وينتس يابنيتي ماعاد اشوفتس اختفيتي !! للسياحة

عنوان الموضوع : وينتس يابنيتي ماعاد اشوفتس اختفيتي !! للسياحة
مقدم من طرف منتديات العندليب

وينتس يابنيتي ماعاد اشوفتس اختفيتي !!



هذا امي اول مادخلنا المطعم تحسب اللمبات خربانه وانا اقول لها ياميمتي هو تسذا وش بلاتس قالت يلعبون عليكم مايبون يصرفون كهرب وقالوا يالله نقول ذي حركه مسوينها خل عنتس بس والله انه ملعوبن عليكم واخوتس هالخبل مغير يدفع ويمشي يازين بويتي بس انواره زينه الا لمبات الحوش مكسره من عيال الجيران جعل امر الله يرقع بهم .. وبتلت امي تسب فينا واخوي اللي جابنا في ذا اللي مطفيه انواره على قولته اميمتي لين وصلنا للقعده وجازت لها اشوى ان قعدتهم ارضيه والا كان ذبتني انا واخواني في ذا النوافير اللي ترش ..
هذي مقدمه --> تسمع بالمقدمات هي وخشتها .. https://3andlib.xplainer.net/images/...n23[1].gif
السلام عليكم .. شلونكم عساكم طيبين --> بدري فمان الله .. https://3andlib.xplainer.net/images/...umb[1].gif
تخبرون ياطويلين العمر اللي مايروح ولا يجي الا بطلعه الروح يوثق كلش بالصور وهذي حالتنا انا واختي كنا ماشفنا خير لو الحمامات نصورها ونقول شوفوا هالحمام اللي كنه مجلس حريم ..
مالكم بالطويله خلنا بالقصيره ونخش بالصور على طول قبل يطفى الاتصال ويروح موضوعي بح .. https://3andlib.xplainer.net/images/...6-vzp7onvp.gif

https://up.graaam.com/uploads/images...685815e902.jpg

طبعا ذا المطعم يصلح لرجال وحرمته مايبي له قشه بزارين وجيش حريم وثلاث رجاجيل متوهقين فينا ودهم يخلونا فيه ويهجون بس رحموا حق الاستقبال الضعيف ..

https://up.graaam.com/uploads/images...e91e217224.jpg

ياحلاه من جا مسرع وذبتس وخلى ذا الكهرب يرقلتس رقل --> هذا اخوي يناظرني ويقول بنفسه هالحتسي .. https://3andlib.xplainer.net/images/smilies/blink.gif

https://up.graaam.com/uploads/images...968ee82740.jpg

توصيل طلبات رجليه ..
ياعزتي له ابو هنود ياانه مكروف كرف وتلقون راتبه طفسه .. https://3andlib.xplainer.net/images/...n23[1].gif

https://up.graaam.com/uploads/images...6a4998b801.jpg

https://up.graaam.com/uploads/images...e6fb4cebe3.jpg

ولا باريس .. https://3andlib.xplainer.net/images/smilies/icon24.gif

https://up.graaam.com/uploads/images...c28e9bbb95.jpg

اخواني الضعوف مالقوا يلعبون الا الهوكي وانا مغير اصورهم ويلقطون التسممره مني ويمسحون الصور ..
من زين هالخشش عاد عشان احطكم بتسمرتي
--> طالعين عليتس ياشينه الحلايا .. https://3andlib.xplainer.net/images/...n23[1].gif
https://up.graaam.com/uploads/images...b90e407db7.jpg

فاز التسلب ننبر تو .. https://3andlib.xplainer.net/images/...6-yds6b3uo.gif
https://up.graaam.com/uploads/images...11c71dab34.jpg

طلعت وقعدت اشوف هالمصاريه واقول بنفسي ايييييييه ماحصلها الا ذا الاجانب في كل رقعه تلقينهم مالت علينا بس مصكوكن علينا بذا البيت مانشوف الدنيا والناس والسعه الصدر لو اروح البرحه عادي اهم شي نغير جو .. --> مسيكينه ..
تعبت ورحت ادخل لعشتنا ..
ومغير تشك تشك وامي تقول الله لايبارتس في ذا اللي شرى لتس التسمره .. https://3andlib.xplainer.net/images/...n23[1].gif

https://up.graaam.com/uploads/images...00e00a7938.jpg

مايمديكم ابد ع اللوحه بغيت اقشعها واحطها في صالتنا ..

https://up.graaam.com/uploads/images...f2cd224a02.jpg
وجار وتلفزيون يسمعون بالتمدن ..
مير هالتلفزيون محد يمه مدري وشوله اخوي مستاجر وحده فيها تلفزيون لا به مباره ولا شي بس خساير ..

https://up.graaam.com/uploads/images...0cac7c7727.jpg

حتى السقف ماخليته في حاله اهم شي المكيف الصحراوي اللي ينفخ في دميجتس لين يصكتس راستس ..
https://up.graaam.com/uploads/images...69c903d174.jpg

ذي ورقه الطلبات وش تبون بس طبو وتخيرو لو الذبايح عندهم --> بلا فقش ..
اهم شي الزولية يوم شافتها امي قالت قومي اسئليهم قولي منين شاريها عشان اشتري وحدتن مثلها واحطها بالملحق بدال هالانجيله كنها ساحه مدرسة اهلية .. https://3andlib.xplainer.net/images/...n23[1].gif
امي قالت مابي الا رزيزه وانا قلت ابي اي شي لو خبزه بجبنه راضيه فيها --> ميب مصدقه انها طالعه ..
وصل العشاء .. طبعا اخواني الدلوخ عيو ياكلون معنا بما اني قالطه لانهم يقولون مانقدر ناكل ونقابل وجهتس اللي يجيب الغثيان .. ساد توفرون متسان ..

https://up.graaam.com/uploads/images...6fc2a9d0ce.jpg
باين من تعفيطه السماط ان الهجوم عنيف للغايه ..

https://up.graaam.com/uploads/images...a968d7a640.jpg

سمك معفط ..
https://up.graaam.com/uploads/images...e8da102509.jpg
عصير بالتفاح يغت ع التسبد حاار تسنه مطبوخ على نار هاديه ..

https://up.graaam.com/uploads/images...acdfe03af9.jpg
الشفاحه لاعبتن بنا لعب ..
هذا لون اللي مايعرف شي اسمه شوكه حده ياكل بيده ويخب ..
https://up.graaam.com/uploads/images...dfd5fb06d5.jpg
https://3andlib.xplainer.net/images/...6-dbttwedi.gif

https://up.graaam.com/uploads/images...0f3f6130dd.jpg


هالمكرونه تجيب العافية ..
بس لو ذا المكيف الصحراوي ماينفخ فيها لين غدت قوالب ثلج ..

https://up.graaam.com/uploads/images...36090ac0a6.jpg
رزيزه اميمتي ..
جعل عمرها طويل .. https://3andlib.xplainer.net/images/smilies/icon24.gif
ماخليتها تاكل الا لين اصور شوفوا بقايا الرز ع الملعقه ..
--> جتها كم صمخه ولا تتوب ..

https://up.graaam.com/uploads/images...a5c31fb896.jpg
صدز لاقالوا الحريم يحوقون السفره حوق رحت شفت سفره الرجاجيل مرتبه كنهم ماكلوا شي .. لاتقولون عشان البزران ذا التبن اللي قاعد على جنب توه يجي ياكل ..
https://up.graaam.com/uploads/images...e9f9d5888c.jpg

ههههههههههههههههههههههههههههههههههه رحمت الورق عنب وقسم .. لو انه ادمي شق جيبه وهج ..

https://up.graaam.com/uploads/images...1dd1b1ccc2.jpg

https://3andlib.xplainer.net/images/...n23[1].gif

https://up.graaam.com/uploads/images...6b47bbca26.jpg



فيهم عرق ذا الحواطى اجل بنضف السفره اقولهم لاتضفون ويقولون لا فشيله يدخلون ابو شكيب وربعه وحنا بحوستنا .. بكيفكم التعب عليكم موب علي ياشين اللي مسوين لي فيها سنعات وهم مايدلون درب السناعه --> لاياشيخه ..
يالله نتغر بصوت واحد بووووع.. --> لازم يعني تحومين تسبودهم ماتصبرين ..

https://up.graaam.com/uploads/images...1b267c721b.jpg
ياحلاه من غطس رجيلاته بذا البرتسه ..


https://up.graaam.com/uploads/images...bf8aadb8bd.jpg

يالله عاد بضف وجهي اشوفكم على خير بتقرير ثاني ان شاء الله لين حجيت على قروني .. --> معترفه انتس بقره ..
حيآ الله من زآر وخفف .. https://3andlib.xplainer.net/images/smilies/heart-2.gif

فمآن الله .. https://3andlib.xplainer.net/images/...6-dbttwedi.gif

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حبيبه قلبى حاسه موضوعك دمه خفيف بس تانى هنا اصعب كتير من العمه الشريرة ههههههههههههه
وعدتينى هناك تترجميلى
خدى عندك واوعى تزهقى منى حابه افهمك
البرتسه
تسبودهم
سنعات
يحوقون
الحواطى
صمخه
الشفاحة
معفط
الزوليه
الانجيلة
اقشعها
البرحه
التسمرة
فاز التسلب ننبر تو ..
هالخشش
مكروف
طفسه
هالحتسي




اوعى تطنشينى
__________________________________________________ __________

>>>> الرد الثاني :

المشاركة الأصلية كتبت بواسطة FLASHINGMIDO https://3andlib.xplainer.net/sedty/buttons/viewpost.gif حبيبه قلبى حاسه موضوعك دمه خفيف بس تانى هنا اصعب كتير من العمه الشريرة ههههههههههههه وعدتينى هناك تترجميلى خدى عندك واوعى تزهقى منى حابه افهمك البرتسه تسبودهم سنعات يحوقون الحواطى صمخه الشفاحة معفط الزوليه الانجيلة اقشعها البرحه التسمرة فاز التسلب ننبر تو .. هالخشش مكروف طفسه هالحتسي اوعى تطنشينى

ههههههههههههههههههاي
يابعد قلبي انتي
ولايهمس ابشرحها لس كولها ولايهمس
حاولت ادلعس بس اسمس عنقليزي ماعرفت اقراه وانا اختس https://3andlib.xplainer.net/images/.../ANSmile19.gif

نبدأ نترجم..

البرتسه>> البركة حقت الموية النافورة يعني https://3andlib.xplainer.net/images/...umb&#91;1].gif
تسبودهم>> يعني الكبد بس صيغة جمع https://3andlib.xplainer.net/images/...n23&#91;1].gif
سنعات>> يعني شاطرات https://3andlib.xplainer.net/images/...ooh&#91;1].gif
يحوقون>> يعني ياخذون او ياكلون كل شي https://3andlib.xplainer.net/images/...n23&#91;1].gif
الحواطى>> يعني البدو https://3andlib.xplainer.net/images/...8-9ndhrgbt.gif
صمخه>> غبيه ماتسمع
الشفاحة>> يعني مشفوح بالله هذي كيف اترجمها امممم يعني نفسه واسعة للاكل https://3andlib.xplainer.net/images/...n23&#91;1].gif
معفط>> يعني مومرتب https://3andlib.xplainer.net/images/...n23&#91;1].gif
الزوليه>> السجادة
الانجيلة>> السجادة اللي من بلاستيك
اقشعها>> اشيلها من مكانها https://3andlib.xplainer.net/images/...umb&#91;1].gif
البرحه>>الارض الفضاء https://3andlib.xplainer.net/images/...n23&#91;1].gif
التسمرة>> الكاميرا https://3andlib.xplainer.net/images/...n23&#91;1].gif
فاز التسلب ننبر تو .. >> فاز الكلب نمبر 2 اثنين
هالخشش>> هالاشكال https://3andlib.xplainer.net/images/...n23&#91;1].gif
مكروف>> يعني مشغلينه وبالع العافية من التعب https://3andlib.xplainer.net/images/...n23&#91;1].gif
طفسه>> يعني قليل مررررة https://3andlib.xplainer.net/images/...n23&#91;1].gif
هالحتسي>> هالكلام https://3andlib.xplainer.net/images/...umb&#91;1].gif


__________________________________________________ __________

>>>> الرد الثالث :

ههههههههههههههههههههههههههههه
يا قلبى عليكى يا سعوديه
اموت فيكم وحياة ربنا وادور على مقاطعكم على اليوتيب
خفه دم تجنن ربى يحفظك انتى وعيلتك وارضك
تخبوا ورا العبايات السودا قلوب انقى من لبن الحليب
تعبتك كتيييييييير ف الترجمه
بس معظم اللى مفهمتوش من كلامك عشان الكاف تقوليها تس
بالهنا والشفا على قلوبكم
ربنا يسعدكم ويبارك فيكم
على فكرة يا قلبى طظ ف الانجليزى
اسمى امانى مصريه
__________________________________________________ __________

>>>> الرد الرابع :

هههههههههههههههههههههههههههههههههاي
الله يسعدك
__________________________________________________ __________

>>>> الرد الخامس :

تقريرك حلوووو ومهضوووم

يعطيس العافية حبيبتي على هل الموضوع الخفيف..وعلى الترجمة الحلوة

اانا بحب يلي بيحكوا بالـــ تس بيطلع الحكي خفيف وغريب يعني شي تاني

بانتظار تقاريرك القادمة ياقمر