نداء ، لكل من تحصل على معدل 10 يد بيد ونعاودوا الباك ونجيبوه بمعدل كبير ثالثة ثانوي
عنوان الموضوع : نداء ، لكل من تحصل على معدل 10 يد بيد ونعاودوا الباك ونجيبوه بمعدل كبير ثالثة ثانوي
مقدم من طرف منتديات العندليب
السلام عليكم
أولا ألف مبروك للناجحين ألف مبروك كل من تعب يستحق الفوز
هذا الموضوع مخصوص لصحاب المعدل 10 وكل من لم يتحصل على الباك هذا العام
نطلعوا المورال لبعضنا البعض ونتعاونوا ونعاودوه
والله ألي ماجبهش مثل ألي جابه ب10 ماتشوفش حداك ماعندك مادير من بعد بتخصص 10 إلا القليل وأصحاب الحظ
إن شاء الله نجيبوه هذي المرة بمعدل 14 وما فوق
والله ماكنت نقارع لهذا المعدل صراحة ، لا أعلم لماذا ؟
لكن عسى أن تكرهوا شيئا وهو خير لكم
الحمد لله عندي طاقة كبيرة وإرادة واسعة باش نعاود الباك ونجيبه بالمعدل ألي احلمت بيه طول عمري
هيا بنا من يدعمنا من طلاب وأساتذة
الحياة لم تقف هنا
نعاودوه ونجيبوه إن شاء الله
نستناو تخرج كشوف النقاط وكل واحد يحط وينها المادة المشؤومة ألي طيحتله المعدل
أنا بصراحة هي مفيش غيرها الرياضيااااااات ربي وكيلها حاصلة فيا كل عام
بصح هذا العام ياأنا ياهي في الباك
ننتظر كشف النقاط قريبا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وعليكم السلام و رحمة الله
أحيي فيك تفاؤلك و صبرك و اصرارك على النجاح
تأكدوا أن النجاح لن يأتي إلا بعد العبور بمحطات فشل ،لذلك بارك الله فيك أختاه على التفاتتك الطيبة
و ان شاء الله ربي لن يخيب أحد
وفقكم الله
=========
>>>> الرد الثاني :
شكرا لكي أختي قمر الزمان
لم تكن يوما نيتي في الباك الزهو والفرح فقط ونجيب معدل المهم نربح
بل عزمت أمري أن أشق طريقا لي في العلم وبأعلى النتائج إن شاء الله
=========
>>>> الرد الثالث :
اول حاجة الحمد لله على نجاحي في الباكالوريا
تاني شي اصلا كنت ناوية نعاودا لانني والحمد لله ارادتي قوية وقادرة نجيب معدل مليح واحسن من 10
مشكورة اختي على هده الفكرة
=========
>>>> الرد الرابع :
أهلا أختي لامية بارك الله فيك
أحييك على هذه الإرادة
إن شاء الله ندعم بعضنا البعض
بلادنا تنتظر الكثير منا لننهض بها وسط الشعوب ، ولا نرضى بالقليل إن شاء الله
=========
>>>> الرد الخامس :
اول شيئ الف مبروك رواسي فرحت كي وحدة تقرا معايا بالمراسلة جابت الباك شيئ يفرح ان شاء الله انا مجبتوش وراح نعاودو بادن الله
=========
بارك الله فيك أخ حمزة
إن شاء الله ربي يقدرنا ونعاودوه بربي إن شاء الله
لم تقف الدنيا هنا مزال كاين الأمل
الحمد لله لكل من قرر أن يعيده قرار صائب
العام يفوت بلخف والله ألي مايعاودهش يندم
لازم الحزن يعود علينا بالإيجابية ماشي بالسلبية
الإرادة والإصرار نصل لأبعد الحدود
لم أنجح في البكالوريا للمرة الثانية
و أنا قي حيرة كبيرة كأن الدنيا أغلقت أبوابها
لم أفرح والدي بالأخص
ماذا أفعل قد انتتحر؟؟؟؟؟؟
أعوذ بالله أتكفر بالقدر
نحن معكم إن شاء الله
لا تيأس فيها خير إن شاء الله والدك يفرح بك وأنت حي حين تقبل يده وتطلب رضاه
سنعيده معا إن شاء الله
chokran rawasssiiii
lakiiin hata laaan mosta9baliiiiiiiiiiii dayyy3
يسما حنا خاطينا غير جماعة لي جابت 10 ولي منجحت ايا ملا ربي يكون ف العون وتجيبوه بمعدلات مليحة
أنا كنت رابح العام الماضي بمعدل 10.52 هذا العام ربي وفقني و تعلمت من غلطاتي ونجحت ب 15.76 و ربي يسهل لصحاب بكالوريا 2014
باينة الفلسفة ههه
انا العام لي فات جبتو 12.64 وكنت حابة مدرسة عليا وعاودتو هاد العام وجبت 10.04 سلكت بشعرة نعاودو العام الجاي ان شاء الله
بالتوفيق
أنتم الأولى
أعوذ بالله الكل معانا يد بيد إن شاء الله
والله كاين ألي يقرا مليح العام كامل وفي الباك يرتبك
من يعلم ومن قال لك أن من ربح الباك أحسن منك
أهلا وسهلا وهيا بنا للعام الجديد والدراسة من جديد
