3andlib.xplainer.net/images/...s/viewpost.gif يعطيك الصحه شكرا لكييييي

الله يسلمك شكرا لك أمنجم منورة حبيبتي