بليز ساعدوني ربي ينجحكم لتحضير البكالوريا

عنوان الموضوع : بليز ساعدوني ربي ينجحكم لتحضير البكالوريا
مقدم من طرف منتديات العندليب

اريد منكم مساعدة فيما يخص مواد الحفاظة راني مقدرتش نحفظها نحفظ نحفظ ومن غدوة نلقا روحي والو وزيد كي نحفظ الدرس نقعد فيه نهار كامل والباك قرب ونا الحد الان مدرت فيها والو في الحفاظة الخوف راهو قتلني والتخمام خايفة اني منديش نقول في قلبي لوكان منديش راني متوترة في كلشي مع اني عقبت الباك العم لفات ومكتبليش ربي نديه وزيد هاد العم راني خايفة كتر حابة نديه ونفرح والديا اول حاجة لتعبو معايا ونفرح ونرجع فرحة لراحت مني العام لفات فساعدوني ربي ينجحكم باش نتخلص من مشكلتي ونقدر نحفظ ونحب نحفظ في وقت قصير ومنقدرش قولوي كيفاه نقدر نحفظ في وقت قصير مش نهار كامل في درس وساعات منكملوش ربي يحفظكم ردو في اقرب وقت وندعيلكم كل يوم مرسي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وينكم يا جماعة الخير ردو عليا راني ننتضر فيكم تاعوننوي

=========

>>>> الرد الثاني :

اختي واش راح انقلك
انا لحد الان ما زال ما حفظت ومعولة الاسبوع المقبل نحفظ ان شاء الله ما تتوتري ما والو مام انا معيدة وديفوا انخاف مي اندير الكوراج لروحي ياخي شفتي الباك كيفوا كيف الامتحانات العادية ......
نحي عليك الخوف والهدرة نتاع لكان ما ننجحش بالعكس قولي لازمني ننجح ونقدر ننجح واش يخصك حتان ما تنجحيش
انتي اقراي وديري اللي عليك والباقي على ربي سبحانو واكيد اللي يتعب ما راح يضيعوا ...

=========

>>>> الرد الثالث :

سلام عليكم
مزال الحال وتقدري تحفظي عادي
المشكل تاعك هو انك خايفة ومتوترة و في نفس الوقت تروحي تحفظي من المستحيل تدخل المعلومة بسكو عقل الانسان لا يمكن يفكر في زوج حوايج في نفس الوقت
تخلصي من الخوف . العام ليفات بالاك كان عندنا عذر اما السنة فهذه المرة الثانية لازم تكون عندنا افضلية انننا جوزنا الباك و عدينا التجربة
ننصحك نحي عليك هاد ا الخوف والله تولي بيان وربي ينجنا كامل ان شاء الله

=========

>>>> الرد الرابع :

مرسي ربي يخليكم خاوتي واللله انا الخوف لمخليني هكا
بربي ننجحوكامل ادعولي باش نقدر نحفظ مرسي ربي ينجحكم نتوما تاني


=========

>>>> الرد الخامس :

وينكم خاوتي ساعدوني

=========

https://www.google.dz/url?sa=i&rct=j...64633507602259https://www.google.dz/url?sa=i&rct=j...64633507602259https://static.mcetv.fr/img/2012/10/...entifiques.jpg

صباح الخير اختي
واش مزالك تعاني
ياو نورمال سهليها تسهال اتخيلي انا والله موال ما حفظت وراني معولة باذن الله الاحد نبدى


دمعتي طاحت من عيني ذ
راني في نفس التوتر والله ماعرفت كيفاش نرد عليك ربي ينجحنا وخلاص
انا توتر رجعلي قلاق لبسط الامور

السلام عليكم

الواضح أن مشكلتلك يا أختي ماهي إلا مشكلة نفسية فقط فهاجس الخوف يسيطر عليك تجنبي كل الإيحاءات السلبية حاولي أن تغوصي في الدرس مادام هناك الانترنت من مرة على مرة حاولي تتوسعي في الموضوع فقط للثقافة العامة وهذا مايزيد من ثقتك بنفسك لأنك اكتسبتي موارد جديدة والأكثر من هذا وذاك هو حب المادة هذه هي طريقتي فأنا قليل الحفظ لكن دائما ماأتحصل على نتائج متوسطة من 13 فما فوق صحيح هي نتائج غير مرضية بتاتا لكن أفضل من لا شيئ والله أعلم

توكلي على الله
اعملي كل مابوسعك ودعي القلق جانبا
وجددي املك وارادتك
لاتفكري في الاحتمال السلبي
فكري بأيجابية وفقط
اما ان تحفظي وتشعري بأن رصيدك فارغ
فهو شعور عادي
التذكر يلزمه محفز وهو الاسئلة
موفقة اختي

لقد نجحت في الباك العام الماضي - وهل تصدقي اني بدات بالحفظ في الاسبوع الاخير - وقد كانت طريقتي هي ربط الدرس بحكاية - والكثير ممن اعرفهم والذين بدأوو يدرسو من اول العام لم ينجحو بسبب الخوف - اذن اياك ثم اياك - حاجة ما كاينة روحي بتحويسة ورجعي بتحويسة ...

أختي نحن بصدد اجراء اختبارات عاآآدية جدآآ شأنها شأن تلك التي نجتازها في الفصول الدراسية بل ربما أسهل ...عليك أن تتخلصي من الخوف الذي يتملكك وتذكري اننا جميعا جزء من هذا الاختبار فشعورك بأن هذا الأمر يسري على الكثير منا يخفف بعض الشيء من حدة توترك.....توكلي على الباري عز وجل وأكثرى من الاستغفار وحسن الظن به تعالي فهو القاآدر الذي فوق كل شيء..أما في ما يخص مسألة الحفظ فعليك الاعتماد على الفهم والتبسيط عن طريق المخططات والملخصات وأنبذي طريقة الحفظ الأعمى فلن يوصلك لشيء..اعتبري الأحداث التاريخية كمسلسل شيق وتخيليها تخيلي انك تتكلمين مع الشخصيات والأعداد ونشطي الجزء الأيمن من مخك وفي الاخير أختي عليك باجراء اختبارات تجربيبة في البيت مع ضبظ الوقت لتتعودي على الأجواء....أتمنى اني قد أفدتك وفقكم الله

السلام عليكم أختاه تفادي الخوف و القلق فهما يمنعان الحفظ و إليك الطريقة عليك بالحفظ ثم تعيدين كتابة ما حفظت و ربي يوفقك ان شاء الله