رايكم يهمني تحضير بكالوريا

عنوان الموضوع : رايكم يهمني تحضير بكالوريا
مقدم من طرف منتديات العندليب

السلام عليكم
يا جماعة واحد خيبة امل راهي قابضتني متتصوروش قداش
و مالقيتش وين نفرغ قالبي غير في منتداكم الغالي
انا ديت الباك العام الي فات 12.9
و ممباعد درت st في باب الزوار
بلوكيت العام و عودت الباك باش ندير تخصص طب ياو كي شفت الصباح لقيت روحي جبت 15.20


يعني مستحيل نقدر ندير طب


سلام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

العام اللي فات حبسو الطب في 15,50 نظن ممكن يقبلوك انت وزهرك . ان شاء الله يقبلوك

=========

>>>> الرد الثاني :

أختي هذا العام إحتمال كبير جدآ جدآ المعدلات تهبط ،لأنو اغلب التلاميذ محصورين بين 10 و 14 ،

=========

>>>> الرد الثالث :

العام ليفات الطب 15.64

=========

>>>> الرد الرابع :

احتمال كبير يهبطو المعدلات ،،،

=========

>>>> الرد الخامس :

يا خويا واحد مايكدب عليك و يقلك تقدر دير الطب...............مستحيل ....انا تاني سجلت هد لعام مع الاحرار وديت 15,23 والعام ليفات 15,27...........وراني في واحد الحالة ...............حبيت ندير لطب العام لي فات مقدرتش وهد العام مستحييييييييييييييييييييييييييييل

=========

على حساب اختي قاتلي راح يطلعوفيها
والله اعلمــــــــ

شعبة العلوم التجريبية
ـ المدرسة العليا للإعلام الآلي ( الجزائر ) 17.09 ـ
ـ لغة إنجليزية أستاذ التعليم الثانوي المدرسة العليا للأساتذة بقسنطينة(قسنطينة) 17.05 ـ
ـ لغة فرنسية أستاذ التعليم الثانوي المدرسة العليا للأساتذة بقسنطينة(قسنطينة) 16.32 ـ
ـ هندسة كهربائية و الكترونيك ( بومرداس ) 15.76ـ
ـ صيدلة ( تسجيل وطني ) 15.73ـ
ـ المدرسة العليا للتكنولوجيا(الجزائر) 15.67 ـ
ـ طب ( تسجيل وطني ) 15.64ـ
ـ لغة فرنسية أستاذ التعليم متوسط المدرسة العليا للأساتذة بقسنطينة(قسنطينة) 15.59 ـ
ـ جراحة اسنان ( تسجيل وطني ) 15.45ـ
ـ علوم طبيعية أستاذ التعليم الثانوي المدرسة العليا للأساتذة بالقبة(الجزائر) 15.45 ـ
ـ تاريخ و جغرافيا أستاذ التعليم الثانوي المدرسة العليا للأساتذة بقسنطينة(قسنطينة) 15.42 ـ
ـ إعلام آلي أستاذ التعليم الثانوي المدرسة العليا للأساتذة بقسنطينة(قسنطينة) 15.40 ـ
ـ المدرسة المتعددة العلوم للهندسة المعمارية والعمران ( الجزائر ) 15.39ـ
ـ لغة و أدب عربي أستاذ التعليم الثانوي المدرسة العليا للأساتذة بقسنطينة(قسنطينة) 15.38 ـ
ـ محروقات و كيمياء ( بومرداس ) 15.37ـ
ـ طيران جامعة البليدة(البليدة) 15.34 ـ
ـ إدارة الأعمال الصناعية أستاذ التعليم الثانوي المدرسة العليا لأساتذة التعليم التقني بوهران(وهران) 15.28 ـ
ـ إعلام آلي أستاذ التعليم الثانوي المدرسة العليا لأساتذة التعليم التقني بوهران(وهران)15.18 ـ
ـ علوم طبيعية أستاذ التعليم متوسط المدرسة العليا للأساتذة بالقبة(الجزائر) 15.13 ـ
ـ لغة وأدب عربي أستاذ التعليم متوسط المدرسة العليا للأساتذة بقسنطينة(قسنطينة) 15.13 ـ
ـ علوم دقيقة أستاذ التعليم الثانوي المدرسة العليا للأساتذة بالقبة(الجزائر) 15.12 ـ
ـ علوم طبيعية أستاذ التعليم الثانوي المدرسة العليا للأساتذة بالأغواط(الأغواط) 15.08 ـ
ـ إعلام آلي أستاذ التعليم متوسط المدرسة العليا للأساتذة بقسنطينة(قسنطينة) 15.05 ـ








هادو تاع العام لي فات

السلام عليكم ورحمة الله تعالى بركاته
بون انا عام 2008 حبيت لا ميدسين جبته 12,6 وتماك كاوا طلعوا المعدل ل14,5
الور بلوكيت عامي وعاودته احرار وجبته 13,6 وفوالا هودو لاميدسين حتى ل ,12,6 كنت عارفة بلي يهودواها تالمو ليمةايان كانوا طليحين بزاف ولادومند عليها قليلة وفي داك العام مربحوهش بزاااااااااااااف
والحمد لله السنة راني سنة رابعة طب يعني مكان لاه قاع تتقلقوا راكم رابحين وداخلينيلها وربي كبير عاد لا راني شاكة يهودوا لاميدسينم حتى 14 ,’’’ راني سير بلي تفوتوا وتدخلوا تقرو معايا في لافاكنتاعي انش اء الله
نهار التسجيلات النهائية ردولنا الخبر باش نفورحوا بيكم

مَعْلِيشْ ....رَآنِـي سْمَعَتْ بَلِـي 15 هَذَا العَـامْ يَقَدْرُوا يْديِروُا طِبْ ...

» تَفَاؤَلُو خَيرًا تَجِدُوهْ «

تَفَاؤَلُو خَيرًا تَجِدُوهْ

احتكال كبير العام هذا يهبطو فالمعدل تاع الطب ل14 لانو المعدلات ماهيش مرتفعة بزاف
نتي و زهرك

إن شاء الله يهودوها لأنوا المعدلات هابطة

المشاركة الأصلية كتبت بواسطة mana3raf https://3andlib.xplainer.net/images/...s/viewpost.gif السلام عليكم يا جماعة واحد خيبة امل راهي قابضتني متتصوروش قداش و مالقيتش وين نفرغ قالبي غير في منتداكم الغالي انا ديت الباك العام الي فات 12.9 و ممباعد درت st في باب الزوار بلوكيت العام و عودت الباك باش ندير تخصص طب ياو كي شفت الصباح لقيت روحي جبت 15.20 يعني مستحيل نقدر ندير طب سلام

ا325تلميذ تحصلوا على معدل يفوق 16 و79 تلميذا على أكثر من 17 و7 تلاميذ يفوق 18

يعني بالاك الطب يهبط حتى لمعدل 14
ادعي ربي خاطر مازال كاين أمل
المصدى : https://www.bac-algerie.org/2012/06/3...9-17-7-18.html

تَفَاؤَلُو خَيرًا تَجِدُوهْ

شكرا جزيلا للكل