ارجوكم لمن لدية خبرة هل اعيد البكالوريا؟؟؟؟؟؟؟؟ تحضير بكالوريا
عنوان الموضوع : ارجوكم لمن لدية خبرة هل اعيد البكالوريا؟؟؟؟؟؟؟؟ تحضير بكالوريا
مقدم من طرف منتديات العندليب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
pour moi .. sbor hatta tchouf wach 3tawak takhassos .. balak tjik spécialité chaba on sais jamé
et si ma 3ajbatakch .. 3awad ton bac
^^
=========
>>>> الرد الثاني :
مبروك عليك و الله غير معدل مليح شوفي الاختيارات و ديري لغات خيرلك
=========
>>>> الرد الثالث :
انا ديت 2010و2011 نتي شوفي معدلات القبول اولا لكان معجبوكش عاودي الباك راكي ماتندميش عليه
لكن انصحك اذا عاودتيه لازم ماتقرايش في الجامعة لانك ماتقدريش من هنا ومن هناك
هذه نصيحتي لانني مجربة
وعلى ما يبدو معدلك جسد بالنسبة للآداب ربما تستطيعين الدخول للشعبة لي تحبيها
ارجو ان اكون فد افدتك
=========
>>>> الرد الرابع :
ختي الحاجة لولة ماتزربيش روحك افرحي بنجاح تاعك مزال الوقت ... ثاني حاجة ماتتسرعيش في اي قرار
3 حاجة اذا عطاوك ان شاء الله حاجة لي حابة تقرايها "لغات كيما راكي تحكي" وحابو تكملي فيها و تقدري عليها نوصيت اتكلي على ربي و التاي غير بالجامعة تاعك بويسك او ماشي ساهل باه توفق مابين الباك و الدراسة الجامعية . . . نتي خمي غير في العام تاعك لا زم تجييه باه تزربي تخلصي ان شاء الله و تتهناي.
2 حاجة اذا ماعطاوكش برونش تحبي تقرايها . . . ولا ما تقدريش عليها الور و حبيتي تعاودي الباك
لولة نقولهالك الباك ليبر واعر على الباك النظامي بلاك ماتجيبيش وش راكي تحكي "نقدر نجيب كثر"
الور لازم تزيري روحك بزاف و بالاك تسمحي في العام تاع الجامعة بويسك او صعيب كثر من الباك
...........
الخلاصة الحل الانسب الا عطاوك حاجة تحبي تقرايها اتكلي على ربي و كملي معاها للخر
و ربي يوفق ان شاء الله .... مبوووك عليك ... و افرحي برك ضكا . . .كلش يجي في وقتوا المهم ما تخليش حتان يفوت وقتوا و تقولي كون درت و درت ..... سلام
=========
>>>> الرد الخامس :
ما تكونيش طماعة ... البراكة في القليل ...
=========
نصيحتي لك: لا تعيدي الامتحان
عصفور في اليد خير من عشرة على الشجرة
بالتوفيق ان شاء الله
شكراااااااااااااا لكم
انصحك ان لا تعيدي الباك معدلك هائل واقراي الحاجه الي حابتها
ونقلك باك احرار شويا واعر ماشي كما النضامي هذا حسب تجربتي لانو قادره ماتجيبيش اكثر كيما راكي متوقعه
اتكلي على ربي واقراي مليح في الجامعه وارضاي بالعكس انت حققت نتيجه مليحه بما انك شغبة اداب
والله نفس ما حدث ما اختي ... اصيبت بصدمة ... تحصلت على 15.75 ... مع انه والله العظيم
عملها يفوق هذا المعدل بكثير .... لكن قدر الله ما شاء فعل ... لكن نصيحة لا تعيدي الباك
افرحي الآن و اذا تحصلتي على رغبتك فراصلي الاجتهاد في الجامعة هناك سيظهر مستواك
الحقيقي .... لا تنظري الى الخلف ...الى الامام و بالتوفيق مع النجاح
نفس الحالة اصيبت بها اختي في باك 2006 لكن توجهت الشعبة اللي حباتها اذا اهتمي بالجامعة وفقط لانها حاجة اخرى
لازم نفحة تكسر الحجر
