قاطو خفيف بالشكلاطة للعصير من مطبخي
عنوان الموضوع : قاطو خفيف بالشكلاطة للعصير من مطبخي
مقدم من طرف منتديات العندليب
هذا القاطو مجربتوا دايما في المناسبات والله ماتندمو يصلح مع العصير وصفة سهلة اقتصادية وبنينة جربو وادعولي سامحوني على الإطالة وأسفة ما عنديش الصورة
المقادير
500 غ زبدة أو مارغرين
9 بيضات.سكربعلبة المارغرين لكن ممعمراش تقريبا فوق النص
2 خميرة نوارة
لفاني كيس
فرينة كيلة ونصف بمقدار علبة الزبدة.شكلاطة.نواد كوكو للتزيين
التحضير
نفصل البياض عن الصفار .في اناء كبير نضرب بياض البيض حتى يصبح كاثلج ونتركه جانبا
ناتي للإناء لي فيه الصفار نضيفلوا السكر +لفاني ونخلط جيد نضيف الزبدة ونخلط حتى يندمج الخليط جيدا نضيف الفرينة تدريجيا + الخميرة نخلي شويا فرينة احتياطي ونضع بياض البيض المخفوق ونحرك بملعقة خشبية برفق حتى نتحصل على جرينة تكون مثل المادلان لكن ناشفة عليها شويا نقسم العجين على 2 ونضع كل وحدة في بلاطوا مدهون بالزبدة ونحطها تطيب وتطلع من بعد نقسمها مستطيلات حجم 4 سم عل 2سم نذوب الشكلاطة مع شويا زبدة وماء الزهر باه تكون جارية شويا ننقع المستطيل في الشكلاطة ثم نمرغها في نواد كوكو حتى تشيح.صدقوني طعمها يهبل وخفيفة
ملاحضة هذا الكمية تعملك تقريا 180 حبة يعني للمناسبات وممكن تعمل نصف الكمية في العيد مثل أنا أستعمل 250غ زبدة وكأس سكر و5 بيضات.جربوا بنصف الكمية أولا .
أرجوا أن تنال اعجابكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
merci hanouna rah nsayé njarbo
__________________________________________________ __________
>>>> الرد الثاني :
شكرا على الرد السريع تمنيت تكون عندي صورة الله غالب
__________________________________________________ __________
>>>> الرد الثالث :
يعطيك الصحة حنونة
__________________________________________________ __________
>>>> الرد الرابع :
مشكورة اختي على الوصفة بارك الله فيك
__________________________________________________ __________
>>>> الرد الخامس :
بارك الله فيك اختي
