-
عجينة اللوز قاطو جزائري
عنوان الموضوع : عجينة اللوز قاطو جزائري
مقدم من طرف منتديات العندليب
السلام عليكم
حبيت توريولي كيفاش نخدم عجينة اللوز اللي تتباع شريتها تذوبلي مام درت النشا ولا السكر غلاصي اللي موالفة تخدم بيها تعطيني اسم لامارك تاعها ربي يهنيكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عجينة اللوز ساهلة بزاف تديري نفس الكمية نتاع الوز مرحي مليح يولي غبرة مع نفس الكمية نتاع السكر الناعم و المنخول تديريهوم فالروبو أو طاولة عمل تخلطيهم حتى يتداخل اللوز مع السكر تديري أي لون تحبيه و ـضيفي 1 بياض بيض حتي تتماسك العجينة ملاحظة في الأول إدا كانت عندك كمية كبيرة نتاع اللوز ديري 2 بياض بيض لكن إدا كانت الكمية قليلة تديري 1 بياض بيضة لكي لاتكون العجينة تدوب و هاد الطريقة مجربة وماتخافيش
__________________________________________________ __________
>>>> الرد الثاني :
حبيتي تكولي باكورة هي عجينة اللوز اصطناعية اذا هي
انا موالفة نديرها في الثلاجة بعد متخدميها باليد مع اضافة النشا وتكون يدك ديمة في النشا باش متلصقش
ان شاء الله نكون افدتك
__________________________________________________ __________
>>>> الرد الثالث :
merciiiiiiiiiiiiiiiiiiiiiiiiiiiiiiiiiiiiiiiiiiiiii iii boon chonse
__________________________________________________ __________
>>>> الرد الرابع :
عجينة اللوز من المستحسن تخدميها في المنزل و عندها عدة طرق
انا مجربة وحدة جد سهلة و ناجحة مئة بالمئة
مقدار لوز مقشر و مجفف في الفرن دون ما ياخد لون و مرحي بودر نضيفولو نصف مقدار سكر ارطب الافضل سكر المرجان مع فاني و ملونات غدائية حسب الدوق و نلمو بالقطر لي هو 250غ سكر و نصف لتر ماء على نار حتى يبدا يتقال غير شوية و نضيفوه لللوز و السكر
بحيث تتكون لنا عجينة يمكن تشكيلها
و ادا اردتي العجينة الجاهزة لك دلك لكن استعملي معها القليل من اللوز المرحي بودر باه تعطيها طعم لانها مخدومة غير بالسكر و ابقاي غير تعجني فيها بالنشاء و شكليها بسرعة باه ما تدوبلكش و ادا كنت رح تشكلاها بالطوابع لازم يبرشو مليح بالنشاء و كدلك يديك و طاولة العمل
موفقة عزيزتي
__________________________________________________ __________
>>>> الرد الخامس :
