يالبنات راني ختكم عاونوني راني في ورطة طريقة جزائرية
عنوان الموضوع : يالبنات راني ختكم عاونوني راني في ورطة طريقة جزائرية
مقدم من طرف منتديات العندليب
صباح الخير .واش راكم وربي يعاونكم على بالي بلي راكم مع القاطو وتوجاد العيد.انا اليوم من السحور قررت نعمل قاطو نتاع قرن الغزال شفتو مكتوب في المنتدى درت الحبات لولين وجربت وكي طابو لقيت العقدة نتاع الكوكاو يابسة خلاص .درتلها السكر ولميتها بالبيض.كيما قالولو عليه .المصيبة وين راجلي من جاء يجيب لحوايج نتاع القاطو غير بالسيف قالي كلشي غالي ومصروف رمضان وكسوة عيد لولاد رشاتني .وكان يجي ويلقا القاطو يابس والله تخلى عليا.تعيشو يالبنات دبرو عليا واش ندير للعقدة باه تلين وتطرى.وكاشما واحدة عندها دبارة غير تمدهالي الله يخليكم ان شاءالله وصح عيدكم سلام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
ربي يعاونك اختي
ممكن تزيدي البيض للحشوة تولي طرية لكن كي تعمريها في العجينة متكثريش لأنها تتنفخ بسبب البيض
هذا الحل لي نديرو وكان جيت في بلاصتك
وبالاك ضرك يدخلو العضوات ويساعدوك بحلول أحسن
ان شاء الله تلقاي الحل وتحمري وجهك قدام زوجك
سلام.
__________________________________________________ __________
>>>> الرد الثاني :
أختي ننصحك أضيفي لها ماء الزهر حنا البارح كانت عندنا عقدة بالبيض بقات من لي سيقار يبست زدنا لها ماء الزهر أصبحت طرية واستعملناها عقدة في التشاراك ربي يعينك
__________________________________________________ __________
>>>> الرد الثالث :
الله يخليكم حنوناناتي والله فدتوني دك نجرب ونشوف
__________________________________________________ __________
>>>> الرد الرابع :
اكتبى لنا مقادير العقدة
اذا السكر كثير ضفيلها الكوكاو مرحى اذا عندك زيادة حتى تنقصى كمية السكر فى العقدة
__________________________________________________ __________
>>>> الرد الخامس :
لالا العقة درتها نورمال 2كيلات كوكاو بكيلة سكر ونعجن بالبيض
