سيقار مالح بالعجينة المورقة طبق جزائري
عنوان الموضوع : سيقار مالح بالعجينة المورقة طبق جزائري
مقدم من طرف منتديات العندليب
مساء النور حبيباتي
راح نقدملكم اليوم وصفة سيقار مالح بالعجينة المورقة
هاد الوصفة بنييييييينة بزاف كل من ذاقها عجباتو
نبداو على بركة الله
نحتاج للينة المورقة
هنا كل واحدة عندها وصفتها الي معتمدتها بالنسبة ليا انا باش نحرضها نحتاج كيلو فرينة + ملعقة كبيرة ملح + ملعقة كبيرة او ملعقتين خل + فنجان زيت ونلمها بنصف لتر ماء وممكن نحتاج اكتر على حسب نوعية الفرينة وطبعا للتوريق نحتاج باكي تع 500 غ زبدة التوريق نستعمل لذيذ ولا صالحة
بالنسبة لطريقة الطي رايحة نحط موضوع مستقل على طريقة تحضيرها خاطر انا ما نخليهاش ترتاح بين الدورة والدورة
نحضرو الحشو تان
نحط زيت في مقلة + زوج حبات بصل مقطعين + ربعة سنات توم مسكرفجين + اسكالوب او صدر دجاج مرحي + ملح وفلفل اسود ونخليهم حتى يذبال البصل مليح نضيف عليه كمون+ قرفة + زنجبيل مطحون + كروية + قصبر ومعدنوس نخليهم حوالي خمس دقايق ونطفي النار من بعد نضيف الزيتون الاخضر مقطع دوائر وفرماج طري مقطع مكعبات وادا ما كانش ممكن تستغناي عليهونخلو الحشو يبرد
نروحو نحضرو لاصوص بيشامال
نحطو قطعة زبدة تذوب تم نضيف ملعقتين فرينة تم نضيف نصف لتر حليب مصفي وسخون ونقعد نخلط حتى تعقد نبعدها على النار ونضيفلها الملح وفلفل اسود وادا تحبي تضيفي باطة كبيرة بتي سويس كيما درت انا ثم نفرغو لاصوص بيشامال فوق خليط السكالوب ونخلط الكل
نروح للعجينة نحلها حوالي 8 مم ونقطعها مستطيلات
نحط في طرف المستطيل شوي حشو وفي الطرف المقابل ندهن ببياض البيض ونرولي المستطيل حتى نتحصل على سيقار
نحطهم في سنية نكون حطيت فيها حوالي خمس مغارف ماء باش تجينا العجينة مقرمشة وتطلعلنا مليح
ندهن الحبات من فوق بصفار البيض وندخلهم الفرن
نطيبهم من تحت تم من فوق حتى ياخدو لون دهبي
نخليكم مع الصور
https://im77.gulfup.com/XttqDs.jpg
https://im83.gulfup.com/VRAN7H.jpg
https://im69.gulfup.com/4lXgTE.jpg
https://im58.gulfup.com/93cEfA.jpg
https://im55.gulfup.com/1pBrnU.jpg
https://im86.gulfup.com/FE8jt8.jpg
https://im45.gulfup.com/X4t5eD.jpg
https://im44.gulfup.com/iHfK4w.jpg
انشا الله تكون الوصفة نالت اعجابكم جربوها مش راح تندمو
دعواتكم
ملاحظة
ادا حبيتو باش جيكم مقطعة في الوسط كيما الحبات الي في الصورة قطعو العجينة كيما راني راسمة بخطوط وردية...اما السهم الاصفر فيبين وين تدهنو ببياض البيض
https://im61.gulfup.com/qiFnn4.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
روعة اخت كيكا يعطيك الصحة خدمة متقونة انتاع محترفة احلي تقييم لعيونك
__________________________________________________ __________
>>>> الرد الثاني :
اختي اكتبي اسمك علي الصور للحفاظ عاالوصفة
مايحطوهاش في المنقول
__________________________________________________ __________
>>>> الرد الثالث :
مشكورة حبيبتي ابتسام على مرورك الطيب وعلى تنبيهك ليا على الاسم...رايحة نعاود نحمل الصور مكتوب عليها اسمي
مشكورة مرة تانية
__________________________________________________ __________
>>>> الرد الرابع :
__________________________________________________ __________
>>>> الرد الخامس :
يسلمك حبيبتي بلا مزية....تع الصح مممممممممم جربيهم وتدوقي بنفسك
