اهم نصائح لنجاح في الباكلوريا
عنوان الموضوع : اهم نصائح لنجاح في الباكلوريا
مقدم من طرف منتديات العندليب
حبيت نرجع في هدا الوقت الأخير من سنة الدراسية
ونمد نصائح ومساعدة ادا قدرت
1- حاجة مهم جدا انساو عتبة الدروس لي متخليكمش تركزوا في القريا وتلها
2- هدرا نتاع الفصل الثالث باك ساهل باك صعيب قالو ندير قالو نحوا بلاكم منها
3- اعرف روحك انوا درك وقت الحسم ادا قريت من بداية السنة تكون مرتاح وادا لا
عندك امل تيجب بالك معدل مليح ماكنش حاجة مستحيل
مراجعة نتاع افريل وماي اهم من اي وقت مضى
4- ادا كان عندك كراس ملخصات راجع منوا مشي شرط تعاود تحل كامل تمارين لي حليتهم
وادا مكانش طريقة
تيجب كتاب مدرسي ومراجع وكراس القسم و كراس دروس خصوصية
وتدي من كل وحدة أهم القوانين وأفكار في الفيزياء وياضيات
وعلوم تلخص وترسم
واجتماعيات تلخص شخصيات الى مهنة عمل خارجي وعمل داخلي 3 أشياء تكفي لنقطة كاملة
في باك تقدر تربطها بكل سهولة ومتضيع الوقت بدون فائدة
تلخص مصطلحات خير كلام ماقل ودل
وانجليزية وفرنسيا وادب تحل سوجيات
مع دخول جوان نقص ساعات دراسة واخرج شم الهواء ادا قريت
واقعد وحدك في الهدوء باش عقلك يريح
ونهار قبل باك 10 جوان دير دوش مليح وارجع غير شويا ادب انجليزية ساعة فقط
وارقد بكري
وربي يوفقكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة على هده النصائح القيمة
=========
>>>> الرد الثاني :
يعطيك الصحة اختي
مرسي
=========
>>>> الرد الثالث :
جزاك الله خيرا.اللهم اجعلنا من الناجحين.أمين يارب العالمينhttps://3andlib.xplainer.net/images/smilies/1.gif
=========
>>>> الرد الرابع :
ان شاء الله تنجحو في باكلوريا
=========
>>>> الرد الخامس :
انشاء الله النجاح للجميع
=========
ان شاء الله
اداكانتوا تحتجوا الى مساعدة راني هنا
قبل امتحانات نتاعنا
ياو نستنا ل10 جوان باش ندير دوش ؟؟
الباك دار فينا حالة
خوبا بارك الله فيك
ربي يوفقنا في هاذ الباك
جزاك الله كل خير
