الوصفة السحرية لمطلوع بدون لباب من مطبخي

عنوان الموضوع : الوصفة السحرية لمطلوع بدون لباب من مطبخي
مقدم من طرف منتديات العندليب

الوصفة 11

واش راكم يالفحلات https://3andlib.xplainer.net/images/smilies/dj_17.gif
اليوم الحلقة الثانية نتاع مسلسل اللعب بالعجين https://3andlib.xplainer.net/images/smilies/1.gif
راني دخلت المختبر نهار الجمعة باش نصورلكم مطلوعي العزيز https://3andlib.xplainer.net/images/smilies/biggrin.gif، على بالي كل واحدة عندها وصفتها للمطلوع اللي ماتحبش تغيرها و كاين بزاف أخوات حاطين وصفات مطلوع هنا في المنتدى، بصح حبيتكم تشوفو الوصفة نتاعي بعد التعديلات المخبرية https://3andlib.xplainer.net/images/smilies/cool.gif لاخاطر أنا نحب المطلوع يكون رقيق و مافيهش اللباب ( مطلوع نتاع فحلات أحم أحم هههههه ) ، بدلت في المقادير حتى جا روووعة، تبعو معايا و شوفو النتيجة :

المقادير: ( درت غير 2 قرصات باش نصورلكم الطريقة ، كان عندي كمية كبيرة نتاع خبز في الدار، درت المطلوع من أجل عيونكم فقط https://3andlib.xplainer.net/images/smilies/biggrin.gif )

* كيلة فرينة ( مقدار قرصة )
* كيلة سميد ( مقدار قرصة )
* 1/2 ملعقة كبيرة خميرة لكل قرصة
* 1 ملعقة صغيرة ملح لكل قرصة
* سينوج
* 1 ملعقة كبيرة سكر لكل قرصة
* 1/2 ملعقة كبيرة زيت لكل قرصة
* محسن الخبز ما ننصحش بيه لأنه مضر بالصحة و نديرو فقط لما نجرب دقيق جديد و نخاف منو ( خاصة إذا كانو عندي ضياف و نخاف نتبهدل ) وممكن اللي يحب يقدر يعوض محسن الخبز بشوية من خميرة الحلويات
* ماء دافئ للعجن

https://www.up.djelfa.info/uploads/136222654890851.jpg

الطريقة :
1- نخلط المكونات الجافة أولا ، ثم نضيف الزيت ثم الماء الدافئ حتى نتحصل على عجين طري
https://www.up.djelfa.info/uploads/136222654904192.jpg

نعجن 5 دقائق و نستعمل طريقة الكيس المبلل للوهرانية : نبلل كيس نظيف و نحط العجين فيه و نغلق الكيس و نخلي العجين يختمر ( أنا خليتها خمرت 2 ساعات لأن المطبخ عندي بارد شتاء و ساخن صيفا https://3andlib.xplainer.net/images/smilies/mad.gif يعني الخدمة فيه ميزيرية صيف وشتاء https://3andlib.xplainer.net/images/smilies/frown.gif )
https://www.up.djelfa.info/uploads/136222654912823.jpg

2- بعد ما تخمر نعجنها 5-10 دقائق و نشوف إذا تحتاج ماء نزيدلها ( أنا زدت حوالي فنجان فقط )
3- نقسم العجين على 2 ( لأنني أنا درت 2 قرصات ) و نعجنهم في شوية زيت ( مقدار 1ملعقة كبيرة زيت )
4- نحط القرصات في مناديل و نغطيهم حوالي 5-10د حتى يرتاحو ومايتعبوناش في التقراص
5- نقرص القرصات رقاق ( باش ما يجيش فيهم اللباب ) ونغطيهم و نخليهم يخمرو ( أنا خليتهم 40د لأن المطبخ بااااارد )
https://www.up.djelfa.info/uploads/136222840812771.jpg

6- كي يخمرو مليح طيبيهم في طاجين تكوني سخنتيه مليح من قبل ( حواي 20 د )
7- أنا شفت أخت دارت موضوع عنوانو مطلوع البيترا و شفت قبيل موضوع الوهرانية نتاع المطلوع ، قالت أنها تغطي الطاجين بصينية لما ترمي فيه القرص و القرصات ينتفخو أكثر لان الحرارة تكون محيطة بالقرصة من كل ناحية ، لذلك قلت نجرب ، وصحيح ، المطلوع انتفخ روعة ، شوفو هنا رميت القرصة الأولى :
https://www.up.djelfa.info/uploads/136222840823033.jpg
وهنا غطيت الطاجين بصينية أكبر منو :
https://www.up.djelfa.info/uploads/136222840818472.jpg

شوفو كي طاب راهو خفيف والله العظيم مثقب أكثر مما يبان في الصورة ، ماقدرتش نبينهالكم في الصورة لان المطبخ عندي ضاوي بزاف :
https://www.up.djelfa.info/uploads/136222892316361.jpg
https://www.up.djelfa.info/uploads/136239230914361.jpg
https://www.up.djelfa.info/uploads/136263950836131.jpg
ياخي بكري كانو يقولو الحرة اللي مطلوعها من الخفة بزاف يطبق على 2 ، شوفو طبقتها غير بإصبع واحد https://3andlib.xplainer.net/images/smilies/biggrin.gif :
https://www.up.djelfa.info/uploads/136222892321842.png

وكي مابانوش الثقوب مليح ، حليت قطعة على زوج باش تشوفوه من داخل كيفاه خفيف و مثقب ، شوفو :
https://www.up.djelfa.info/uploads/136222892351073.jpg

وهذه قطعة أخرى ، شوفو ما فيهاش اللباب خلاص :
https://www.up.djelfa.info/uploads/136223036753361.jpg

ممكن اللي يحب يدهن القرصة كي الطيب بشوية زبدة و لكن صدقوني هشوشة وطرية جدا ما تحتاج والو https://3andlib.xplainer.net/images/smilies/19.gif

* ملاحظة : أنا درت بحث هذي مدة على المطلوع باش نلقى أحسن وصفة ، يعني ما رانيش نحاول سرقة افكار الغير وننسبها لنفسي و لكن كل ما نشوف أخت عندها إضافة أو طريقة نتاع طياب جديدة كيما طريقة الكيس المبلل او طريقة الصينية اللي فوق الطاجين نجرب و لكن المقادير هاذو أنا ما هزيتهم من حتى وصفة وإنما نتيجة نتاع تجارب كثيرة ، كل مرة ندير المطلوع نبدل في المقادير حتى لقيت الوصفة المثالية .

أتمنى جربوها و تعجبكم ، تحياتي https://3andlib.xplainer.net/images/smilies/mh31.gif


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

https://photos.azyya.com/store/up1/0806212204228KI5.gif

__________________________________________________ __________

>>>> الرد الثاني :

مشكورة يالفحلة جوعتينا

__________________________________________________ __________

>>>> الرد الثالث :

راح ننتحر كتبت وتفلسفت وعلى الاخير راح كلش


نشكرك ونحيك على تجاربك الناجحة راكي مبدعة وفنانة

__________________________________________________ __________

>>>> الرد الرابع :

بارك الله فيك

__________________________________________________ __________

>>>> الرد الخامس :

بارك الله فيك