اعطوني رايكم....والله ماقدرت ثانية ثانوي
عنوان الموضوع : اعطوني رايكم....والله ماقدرت ثانية ثانوي
مقدم من طرف منتديات العندليب
بسم الله الرحمن الرحيم
السلام عليكم
في بداية الامر انا طالبة سنة ثانية شعبة علوم تجريبية
صراحة اعاني من مشكل نعم مشكل والله العظيم انه مشكل سيدمرني
صرت عندما ادخل ذلك الفسم وانا اعد في الثواني والدقائق والساعات اقسم لكم بالله اشعر وكاني في سجن
لم اتحمل ذلك القسم تافه معنى لاتفاهة لا اعرف اي احد هناك الاساتذة الحمد لله نص نص
لكن اعاني مشكلة مع التاقلم
حتى التلاميذ الي كانو يقرو معايا العام الفايت وراهم معايا هدا العام معظمهم ذكور حتى هم فاجئوني
اقسم بربي زميل لي بسبب القسم قالي سانتقل تسيير واقتصاد من علوم الى تسير...؟
والاخر اقسم انه سينتقل لثناوية جديدة وضعت الامل وقلت مزال هناك اثنان نصبرو ارواحنا كيف كيف ومع العلم جميع ذكور
حتى تفاجئت انا الاول انتقل الى القسم الذي كنت اريده والاخر قام ابوه بتحويله لثانوية جديدة دون درايته وحطه قدام امر الواقع
صدقوني كرهت كرهت كرهت
اشتكيت لابي لكن دون جدى
سااحاول ان اتكلم مع ه مرة اخرى او اذهب لعمي ليقوم بدور الاب الذي رفضه ابي
او اذهب عند المدير لا اعلم ماذا افعل
مع الاول تحمست للدراسة دخلت بحماس مبالغ فيه لكن الواقع الذي وجدت نفسي فيه كسر كل حماسي
ادعولي ادعولي واعطوني رايكم
مع العلم الاساتذة في القسمين الذي اود الانتقال ليه من اجل صديقاتي والذي ادرس فيه حاليا يجمع اساتذة الحمد لله متواضعين
.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
mte9al9iche rouhek 5eti
inchalah tefeweti hadi il azema
ou mateneesayche raki mourahi9a
ou ida habiti tetehaweli etehawli
=========
>>>> الرد الثاني :
حكيتلنا حياتك موضوع طويل المر الجاية اكتب المفيد رانى عيان
=========
>>>> الرد الثالث :
// واش بيك النهار الاول وعيان.........؟
=========
>>>> الرد الرابع :
// ربي يحفظ ختى مي والله ما حاجة تاع مراهقة ولا......
=========
>>>> الرد الخامس :
لا ختي عليك بالصبر عام و يفوت لازم تستحملي
حنا كامل كارهين لكن ماعندنا حتا حل
و ماتربطيش نفسك بلاخرين اذا بدلو تبدلي
او صديقاتك مش لازم لازم تكوني في نفس القسم معاهم
كون بغاوك كيما بغيتيهم ام بدلوا
كل واحد يخم في مصلحتو
نتي ثاني خمي في مصلحتك
=========
والله عندها الحق الاخت نهال
بارك الله فيكم
تسلمي اختي نهولة
شكرا على المرورrime el jijlia
وش قررتي؟
اني نبقالك لصقة حتا نعرف قرارك
و أنتيآآ تدخلي للقسم بآه تآبعي الأستآآذ و لآ تآبعي التلآآميذ هههه
اليآمآت لولين صعآآب طبعآآ .. أومبعد تولي تعرفيهم و يولو يعرفوك
..
أنآ علآقتي مع زملآئي في القسم كآنت دومآ علآقة دراسة + منآفسة ودية + أخوة و فرفشة و فقط ... لأني كل مآ تقربت لشخص أجد أنه يبحث عن المصلحة فقط إلآآ القليل
مآ تكسريش رآسك معآآهم ..
ايه زيدي سيي مع عمك اذا رفض روحي وحدك للمودير ولا شوفي كاش وحده حبت تبدل بدلي معاها
و اذا تحتمت عليك
اصبري او خليك كونسونتري غير مع قرايتك
لالالا علاه تروح للمدير
كيما قالت اكرام
اول حاجا تشوف للاساتذة ملاح او لا فقط
هاذا اهم شيء
صحاباتها اي تلقاهم في لاكور اصلا ممكن كي بعدت عليهم احسن ليها باش تركز https://3andlib.xplainer.net/images/smilies/1.gif
ههههههههه ياعمري والله نورمال
شوفي انا عندي عمي استاذ تاع فيزياء تما هدرت معاه وقالي بالاك بالاك بسكو كاين ولد عمي عنده الباك تاني حب يبدل وماقبلوش بسكو تعرفي كيصرات ولاو كي يتنقلو اقسام يولي فيهم اكتظاظ واقسام يولو فارغين الاستاذة مابغاوش هكدا يقولك كيفاه واحد يقري 29 تلميذ واحد يقري 40...........
ادعيلي معاك
المشاركة الأصلية كتبت بواسطة ♥إكْــــــرَامْ♥ https://3andlib.xplainer.net/images/...s/viewpost.gif
و أنتيآآ تدخلي للقسم بآه تآبعي الأستآآذ و لآ تآبعي التلآآميذ هههه
اليآمآت لولين صعآآب طبعآآ .. أومبعد تولي تعرفيهم و يولو يعرفوك
..
أنآ علآقتي مع زملآئي في القسم كآنت دومآ علآقة دراسة + منآفسة ودية + أخوة و فرفشة و فقط ... لأني كل مآ تقربت لشخص أجد أنه يبحث عن المصلحة فقط إلآآ القليل
مآ تكسريش رآسك معآآهم ..
|
صحيتي بارك الله فيك اسعدني مرورك ونضائحك ثمينة علابالي
بصح صح امنني ياو والله عندك الحق في كل كلمة قلتيها مي الله غالب تعودت عليهم تعدوت على لومبيونس تاع لقرايا معاكم وعلابالي بلي كاين فيهم غير تاع مصلحة بسكو نهار قلتهلم راح نتنقل عندكم ماتحمسوش كنت ننتظر منهم حاجة خلاف مي كيشغل عادي كيجتي كي ماجيتي مي هادي هيا دنيا انا لازم نولي بسكو كي نكون معاهم نشارك نورمال مانحسش بالوحدة بلي كي شغل الانظار راهي تشوف فيا وانا علابالي مكان حد مقيمني ولا ديها فيا حتى انا من وحد النهار بديت نحرز في روحي منهم بالبزاف................
تصدقس صراتلك كيمي انا بالضبط بصح اللله غالب ماحبوش يبدلوني الى قسم اخر
