مهزلة والله مهزلة تحضير بكالوريا
عنوان الموضوع : مهزلة والله مهزلة تحضير بكالوريا
مقدم من طرف منتديات العندليب
السلام عليم اخوتي الحقيقة انا جد متضايقة من الوضع الذي نعيش فيه فاليوم ذهبت مع عائلتي الى الحفلة المقامة على شرفنا نحن متفوقون في شهادة البكالوريا تخيلوا اننا لم نجد مقاعد نجلس عليها بل ظللنا واقفين حتى نهاية الامر والغريب في الامر ان طفل لا يتجاوز عمره 5 سنوات جالس على مقعد
مازلت اروي لكم تعاستي لما اخبرنا المقدم انا المتفوقين بمعدل 17,42 فما فوق سوف يتحصلون على حاسوب محمول ورحلة الى تركيا صدقوني دمعت عينايا لسماعي هذا الخبر لماذا ليس كلنا فما الفرق بين 17,42 و17,23 كلانا تعبنا كلانا سهرنا كلانا عمل مجهودات وانفق الاموال ليحقق هذا النجاح يا للاسف على بلادي لماذا هذا التمييز
انا اسفة اذا اكثرت عليكم بالكلام فليس لي ملجا الا انتم ومنتديات العندليب بصفة عامة اخدت جائزتي وغادرت لانني لم استطع ان ابقى دقيقة واحدة هناك خرجت والدموع على خدي كالوديان فالذي يراني يحسبني لم انجح في البكالوريا لكن الحمد لله على كل شيء جبت حاسوب معي والبراكة ههههههه وبصحتهوم لراحو لتركيا وحنا نوقعدو فالدار والفنا مبروك على الجميع لعقوبة لحوايج خرا انشاء الله وبالتوفيق للمقبلين على بكالوريا 2016
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
علاه رايححين يدوا الشعب كامل
انا حسبت غير الامتياز
=========
>>>> الرد الثاني :
مبروك عليك الباك بمعدل
ممتاز
مبروك عليك توجيهك لتخصص لي حبيتوا
هادي هي لجزاير
الله غالب
من درك بدا سجي رحك لخيبات اخرى من قبل الادارة الجزائرية
متخليش تهميشك ينسيك فرحتك الكبرى
الفرحة تاع الباك بمعدل17.23 حرام تخلي حدث كيما هدا ينزعهالك
=========
>>>> الرد الثالث :
يعني هذا اللي غاضك ههه عاد راكي ديتي الباك ب 17 الله يبارك واللي ما داهش كيفاش
أنا نقولك حاجة كيما تعبتي وسهرتي باش نجحتي وديتي الباك اتعبي وزيدي اقراي باش تتحصلي على مهنة شريفة وتروحي للقمر اذا حبيتي
موفقة
=========
>>>> الرد الرابع :
بصح والله تغيضك تشوف واحد يفوتك بالفاصلة برك يروح للتركيا وانت لالا شكرا على ردودكم حقا نحيتو على قلبي جعله الله في ميزان حسناتكم المهم جبت ميكرو بورتابل والبراكة
=========
>>>> الرد الخامس :
كانو رايحين يديو 18 ومبعد زادو 17,42 فما فوق والباقي حواسيب محمولة اما صحاب 16 مدولهم 5ملايين نقدا هادي حنا في مدينة سطيف وبحظور زعما والي الولاية مي نهار تولي جزاير تعرف دير حفلات لتما نقدرو نقولو بلي رانا طورنا صح
=========
احمدوا ربي انا اديت 16 واعطاولي غير مليون ونص
الحمد ماكانش
هذه هي الجزائر وستري اكثر في الجامعة والويل بعد التخرج منها اذا تركت اشياء صغيرة مثل هذا تهزك فيا تمرض مرض مزمن يا تموت بعيد الشر امالا عيش الحياة كيما جات عطاوك هدية عطاوك معطاوكش شوف للمستقبل متستناش الناس يقولولك بلي خدمت مليح انت تعرف روحك وكم من شخص يمدحوه وهو في الواقع علبة فارغة اقري من اجل العلم
الحمد لله يا جماعة انا ما تغبضنيش نورمال
صح عندك الحق اخي الكريم يجيو يشجعوك يزيدو يهبطولك المورال وكيما قلت اخي الكريم الواحد لازم يقرا من اجل العلم وليس من اجل التكبر وغيرها او الجوائز فالجانزة الكبيرة عند ربي سبحانه
الحمد لله على كل شيء الحمد لله الحمد لله الحمد لله اخت سلسبيل انت قداش المعدل تاعك ومن اي ولاية وماهي شعبتك نورمالمون يا اختي ما يمدولكش مليون و نص حنا صباح صحاب 16 مدولهوم 5 ملايين في ظرف وراهوم عمرو ورقة بلي استلموهوم مع الامضاء وحنا مضينا بلي رانا دينا الحواسيب
agenda rak sur beli sexe masculin psk rajel machekiteche ydir haked
ان ديتو ب 16 من سطيف و عاجبني الحال و عجبني حفل التكريم العيب الوحيد انهم داروه في سال صغيرة و للي يجي من المتفوقين يجيب معاه 77 من ماليه والله غير عيب انا رحت غير انا و ما مسكينة عذبتها كبيرة وما لقاتش وين تقعد لا خطراكش الاباء لي قعدوا من قدام ما ناضوش مانعرف لاه هههههههههههه
واش تقولي فيا انا ديت 16.27 مدولي محفظة في خنشلة
هههههه بدلو خمس ملايين بمحفظة ولا محفظة تاع 5 ملايين يسرقوا الميزانية المخصصة للتكريم و مبعد يديروا محافظ و مزهريات و طقم فناجين
