نصيحة لكم اتمنى قبولها المطبخ الجزائري

عنوان الموضوع : نصيحة لكم اتمنى قبولها المطبخ الجزائري
مقدم من طرف منتديات العندليب

السلام عليكم
ماكلتنا اليوم ولا فيها بزاف ليدام وكل واحد واش يستعمل كاين الزيت العادي وكاين الزبدة او السمن لذلك ننصح استبدال هاد الايدام لي يضر بالصحة كي نكثرو منو واستبداله بزيت الزيتون كاين لي يقلك يغير الطعم لكن صدقوني عن تجربة لوكان تشرو زيت الزيتون من النوعية الجيدة اقصد العصرة الاولى premier choix توالفوه ويولي جزء اساسي من المطبخ وتتخلصو من الدهو المضرة حتى الزبدة تعتبر مفيدة لذلك اكتفوا بها للحلويات ربي يهدينا لما فيه الخير والسلام عليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا على النصيحة المفيدة انا شخصيا نحب طعم زيت الزيتون في الطياب كما لايخفى علينا انا زيت الزيتون لا يسبب الكلسترول وفوائده لا تحصى ولا تعد

__________________________________________________ __________

>>>> الرد الثاني :

صحيح اختي له نكهة مميزة يضفيها على الاطباق لا سيما فوائده الجمة حنا سكان البحر الابيض المتوسط زيت الزيتون لا بد ان يكون اساسي في مطابخنا
شكرا على المرور عزيزتي نورتيني

__________________________________________________ __________

>>>> الرد الثالث :

والله عندك الحق حنونة زيت الزيتون صحية ومافي احسن منها لكن يالحبيبة راهي غالية و توصل حتى ل80نالف لرتلة شكون لي يقدر يستعملها يوميا لطبخ ويستبدلها بالزيت العادية

وانا نفضل الزيت العادية احسن من الزبدة والسمن لانها اقل ضرر منهما

__________________________________________________ __________

>>>> الرد الرابع :

والله اختي كلامك في محلو وانا شخصيا نحاول بقدر الامكان ننقص من الزيوت والدهون والسكريات في نظام اسرتي الغذائي
بالصح زيت الزيتون راهو اللتر ب 120 الف اشكون اللي يقدر يستعملو يوميا صدقيني راهو عندي لتر مخبياتو للسعال والا نديرو في السلاطة نص نص مع الزيت العادي

__________________________________________________ __________

>>>> الرد الخامس :

اختي رضاك ربي واقيلا التقت افكارنا في نفس اللحظة هههههههههههههههههه