خليةالنحل من مطبخي حلويات جديدة

عنوان الموضوع : خليةالنحل من مطبخي حلويات جديدة
مقدم من طرف منتديات العندليب

السلام عليكم واش راكم توحشتكم وتوحشت المشاركة
ف المنتديات بصح الله غالب مشغولة

اكيد راكم سمعتو بهاد الحلوة ولا شفتوها ف المنتديات
انا فضولا قلت والله نجربها ومن اول مرة الله يبارك جاتني تحفة
تاكلي صبعتيك ويديك كامل موراها
اكيد هاد الحلوة تعجب عشاق البريوش و العجاجن كيما انا https://3andlib.xplainer.net/images/smilies/1.gif
راني وليت اسكتو برك نسمن ونزيد
ليت الرشاقة تعود يوما فاخبرها مافعلته السمنة بيا ههههه
افففففففففففففففف شحال تهدري ايا خلاص

الحلوة هادي راكم تلقاوها بزاف وصفات للعجينة وغالبا يديروها بعجينة 10 دقائق
بصح انا عجينة 10 دقائق نحب نديرها ف المملحات
اما حاجة حلوة فنختار عجينة من عجينات البريوش لحلوة و كاين بزاف الوصفات
المهم تاخدي اي عجينة موالفة تخدمي بيها تكون تخمر
خليها تخمر مليح يتضاعف حجمها بزاف
اموبعد كسريها
وديريها كويرات صغار
https://sub5.rofof.com/img3/04htzum30.jpg

اافتحي كل وحدة واحشيها بالشيكولة اي نوع تختاري انا كانت عندي نوتيلا وجربتها مرة بالمعجونة جات تاني بنبنة
ستفيها في سنيوة بهاد الطريقة وخلي بيناتها شوية فراغ لانها تخمر ويزيد حجمها
ادهنيها بصفار البيض ورشي عليها الجلجلان السمسم

https://sub5.rofof.com/img3/04ixopb30.jpg

خليها شوية ربع ساعة تقريبا ودخليها ف الفرن
ربع ساعة لولة تكون النار متوسطة باش تخمر مليح وتطيب يعني لعجينة تنشف مليح كي تشوفي طلعت مليح زيدي النار باش تحمار كي تخرج مباشرة اسقيها بشوية سيرو تقيل ماشي تغرقيها لالا شوية باش يجي لونها شباب
شوفيها راهي تتشوط ف الفرن مسكينة

https://sub5.rofof.com/img3/04prlyh30.jpg

دوكة سيداتي وسادتي راح تخرج لعروسة مالفرن
خخخخخخخخخخ كنت في قسم لعرايس مازالي متاثرة هههه

يويو يويو يويو

يويو يويو

لولاوي معايااااااا

ههههههههههههههه راهي حشمانة ماقدرتش تخرج
هههههههههههههه

https://sub5.rofof.com/img3/04fszrj30.jpg

وهادي باش تريg وو ملييييح

https://sub5.rofof.com/img3/04pwloy30.jpg

جربوها وادعولي ربي يحفظ هاد المتتبعة الجديدة لمنتديات الجلفة ههه حنونتي الصغيرة
https://sub5.rofof.com/img3/04kszgb30.jpg

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة تشهي و ربي يخليلك هاذ الوردة و يفرحك بيها

__________________________________________________ __________

>>>> الرد الثاني :

روعة الله يبارك اختي اعطيني العجينة

__________________________________________________ __________

>>>> الرد الثالث :

بدون مجاملة اختي الغالية والطيبة ومن خلال حديثك ظهر ذلك
رائعةةةةةة وطريقة تقديمك اكثر روعة وجمالا وجذبا
بارك الله فيك وجعل المتتبعة الجديدة ذخرا لك

__________________________________________________ __________

>>>> الرد الرابع :

السلام عليكم وصفة رائعة و انت اروع بحديثك الجميل شكرا جزيلا

__________________________________________________ __________

>>>> الرد الخامس :

halwa aasle kima molatha rabi yahfed hadik el popona merciiiiiiiiiiiiiiiiiiiiiiiiiiiiii