ممكن طلعولي شويا المورال

عنوان الموضوع : ممكن طلعولي شويا المورال
مقدم من طرف منتديات العندليب

انا مديتش الباك من قبل والعام هدا راني راح نعاودو وبسبب رسوبي من قبل في الباك خلاني نفقد ثقتي في نفسي وعييت نقرا

وخايفة نعاود منديش الباك


ومعرفتش كيفاش نظم وقتي كيعاد العام اللي عقبت فيه الباك ركزت على المواد الاساسية واهملت الادبية فكانت سبب رسوبي


والتمارين راكم تحلو غير تاع ليكور ؟ ولا تحلو تاع الكتاب المدرسي مع العلم راني شعبة علوم

والعام هدا راني مدايرة غير ليكور تاع لفيزيا كيعاد عندي من قبل التمارين والدروس اللي درناهم في ليكور


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لالا اختي متفقديش الثقة كوني دائما متفائلة لان اول شيئ سر النجاح هو التفائل والله ياختي انا مجربها انساي الماظي حاولي تركزي عالحاظر استغلي بما انو عندك نظرة عالدروس حاولي تراجعي من الان كل المواد نظمي وقتك وهنا لا تظلمي ايمادة لانو قادر علاجال نقطة الباك مندوهش ديري فبالك هادي الكلمة مليييييييييييييييييييييح الباك راهو فالجييييييييب رانا نحوسو عالمعدل برك وشوفي ادا منجحناش بادن الله اسمواتنا فقائمة الناجحين اختاه انا طالب حر كملت قرايتي من البيام ودوك راني فالباك نقرا وحدي ونشاء الله كمل ننجحو خليك متفائلة

=========

>>>> الرد الثاني :

شوفي اختي اول حاجة نظمي وقتك وراجعي وخلي الثقة بربي وبنفسك كبيرة
راجعي كلش وماتهملي حتى نقطة لازم يكون عندك اطلاع على كلش
وماتهملي تاني حتى مادة

حلي تمارين الكتاب كون تصيبي حليهم كاملين وزيدي تاع ليكور ومن الانترنت يعني كثري من التمارين قد ما تقدري
هدي نصيحة شخصية و في كل المواد
...
ويالتوفيق لينا كامل

=========

>>>> الرد الثالث :

الارادة والنية تصنع المعجزة
بالتوفيق ان شاء الله

=========

>>>> الرد الرابع :

اختي الغالية في الاعادة افادة و كلشي بالمكتوب اعملي بجهد وثقي بنفسك وفي الله سبحانه ركزي وانسي الفشل والهزيمة فافضل اجابة عن دالك هي الانتصار

=========

>>>> الرد الخامس :

rabi ysahal khti w ynajhak matkhafich rabi ykoun m3ak zayri rouhak w révisii mlih rabi ywaf9ak lik w lina w jami3 nchalah

=========

ارفعي راسك فوق
وانقلك حاجة مابين قوسين و اللي حل لمشكلتك و مشكلتي هي الاصرار نطيح وانعاود انوض
واش اللي قلك أن باكي الاول في 2005 و السنة نجيبوا باذن الله 2013
معناه اناجي راهم أطباء واتخرجوا