مسفوف رويال من مطبخي طبق جزائري
عنوان الموضوع : مسفوف رويال من مطبخي طبق جزائري
مقدم من طرف منتديات العندليب
المسفوف هو اكلة تقليدية ولكن كل منطقة تعملو بمواصفات خاصة
هذه الوصفة اخذتها من مدة طويلة على وحدة تونسية الله يبارك في صحتها وبماانها وصفة لذيذة ومغذية
حبيت نفيدكم بيها
المسفوف المفروض راهو من المعجنات وانا احترت في البداية وينا قسم نحطوا
ولكن مكوناتو هنا اقرب الى التحلية فاعتبرته تحلية
المقادير
مسفوف اعمليه بطريقتك المعتادة ولكن بين
كل تفويرة وتفويرة رشيه بماءالزهر
وسمغيه بالزبدة من ا لافضل ستار والسكر وحطيلو نصف ملعقة صغيرة فاني
نصف لتر كريمة باتيسيير انا عملت تاع الشكاير لي تتباع نوع فاني
فاني
زبيب مفور
1بنان
حليب نستلي
مكسرات
سكر قلاس
دراجي
الطريقة
جيبي الصحن لي راح تقدمي فيه
خلطي المسفوف مع
نصف كمية الزبيب
حطي طبقة مسفوف في الصحن
اعملي فوقو طبقة كريمة وذرذري فوقها الزبيب والمكسرات انت وواش عندك
اناكان عندي اللوز ونوادوكاجو
زيدي طبقة اخرى مسفوف
وطبقة بنان مقطع دوائر وسقيه بالنستلي باش ما يكحالش
ثم كملي طبقة اخيرة من المسفوف وسقيه مليح بالنستلي وزينيه حسب ذوقك
نتمنى اني فدمت حاجة مفيدة
اعتذر على نوعية الصور
نوعدكم نعاود في اقرب فرصة نحملهم لانو بورتابلي ربي يسامح لي قفزوا بيه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممم هذا عمري ما سمعت بيه ايشهي و ما يجيش ناشف يعطيك الصحة يا الحرة
__________________________________________________ __________
>>>> الرد الثاني :
شكرا ام الهضاب اني قلت في البداية سمغيه يعني ديريلو الزبدة والسكر وزيد راكي تسقيه مرتين بالنستلي
__________________________________________________ __________
>>>> الرد الثالث :
اممممممم هذا مسفوف الملوك يشهي آلله يعطيك الصحه
وراه يشهي يميميم
وهني دخلت وبه تشوفي التحت وتزيدي تضحكي. هههههه
__________________________________________________ __________
>>>> الرد الرابع :
44444444444444444444444
__________________________________________________ __________
>>>> الرد الخامس :
ام انوس العزيزة انت الملكة ياجميلة
