أنيقه وناعمه ومرتبه بأبسط الخطوات ازياء جديدة
عنوان الموضوع : أنيقه وناعمه ومرتبه بأبسط الخطوات ازياء جديدة
مقدم من طرف منتديات العندليب
أنيقه وناعمه ومرتبه بأبسط الخطوات
انا بدخل في الموضوع على طول ,, اللي بتكلم عنه مو موديلات نازله او كوتور اوشي ثاني ,, بتكلم كيف تكونين انيقه في بيتك بابسط طريقه
انا دايما اسمع عن ناس او احيانا اشوف ناس اشكالهم مره مره حوسه ,, وافكر هذولي ليش كذا ليش ما يلبسون ؟؟
ودايما اسمع عن ناس اكسل منهم مافيه ,, ما تهمتم في نفسها ولا شي ,, وتلبس في البيت ملابس تضيق الصدر ,, واذا انسالوا ليش قالوا : والله نبي ناخذ راحتنا في بيتنا !!
اول مره ادري ان الراحه في البهذله ,, يعني لو لبست شي شين وحوسه ارتاح !!!
بالعكس اريح شي انك تلبسين شي حلو وناعم ولما تناظرين في المرايه تحسين انك بنوته فيك كل نعومه الدنيا
انا موضوعي للبنات والمتزوجات لان البنت في كل مراحل عمرها تهتم ,, مع اني اخصص المتزوجات لان هذا غير انه شي حلو لنفسها هذا واجب عليها ولازم تسويه
والله المشكله ان فيه ناس يكونون مرتبين قبل الزواج ويهتمون ,, وبعد الزواج يصيرون شي فظيع ,, مادري ايش السر ,, يعني تزوجت خلاص !!
واحيانا العكس ,, بس انشالله خلاص معاد يصير احد كذا
والموضوع مو بس للبنات الحوسه هو للكل ,, لان فيه بنوتات حلوات ودهم يغيرون في شكلهم ويكونون مرتبات ويدورون شي جديد ,, وهذولي اغلبيه البنوتات بالذات العرايس الحلوات
ببدا في الموضوع لاني احس اني طولت عليكم سامحوني بس كنت لازم اكتب هالمقدمه
اول شي :
لازم كل بنت تعرف ان اللبس ما يكون بس واحد في اليوم لا ,, كل فتره ولها لبس
انا ما اقول كل ساعه تغيرين لا ,, بس كل فتره لازم يكون لها شي معين
اول فتره (الصبح أو اول ما تقومين) :
وفيه قسمين
القسم الاول الموظفات والطالبات:
بالنسبه للموظفات اكيد هم يعرفون لبسهم كيف يكون شي انيق تنوره مرتبه وبلوزه حلوه تناسب ,, او بدله تنفع للشغل والموظفات يعرفون ايش يلبسون حسب طبيعه شغلهم
وبنات الجامعه نفس الشي اكيد فاهمين لبسهم ,, ما اقدر اتعمق في هذا الشي لان كل وظيفه اوجامعه غير الثانيه ,, بعضها يكون لها قوانين خاصه فكل واحد يعرف
اللي بقوله ان دايما يكون حلو مع لبس الشغل او الجامعه اكسسوار ناعم ,, مثلا سلسله لولو صغيره وحلق ناعم صغير ,, بغير الشكل مره ,, الاضافات البسيطه هذي بتعطيك اناقه ناعمه
الشعر مفروض ما يكون مفكوك بطريقه مبهذله ,, يا ينفك بطريقه حلوه او يمسك من قدام بطريقه ناعمه ,, او يربط بطريقه (بوني تيل) مع اكسسوار بسيط كليب او شي على جوانب الشعر
القسم الثاني الغير موظفات :
لما تقوم الصبح من النوم ,, وبعد التغسيل والشاور الصباحي ,,لازم تلبس شي مره خفيف وبسيط
وهذا الشي الخفيف هو نفسه اللي راح تجلس فيه الين الظهر او العصر وراح افصله لكم الحين في القسم الثاني لان حتى الموظفات والطالبات المفروض يلبسون مثله اذا رجعوا
الظهر:
اول ما ترجع الوحده من برا او اللي توها قايمه وما عندها وظيفه لازم تلبس لبس خفيف وبسيط زي ما قلت,, مثل:
لازم تكون عندك هذي الاشياء البسيطه دايما في دولابك
لازم يكون عندك برمودا او (بانتا كور) قطن او قماشه خفيف ,, اللي شكله كانه سبورتي شوي ,,
ويكون لونه خفيف سماوي مثلا ,, وتلبسين فوق تي شيرت بسيط يناسب معاه ,, مثلا نقول لونه ابيض
وتلمين شعرك على ورا بطريقه حلوه ,, وتلبسين سليبر او صندك ناعم وخفيف يمشي مع لبسك
وطبعا تكونين مهتمه في رجولك واقدامك علشان يطلع شكلك حلو
مو شرط يكون قطن ممكن برمودا جينز ,, بس يكون الجينز الخفيف مو القاسي ,, او اللي يجي حلو ستريتش ,, هذا مره مريح كانك لابسه قطن ,, اذا رحتي للمحل اطلبي جينز على ستريتش ,, لا تخافون ما يطلع البلاوي ,, بالعكس يلم بطريقه حلوه
لا تحاولون تكثرون مره ,, لان الجينز او البرمودا القطن ممكن يلبس كم مره ومع تغيير التي شيرتس كل يوم راح يحس زوجك انك تغيرين لبسك دايما مع انك بس تغيرين التي شيرت
يعني ببساطه اشتروا تي شيرتات بسيطه كثير او اكثر من الجينز ,, ومو شرط تكون حلوه او خطيره ,, لا تكون ساده او فيها اشياء بسيطه ,, يعني لو شريتي كم لون من نفس الشكل عادي لانه ساده ,, ونفس الوقت بتحسين بتغيير
شي ثاني يلبس ,, دايما نلقى في المحلات العاديه او المعروفه (كله واحد) ,, فساتين كذا ناعمه وخفيفه ,, اللي تجي تحت الركبه بشوي ,,فيه اشكال كثيره مره بعظها يجي شكل chinese
وبعضها تمسك من الرقبه وبعضها الـ ديزاين حقه شوي اسباني مو مهم اهم شي تكون ناعمه ومو مسويه زحمه ,, وطبعا يكون عاجبك ,, لازم كل وحده يكون في دولابها كم قطعه من هالفساتين الناعمه
وهذا الفستان ممكن يلبس وقت الغدا او المغرب والعشا يطلع حلو
حتى لو جاك احد بالصدفه تكونين مرتبه,, وشكلك حلو ,, وطبعا تلبسين صندل ناعم معاه وتصلحين شعرك بطريقه حلوه تناسب
مثلا لو كان فستانك chinese
ترفعين شعرك وتلفينه ورا وتحطين (ستيكس) هذي العصاتين الصغيره اللي يلفون فيها شعورهم
ولو كان الفستان فيه ورود او ديزاينه اسباني ,, تفكين شعرك وتمسكينه من الجمب بكلبسه او بنسه ناعمه وفيها مثلا ورده صغيره نفس الوان الفستان
ومع سواره او عقد بصير شكلك مـــــــــره cute
وقت الطلعه :
حسب الطلعه ,, وحسب الناس
يعني لو رايحه بيت اهلك تلبسين شي مرتب مره وشيك ,, مثلا جينز وفوقه بلوزه طويله وفيه اشكال كثير حلوه ,, او تنوره ومعاها بلوزه حلوه ملفوفه مثلا حسب اللي انتوا متعودين عليه
اما باقي الطلعات فيبيلها تفصيل وما ينفع افصل لان موضوعي عن اناقتك في البيت
وقت النوم او الليل :
طبعا هذا فيه اشكال كثيـــــــــــــــــــــــــــره
وتفصيل اكثــــــــــــــــــــــــــر
بس بحاول قد ما اقدر
اول شي ,, غلط الوحده تعود نفسها على نفس الشي دايما لا ,, تغير مره بيجاما مره قميص .....الخ
اول شي (البيجامات) :
طبعا تنفع للبنت والمتزوجه
فيه اشكال مره كثيره ومره اختيارات تجنن ,, اقمشتها غير و اشكالها غير اهم شي التغيير
مره البسي بيجاما بنطلون وبلوزه ,, البسي مره حرير ومره قطن
بيجاما شورت وتوب حقها ,, هذي دايما اشكالها حلوه ,, واغلبها يجي قماشها خفيـــف وناعم مو قطن اخف ,, بس ممكن تغيرين حسب مزاجك
برمودا وتوب ,, اقمشه كثيره والوان اكثر
شوره وبلوزه ,, نفس الوان و اشكال كثيره ,, مع ان اغلبها حرير
فيه شي حلو دايما اسويه ,, مثلا يكون عندي بيجاما ,, قطعه وحده يعني بس برمودا ,, (لاسنزا كثير يبيعون قطع لحالها ) ,, ويكون لونه فوشيا وبينك وابيض مثلا ,, اروح اسوي شي حلو
اشتري توب واحد لونه ابيض وواحد لونه بينك او فوشي ,, ومره البس البينك ومره البس الابيض
يطلع كاني شاريه بيجامتين ,, مع اني بس شريت وحده ,, وممكن حتى لو كانت طقم البيجاما عادي اشتري توب زياده معاها واغير فيه ..
هذي البيجامات ما تنفع لحالها فيه شي مهم
لازم يكون عندك سليبرز ,, وانا اسوي حركه ,, ما اروح اشتري مع كل بيجاما سليبر ,, لا ماله داعي
بس يكون عندي اهم شي واحد لونه ابيض <<<<< ينفع مع اغلب البيجامات
ومثلا واحد بينك ,, وواحد احمر او سماوي
انتي وحسب الوان بيجاماتك اغلبها داخل فيها ايش
اهم شي لا تكثرين عن ثلاثه وكل بيجاما مع اللي يناسبها ,, واذا اشتهيتي سليبر مع بيجاما معينه عادي لا تبخلين على نفسك (احلى الشي الواحد يدلع نفسه)
ثاني شي قمصان النوم :
طبعا انواع واشكال ,, واغلبها تنفع للمتزوجات ,, اهم شي الوحده ما تركز على شي محدد
تحاول دايما تغير ,, واحلى شي اللي يكون يناسب جسمها ويطلعه بطريقه حلوه
واشتروا الاشياء اللي يكون فيها حركه ناعمه او شي حلو
ودايما ضيفوا عليها اكسسوارات بسيطه
انا مثلا دايما اشوف مع القمصان يحطون كلبسه او بنسه او شي كذا زياده
او مثلا البسي خلخال ناعم
(انا افضل الوحده تلبس الخلخال كثير في البيت والله يعطي شكل حلو للرجل) مع السبورات او الفساتين الناعمه او قمصان النوم كلها ترى ينفع
اخـــــــــــــــــــر شي و اهـــــــــــــــــــــم شي الـ underwear :
مادري ليش ناس كثيرين ما يهتمون فيها ,, يلبسون اي شي والسلام !!!
مع ان هذا من اهم الاشياء ,, يعني لو انك لابسه ايش وتحت لابسه شي مره شين بيخرب الشكل (بالذات المتزوجان) لكن حتى البنات لنفسهم هذي الاناقه
لازم لازم في دولابك يكون عندك bra لونها ابيض ,, هذي اساسيه صدقيني محاد يستغني عنها
ويفضل انك دايما تشترين اطقم ,, ارتب شي هذا ,, لان انا ديني ودين اللي تلبس تحت شكل ولون وفوق شكل ولون ثاني ,, ليه كذا ؟؟
ترى بعض الرجال ما يحكون بس طبعا هم يشوفون ويفكرون !!
يفضل انك دايما تشترين اطقم ,, بكل الانواع ,, انواع خاصه لليل وكذا من غير شرح اكيد فاهمين
وانواع خفيفه للنهار وانواع للسهرات ,, كل شي وله شي
وحاولي انك ما تشترين الرخيصه ,, ومو شرط الغاليه مره ,, اهم شي تكون نوعيتها كويسه وترفع وتطلع جسمك حلو
فيه حركه دايما اسويها ,, نفس حركه البيجامات ,, اشتري بانتي فيه اشكال او الوان وما يكون طقم ,, مثلا بانتي لونه سماوي وابيض ,, اروح اركب عليه من عندي برا لونها ابيض !!
تطلع كانها طقم مع ان كل شي لحاله
او مثلا اشتري البانتيز اللي تجي مع بعض بشنطه وحده ,, واغلبها تكون درجات الوانها وحده بس الشكل والرسمات غير
اشوف ايش اللون الغالب عليهم ,, اذا كان اورانج مثلا ,, اروح اشتري bra وحده بس لونها اورانج تنفع معاهم كلهم
تقريبا خلصت موضوعي بس باقي اهم النصايح :
1- حاولي دايما تستخدمين ذكائك وذوقك في تركيب اشياء موجوده عندك من اول مع بعض (يعني قطعه من هنا وقطعه من هنا)
2-انتبهي تلبسين لبس واحد طول اليوم انتبهي !! لانه بيخيس عليك
3-انتبهي تدخلين المطبخ بلبس وانتي ناويه تنامين الحين او تطلعين مكان ,, لان ريحه الاكل بتعلق
4-اذا كنتي تطبخين لفي شعرك باي شي لا تخلينه يطلع ,, والبسي مريله علشان ما توصخ ملابسك
وغيري لبسك بعض الطبخ
5-انتبهي تلبسي خلاقين ,, يعني بنطلون حق بيجاما مع بلوزه حقت بيجاما ثانيه مالها اي دخل بالبنطلون (هذا اكثر شي ينرفز ويخليك حوسه)
6-حركه حلوه انك تلبسين underwear يناسب بيجامتك او لبسك ,, لو شافها زوجك بتعجبينه ترى وتصيرين انيقه في عينه ,, وعين نفسك ,, ترى هذي التفاصيل مره مهمه
7-البسي شراب يناسب بيجامتك ,, والبسيهم قدام زوجك ,, يطلع شكلك حلو ومتغير ,, مو لازم دايما سليبرات وقمصان
8-الاكسسوارات مـــــــــــــــــــره مهمه بالذات البسيطه والناعمه منها ,, حاولي دايما تشترينها وتركبينها على كل انواع ملابسك
9-اشتري لك بيجاما واشتري لزوجك وحده تشبهلها ,, والبسيها وعطيها زوجك هديه وخليه يلبسها
تصيرون زي بعض ,, مره حلو
10-استغلي وقت الدوره انك تصلحين اظافيرك وتسوين مناكير وباديكير ,, وحلو اذا كان فرينش علشان يناسب مع كل ملابسك ,, او احمر الاحمر حلو ,, واذا انتي مره نشيطه غيريه حسب لبسك
11-انتبهي تدورين في البيت من غير bra الله يخليكم ترى هذا اسوا شي في الدنيا ,, لانك بتخربين جسمك ,, وبتطفشين زوجك ,, بس وقت النوم افصخيها
هذا موضوعي واتمنى ما اكون قصرت ,, انا مره كان ودي احط صور لانها بتوضح اللي اقوله اكثر
بس ما عرفت ,, عالعموم انا بحاول اجيب صور توريكم وتوضح اللي قلته
عرايس لا تستخفون بهالاشياء لانها قد ماهي صغيره قد ماهي مهمه
واللـــــه يوفقكم ........
ادعولــــــــــــــــــــــــــــي
بالسعاده والتوفيق دايما
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
https://www.geocities.com/samoooha76/17bz2.gif
__________________________________________________ __________
>>>> الرد الثاني :
__________________________________________________ __________
>>>> الرد الثالث :
مشكوووووووووووووووووووووووورة
__________________________________________________ __________
>>>> الرد الرابع :
مشــــــــــــــــــــــــــكوره
https://www.stooop.com/2006/11/4cf930e7b8.gif
__________________________________________________ __________
>>>> الرد الخامس :
يعطيكمـ العافيـــــــــه ع المرور
