محتاجة ليكم ساعدوني قاطو جديد
عنوان الموضوع : محتاجة ليكم ساعدوني قاطو جديد
مقدم من طرف منتديات العندليب
السلام عليكم جميعا أتمنى انكم بخير
الله يخليكم اني محتاجة ليكم ياسر في وصفة
ناجحة للمقروض اللي يطيب في الفرن يكون
يتبسس و يذوب في الفم جربت كل الوصفات
اللي لقيتها و ما نجحتليش الله يخليكم اللي
عندها الوصفة تعطيهالي بسرعة خاطرعرس
خالي قريب.
أنا في انتظاركم حبيباتي و شكرا مسبقا.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ابحثي في المنتدى يوجد عدة وصفات مجربة للأخوات
__________________________________________________ __________
>>>> الرد الثاني :
3 كيلات دقيق وكيلة ونص بسوس ويجيك روعة
__________________________________________________ __________
>>>> الرد الثالث :
salam ana ndirou ydji ydhoub bessah mandirech a3bar yaeni aynek hia mizane bessah nhawel naetik recette
3mesures tae smid
1mesure et demi hatal 2tae smen
chwiya sokor
sel
w bessih mlih hata yedkhol fih el smen w khalih ybat lila kamla
w sbah dirilou el ma zhar wel ma
inchalh yekhrodjlak mlih seyih w rodili el khebar
__________________________________________________ __________
>>>> الرد الرابع :
3 كيالت دقيق ب1 كيلة فرينة
قرص ملح
قرصة خمرة قاطو
كيلة سمن المدينة
كاس زيت
بليه بالزهر ولا غيره
خليه يبات في الفريزر
ليلة كاملة
للغد اعمليه مقروطات ونقشيه نقشة الريشة
يجيك مش مبسسسس يذوب في الفم
وهذا عن تجربة
__________________________________________________ __________
>>>> الرد الخامس :
خيري سميد من النوع الرفيع وسمن مليح خلطيهم مليح بين الكفين وديري كرة صغيرة ارميها في القصعة اذا تفتت زيدي حكي واذا بقيت على شكل كرة راهي واجدة ضفيلها الملح و قليل من الماء وخليها ليلة كاملة في الصباح شوفيها و زيدي الماء و المبدء الاساسي
ما تعجنيهاش
